Wejereme 9:10 - mzwDBL

¹⁰ Do sie dɛɛ ɛ toma bokpeɡa bwa ne, dɛkalkɛ lalabwɛɛ haa dɛ ba kaala la, toma ɛɛ kɛɛ waane vɔrɔwa, kɛɛ waa mun noe, dɛ wejema toole bela.

Wejereme 9:10 Iomraidhean Croise

Mumpar 37:35

Asɛ o bii ne o lolanar bwa ba dɛ ba larawe o bwara. Kɛ o ta larawa la noɛ dɛ ŋɔ, “N wii nɔɔ dɛ́ kpɔ mɛ kaa n bie be lalabwɛ.” Anomanta, o wi o bie la kɛrɛdɛ.

1 Webena 22:19

Name, le fini kpɔ he bambile ne liire bwa ne dɛɛ tomɛ Korowii. Pa mun ma Korowii Dea la, ásɛ dɛ won kpɔ Korowii Ne Nɛwɛnyina Fɔo Daka la ne laala aa do ɡoroŋ ba kpɔ dɛɛ tomɔ la bwa ba cheɡ o bini.”

1 Webena 28:20

Kooro Devid berɔ ŋɔ o bie Solomɔn be ŋɔ, “Dɔ bambile dɛ́ che kiŋkiŋ, dɛ́ ɛ toma la. Dɛɛ berɛ ɔma, Korowii maa dɛ tomɛ la ja he nɛ. Waa he habɔɔ le bwa ka tel kɛŋɔ Dea la toma bɛlbwa aa tona.

Nehemia 2:12

baala tama banee ja n nɛ, n ne ba ir jwaana. N ta waa Korowii aa kpɔa do n liire bini ŋɔ ń ɛ Jerusalam la bolɛ baɡle nomɛlbwa, keeɡo maa soɡe o ta ɡboo, ane ta jae kpa.

Nehemia 4:2

O cheɡɛ o bala ne Samaria laa tena sie dɛ ŋɔ, “Bɔkwaa Juu tena baa wola wobɛlbwa jemɛ nɔ ɛɛ ɛ nɔɔ? Baa won berɛ kwaa ma ba danjwɛɛ nɔ cheɡ aa? Baa won ɛ sarahare aa? Baa won ɛ sarahare ásɛ dɛ won tonɔ tɔpebeŋkpoŋ ɡbo aa? Baa won berɛ dɔ bwea le anɔ la baa fuah a daŋɛ chɔ nɔ ta naa?”

Nehemia 4:6

Anomanta, ya teŋɔ kwaa ma danjwɛɛ la ka tel bela waa kpeɡ ka tel la baah ta tonɛ, dɛkalkɛ nɛra la ɛ toma la sibeɡra ne.

Job Tɔn 10:21

ásɛ n berɔ kaa laa, maa wola berɛ ba kpa. N dɛ kaa bela bochaah naa wola toole, bela biro ne suna ɡbo aa lole,

Job Tɔn 10:22

bela ɛ biro ɡbo dɛ do kɛŋɔ harambaŋa o ta mar dɔe, dɛ do saɡasaɡa.”

Job Tɔn 21:13

Gɛ nɛra la dɛ́ dɔ kondɔɔh ba soɡa bini bwa, dɛ yon sewɛ deŋnesɔɔhna ta, bá huɡ ba.

Yela 6:5

Nɛn sewaa, waa he waa lii kpa. Umee dɛɛ kpɛɛre lalabwɛ ɔ?

Sɛɡla 3:28

Dɛ he dɔ komɛl dɛ́ tɛ he dɔŋ aa tɛo, bɛ ŋɔ ó kaa kere dɛ́ ba.

Wejereme 11:3

Baama biro kohona naa, anee ɡela bwaala ɛɛ nɛ harɛ ta. Daa cholo chɔ weekaŋle nyundua, kɛɛ weekaŋle harɛbɔr aa, buɡ ta bela waa chola laanee wɛɛ chɔ.

Wejereme 11:6

Hɛɛ du kwaa yaa, he dua chɔɔ dɛ bɛ so pɛɛpɛɛ jɔmɔra ɡe. Haa won jemɛ anɔ la aa do wer, chɔɔ kɛɛ jɔmɔra kwaa laanee yoo. A laa ɡe aa, a bwa ken ɛɛ won do wer.

Aesaya 38:10

“N liiro kɛŋɔ n ta n saŋ tele, dɛɛ ba sewa. N cheɡɛ lalabwɛɛ doonyoa, dɛ n fe aa lii kɛŋɔ mɛɛ dɔ mkpaa.”

Jeremia 29:13

Hɛɛ dɛɛ ɡaaɡe n bɔree dɛ́ na mɛ, dɛ he dɛ́ nyin n bɔr he bambile bwa ne naa, hɛɛ na mɛɛ.

Nɛra Kura 13:30

Dɛ harɛ la waa beɡra baa chole nɛra baa cheme Mosis sie la nɛ, asɛ Kaleb waa ɛ nɛra baa tom ba la bini bɛl ŋɔ, “A chɛ kɛ yá ka puu ba yo, dɛ́ lɛ harɛ la. N jemɔ kɛŋɔ yaa wonoo lɛ.”

Matiu 20:7

Belaa ba chaŋo ŋɔ, ‘Nomɛlbwa ta yaa o toma ta kpɔe.’ Anee baa la ŋɔ, ‘Gɛɛ te naa, hé ɡe kaa n koo ta bela ka ɛ toma.’

Matiu 6:33

Anomanta, hé ɡel he sie beɡre Korowii Kora la ne wedɛɛɡa aa dɛ su o siwi la ta, dɛ bɛ an mun dɛɛ ta, ásɛ o kpɔ anɔ haa dɛ nyin nɔ bwa tɛ heya.

Amanesoma Jɔn Aa Chwera Tɔn 4:34

Belaa Yeesu ŋɔ, “N kondikwaa kɛ maa dɛ ɛ n Mɛɛ waa tom mɛ la tetoora, ne kɛ maa ɛ o toma waa tɛ mɛ la bwa tonɛ.

Amanesoma Jɔn Aa Chwera Tɔn 9:4

A wer kɛŋɔ bɔr aa chaahna nɔ, ya swɛɛ siwi dɛɛ ɛ Naate waa tom mɛ la toma, dɛkalkɛ bɔr dɛ ba bira nomɛlbwa aa wola won ɛ toma bɛlbwa kpa.

Tɔn Pɔɔl Aa Chwerɛ Rom Tena 12:11

Hé laa bɔhwaah kpɔ he waa bini, dɛ́ do ɡbemba dɛɛ tomɛ ya Dɔɔ Yeesu Kristo.

1 Kɔrent 15:10

Kɛ Korowii sune n nɛ, dɛ cha mɛ. Chae waa cha mɛ laanee ɡela n do ɡɛ maa doa nɔ la. O suna waa sune n nɛɛ la ta pɛɛ ɛɛ. N iro, asɛ dɛɛ ɛ o toma la kohona hale dɛ ɡwaa n bala toroma la kwara. N ɡbaɡba kpeɡri ne laa mɛɛ ɛ toma nɔ. Korowiirii sune n nɛɛ dɛ cha mɛ, asɛ mɛɛ ɛa ɡɛ la.

1 Kɔrent 16:10

Timoti ba he be naa, hé lɛo kɛrɛdɛ ásɛ o sie lɛ. Korowii toma maa dɛ ɛ la, anee o ɡee ɛ.

1 Kɔrent 9:24

Dɛ nɛra dɛ ba chwae dɛ lɛ komɛl aa, ba bwa dɛ chwa te, kɛ ba bini beŋkpoŋii dɛɛ dɔ kon la. Anomanta, hé chwa kɛrɛdɛ dɛ́ dɔ kon la.

1 Kɔrent 9:26

Anomanta, n dɛ chwa n sie dawɛ komɛl ta. Maa chwa pɛɛ. N do kɛŋɔ nɛn waa dɛ yo, maa nɔɔra ta pɛɛpɛɛ.

Ɛfesos 5:16

Wechɔɡa lole kɛrɛdɛ taraken. Anomanta, hé takapɔ dɛɛ ɛ wedɛɛɡa taraken nɔ haa dɔ bɔr dɛ́ ɛa nɔ.

Kolosi 3:23

Wobɛlbwa haa dɛɛ ɛ la, hɛ́ɛ ɛa bambile bwa ne kɛŋɔ he Dɔɔ Yeesu Kristoo he ɛ dɛɛ tɛ. Nɛn laa he ɛ dɛɛ tɛ.

1 Samoɛl 10:7

Gɛ waa nɔ bwa ɛo waa, Korowii ɛɛ ba ja he nɛɛ he ɛ waa waa dɛ nyin kɛ he ɛ.