Wejereme 9:1 - mzwDBL

¹ N lii anɔ bwa kɛrɛdɛ, dɛ na kɛŋɔ nɛra ba wa aa toɡra, ne wejerema waa baa dɛ ɛ bwa, lɔ Korowii nɔn ta. Kɛ bɛlbwa aa jemɛ kɛ wedɛɛɡa, kɛɛ wechɔɡa chɔ le dɛɛ kpaa ba.

Wejereme 9:1 Iomraidhean Croise

Job Tɔn 12:10

Korowii kontaala bwa nyu lɔ o nɔn ta, hale nɛwɛnyina bwa.

Job Tɔn 27:12

He bwa siwi na ɡɛ waa nɔ. Ɛrɛɛ he ta ɛɛ bol waa aa wola mun dɔe nɔɔ?

Job Tɔn 5:8

Kɛ dɛ menee yaa, n fe ɛɛ soŋe Korowiirii, dɛ́ kpɔ n waa bil o sie.

Yela 10:14

N Naa Korowii, he dɛ na nɛra siswɛm ne lokua wa, dɛ yon dɛɛ cha ba. He nɔn taa nɛŋɡwɛɡra kpɔ ba nyu dɛɛ do, hɛɛ cha ba saŋ bɛlbwa.

Yela 119:109

Saŋ bɛlbwa n cheɡɛ seo nyoa, n ta he waa soɛh bwa.

Yela 31:5

He nɔn taa n kpɔ n lileo do, N Naa Korowii, he waa dɔ kasinteŋ, lɛɛ mɛ.

Yela 73:3

dɛkalkɛ n na ɡɛ nyubinikpeɡ tena, ne mbarafo tena wa aa wera dɛɛ tɛɛ ba la aa, dɛ n dɛ wee ba bwara.

Sɛɡla 16:3

Kpɔ he wobɛlbwa haa ɛ la do Korowii nɔn ta, ásɛ wobɛlbwa haa maɡla la do wer tɛɛ.

Wejereme 1:17

N siwi beɡrɔ n berɛ dɛɛ nyin ń jemɛ ɡɛ wejema ne ɡɛnewaa aa doa, dɛ na kɛ a bwa ɛ wepuu, dɛ do kɛŋɔ nɛn aa dɛ loo vii habɔɔ, dɛ ɡel o bini ken.

Wejereme 10:14

Gɛne wobol warɔ, aa tonɛ bwa. Nomɛlbwa aa jemɛ waa aa dɛ ba bala kerekere. Umee dɛ́ won baɡle waa aa chiɡ ya seo habɔɔ?

Wejereme 7:15

N soɡa maa soɡa aa wola mun dɔe nɔ, webele anɛ aa teŋa nɔɔ n na, nɛn o wa aa toɡra dɛ́ sewɛ o wedɛɛɡa ɛɛ wa, ásɛ nyubinikpeɡ te so dɛ́ biɡri o wechɔɡa ta.

Wejereme 7:25

Anomanta, n kpɔ n liire bwa do a ta, dɛ́ won jemɛ a mun, dɛ́ nyiŋi wejema ne ŋwɛnɛ aa cheɡɛ a ta waanee yon dɛɛ ɛ, dɛ́ na ɡɛnewaa aa lɔ nyubinikpeɡ ne ɡɛna ta.

Wejereme 8:14

Waane ɡe lole aa wola mun dɔe harɛ nɔ ta ja. Nɛra ba wa aa toɡra dɛ dɔ wechɔɡ-ɛɛra deŋnetɛra, asɛ wechɔɡ-ɛɛra ɡe ɛɛ dɔ kembɔr aa chɛ nɛra ba wa aa toɡra. Anɔ ɡe ɛ wepuu ja.

Wejereme 8:16

N siwi beɡrɔ n nyiŋi ɡɛ wejema aa doa, dɛ na nɛwɛnyini koeh waa dɛ koh harɛ nɔ ta. N nao kɛŋɔ nɛn aa wone dɛɛ chɔ dom chɔɔ ne jwaana,

Wejereme 8:7

Nomɛlbwa aa wola kere waa jemɛ nɔ, umee dɛ́ won baɡlo waa aa dɛ ba bala ɔ?

Wejereme 9:6

Ba dɔŋa nyina ne dɔŋa haeh, dɛ ba meera waa bwa nyoɡrɔ, baa komɛlbwaa dɔ le wobɛlbwa aa lɔ harɛ nɔ ta kpa.

Aesaya 26:12

N Naa Korowii, he dɛ tɛ yaa deŋnesɔɔhna, komɛlbwa yaa dɔa la, henee ɛa tɛ yaa.

Jeremia 43:6

Ba berɔ tɔ baala ne haahna ne bechale, dɛ kooro bihaahna Nebusaradan waa chɔ laa tena baa dɛ daah kooro nyoa sie kaa. Nebusaradanee kpɔ ba do Ahikam bibaa Gedalia, ne men Jeremia maa ɛ Korowii keame, dɛ Nɛrea bibaa Baruk nɔn ta dɛ tɔ ba sie ba kaa.

Mmarare 33:3

Kpelaa, Korowii dɛ nyin o nɛra, dɛ kpɔ nɔn dɛɛ tɔ banɔ la baa lɔ o be pera nɛ. Ba bwa ɛɛ ɡuŋi he siee dɛɛ no he wa.

2 Timoti 1:12

A waa mɛɛ na waa maa dɛ na nɔ la. Sihiih ɡe aa men kpo, dɛkalkɛ n jemɛ naate maa yaradao dɛ kpɔ n te tɛo, asɛ dɛ jemɛ kɛŋɔ wɛɛ wonoo kpoŋe n ne toma waa kpɔa do n nɔn ta la sɔnɔnɔɔ ken dɛ́ ka tel o bala tɔpere.

1 Pita 1:5

He cheɡaa a che. He yarada nomanta, Korowii kpɔ o kpeɡri tɔ he nɛ, wobɛlbwa aa wola won ɛ heyaa ka tel kɛŋɔ waa ba lɛ heya. O ɛ lɛɛ waa ba lɛ heyaa la wobɛlbwa tonɛ, dɛ lɛ heyaa waa bwa jaɡa saŋ.

1 Samoɛl 2:9

He dɛ tɔ he nɛra ba wa aa toɡra ɡbemɡbe, kɛ nyubinikpeɡ tena te, he dɛ kpoo ba. Nɛn aa won che o bokpeɡa ta ɛ wobɛlbwa.