Wejereme 8:8 - mzwDBL

⁸ Nomɛlbwa ta kpeɡri dɔe o doma nɛ, nomɛlbwa aa jemɛ tɔpere waa dɛ ba sewa. Gɛ baa wola won lawɛ nɛn le laa ta la, ɡɛɛ wechɔɡa aa wola nɛra baa dɛ ɛ wechɔɡa bini le.

Wejereme 8:8 Iomraidhean Croise

2 Samoɛl 14:14

Ya bwa ɛɛ serewoo kɛŋɔ baa fuɡe nee ta aa palɛ harɛ, baa wola won berɛ boa a nyoa kpa la ken. Kɛ Korowii aa ɡel nɛn waa sewa berɛ ba mkpa ta, kɛ kooro fe ɛɛ won che ŋwɛnɛ bɛl ta, dɛ́ ɡel nɛn baa lawɔ laa ta kaa bojaŋ harɛfale ta berɛ ba o harɛ ta.

2 Koranar 7:15

Ba ti ba ka tel Jɔɔdan Moo nyoa, dɛ Siiria tena pa ba yale ne ba laala ta ŋwɛnɛ ta, warane baa dɛ nyin dɛ chwa kaa nomanta. Asɛ toroma la berɛ ba dɛ ba ŋɔ kooro be.

Job Tɔn 14:5

He tɔ sie jemɛ ɡɛ nɛn aa so ka tel, dɛ jemɛ korobie aa lɔ o soɡa la ta. He maɡa ɡɛ bil aa wola charɛ.

Job Tɔn 34:14

Dɛ Korowii fe saahnɔ ŋɔ, wɛɛ laa o hweeraa kpɔ nɛn bini naa,

Yela 89:48

Umee dɛ́ so le waa wola sewɛ bwa nɔ? Nɛwɛnyinii ume, dɛ́ ŋɔ, waa lalbɔɔ binii kaa lɔ?

Yela 9:17

Seo chɔ le dɛɛ kpa nyubinikpeɡ tena, banee harɛre nɛra baa vɛh hen Korowii toma la.

Sɛɡla 12:3

Wechɔɡ-ɛɛ aa won che o we-ɛɛla ta dɛ́ lɛ o te, kɛ nɛn o wa aa toɡra te dɛ́ so le kiŋkiŋ ken.

Sɛɡla 14:32

Wechɔɡ-ɛɛ we-ɛɛlaa dɛɛ ba o chɔɡa ne, nɛn o wa aa toɡra dɔ hwɛɡa, hale seo ta.

Wejereme 3:21

Umee dɛ́ won jemɛ kɛŋɔ nɛwɛnyina doma dɛ kaa nyundua, asɛ ola doma ɡe dɛɛ ka harɛ bini nɔ?”

Wejereme 8:13

Kɛ wechɔɡ-ɛɛra aa wola Korowii ɔmɛ nomanta, aa wer doe ba dɛ́ tɛɛ ba. Ba tɔpera aa jaŋnee do kɛŋɔ, lileo yon teŋe ba kaa la ken.

Wejereme 9:12

Ane a bwa, nomɛlbwa aa o tɔpere jemɛ, ɡɛ ba yon kpɔ asau lawɛ pɛŋe, kɛɛ dɛ́ kpɔ bel lawɛ jumbie la, ɡɛɛ ba yon harɛ nɛra bela dɛ́ piɡri laɡ ba tɔpechɔɡe wee.

Aesaya 28:15

He dɛ ta nyoa ŋɔ, “Ya ne seo fɔwɛ fɔo, ya ne lalabwɛɛ nyoa pɛ. Dɛ harɛchɔɡ peu dɛ ba naa, waa yaa dɔ, dɛkalkɛŋɔ ya kpɔ ya te do nyosone ne neɡra ta, kɛŋɔ aa tɔ ya nɛ dɛ́ lɛ yaa.”

Aesaya 28:18

Fɔo he ne seo aa fɔwa la ɛɛ chɔɡoo, nyopɛo he ne lalabwɛ aa dɔa la ɡe aa lee do kpa. Dɛ harɛchɔɡ peu baa ta aa, wɛɛ dɔ heyaa, dɛ́ lɔ heyaa bil harɛ.

Aesaya 47:10

He kpɔ he te dawɛ he wechɔɡa ɛɛ ta, dɛ ŋɔ, ‘Nomɛlbwa aa men na.’ He wejema ne he liire wili dɛ ɡel he ŋɔ, ‘Menee men. Nomɛlbwa toole n habɔɔ kpa.’

1 Kɔrent 15:43

Bwadabii yaa dɔa mɔɔ dɛ serewe la ɛɛ chɔɡoo. O ɛ kompɛɛ baa huɡo, kɛ Korowii ɛɛ leo seo taa, ásɛ o ɛ kondɛɛɡe. Kon baa huɡo la aa kpeɡri bɛlbwa dɔ, kɛ Korowii ɛɛ iruu ásɛ o do kpeɡri.

2 Kɔrent 13:4

Ba fa aa kpaaro pɛl daɡaɡre ta o sewɛ la, a baɡlɔ kɛŋɔ o ɡwɛɡrɔ, kɛ Korowii kpeɡri nomanta, o iro. Ya ne o bwa fa pɛo ɡwɛɡre. Kɛ taraken, ya cheɡɛ Korowii kpeɡri ta dɛ dɔ mkpa, asɛ ya won do he be o kpeɡri la ta.

Hibru 9:27

Kerabeŋkpoŋii nɛwɛnyini bɛlbwa ɛɛ ba sewa, ásɛ a habɔɔ la, Korowii bol o waa dɛ́ pa bole.