Wejereme 8:1 - mzwDBL

¹ Umee ɛ wejereme ɔ? Umee dɛ won baɡle waa mun ɔ? Wejema dɛ kwaa nɛn siebɔr, dɛ ɡel wɛɛ dɔ silɛɛ.

Wejereme 8:1 Iomraidhean Croise

Mumpar 40:8

Anee ba chaŋe ŋɔ, “Ya deero, kɛ bɛlbwa deera waa deera la ɡe korɔ, ya ta nomɛlbwa dɔe ó baɡle yaa a mun bonɔ yaa lole nɔ.” Ate Josef ŋɔ, “Korowiirii dɛɛ tɛ nɛn wejema ó won baɡle nɛn deera mun. Hé baɡle ásɛ n no.”

Job Tɔn 33:23

Kɛ dɛ nyundua torome balɔ dɛ́ ba cha ba aa, bɛl le kaɡboŋa bini ba dɛ́ ba che tɛɛ ba, dɛ́ baɡle waa aa wera tɛ nɛwɛnyini,

Kaala 34:35

asɛ ba na kɛŋɔ o siebɔr dɛ nyɛɡle. Ba nao ɡɛ naa, dɛ o berɔ kpɔ yal la tɔ o sie ka tel kɛŋɔ saŋ waa berɛ ba jo Korowii be bá ka bol waa ja.

Sɛɡla 1:6

dɛ́ won dɛɛ no sɛɡla a mun noe aa kpeɡa, ne wejerema wobol ne wobobeela mun.

Sɛɡla 12:8

Wejeremee baa kpɛɛ, dɛɛ nyiŋi ɡɛna nyubaahna.

Sɛɡla 17:24

Wejereme sie lɔ wejema ta saŋ bɛlbwa, ɡɛnee wola wobɛlbwa dɔe dawɛ o sie ta.

Sɛɡla 21:29

Nɛnchɔɡe dɛ ɛ o siebɔr kɛŋɔ o ɛ nɛndɛɛɡe, nɛn o wa aa toɡra te dɛ́ nyiŋi o waa bini kɛrɛdɛ.

Sɛɡla 24:5

Nɛn o kwa aa chaahna dɛ́ dɔ bokpeɡa kohona, asɛ nɛn waa jemɛ wa ɛɛ di kpeɡri.

Daneɛl 2:22

O dɛ le kwaa aa sɔah baa wola an na ne baŋ, o jemɛ kon waa lɔ biro ta, asɛ nii baro cheme dɛɛ chaah.

Daneɛl 2:47

Kooro la ŋɔ Daneɛl be ŋɔ, “Kasinteŋ, Korowii haa dɛ tomɔ la ɛ Dɔɔranar bwa Dɔɔ, ne Koranar Bwa Kooro dɛ ɡela nɛra won dɛɛ na chaahna dɛ won a mun baɡla, dɛkalkɛ he wono baɡle waa aa sɔah nɔ mun.”

Matiu 17:2

Baa soɡa la, dɛ Yeesu beɡrɔ, o siebɔr do kɛŋɔ wee ken, asɛ o laala waa doa la ɡe to dɛɛ nyɛɡle al-al ken.

We-ɛɛla 4:13

Dɛ Pita ne Jɔn aa tɔn jemɛ kohona bɛlbwa, dɛ ɛ nɛmpɛɛne baa wola Korowii waa hwele kohona bɛlbwa. Nomonome la aa na bambile la soo baa wona kpoŋe dɛɛ bol waa la, dɛ a ɛɛ ba anebɛlbwa. Belaa ba sie chaah ba nɛɛ kɛŋɔ ba fa teŋɛ Yeesu nɛɛ dɛɛ hwelu. An ɡela ba jemɛ waa dɛ dɔ bambile ɡɛ la.

We-ɛɛla 4:29

N Naa Korowii, berɛ na ɡɛ baa dɔa aah he bonɔɔna, dɛ́ tɛɛ ba kpeɡri bá won bol he waa bansua bwa ne.

We-ɛɛla 6:15

Nomonome la ne nɛra baa lɔ bela la bwa kpɔ sie pa Steeven nɛ. Dɛ o siebɔr dɛ nyɛɡle al-al kɛŋɔ nyundua torome siebɔr ken.

Tɔn Pɔɔl Aa Chwerɛ Rom Tena 13:5

Anomanta, hé ɡel he siwi ɛɛ su he nomonome. Korowii bala waa dɛ ba bala dɛ́ ba tɛr he deŋne la ɡbo waa laa a chɛ kɛ he siwi ɛɛ su ba. Dɛ he siwi aa ban su aa, dɛ he ɡbabir liire aa ɡel he bambile sɔɔhne.

Ɛfesos 6:19

Hɛ́ɛ soŋo dɛɛ tɛ n ɡe, ásɛ dɛ n dɛ ba waa bola aa, ń dɔ waa dɛɛ bol, dɛ́ dɔ bambile dɛ́ won pili o wesɔɔhla la le Amanesoma la bini.

Mmarare 28:50

Ba ɛ harɛre nɛra ba siwi aa kpeɡa, baa wola nomoa duu kɛɛ baa wola bechala sum na.

2 Timoti 4:17

Kɛ ya Dɔɔ la cheɡɛ n habɔɔ dɛ tɛ mɛ kpeɡri n won bol Amanesoma la bwa, asɛ nɛra baa wola Juu tena ɛɛ la bwa no. Korowii lɛɛ mɛ le siswɛm ta kɛŋɔ nɛn baa lɛo le nyujente nyoa ta ken.

2 Pita 1:20

Hé jemɛ kɛrɛdɛ kɛŋɔ waa ba fa aa chwera Korowii Keamere Tɔne bini la, a bɛlbwa toole dɛ ɛ nɛwɛnyini nyu bini liire.