Wejereme 7:9 - mzwDBL

⁹ Bɛ ɡel he baah ɛɛ di warawara, ɡɛnee lɛ o dɔŋ waa dɛɛ do o bini.

Wejereme 7:9 Iomraidhean Croise

Mumpar 4:8

Belaa Keen ŋɔ o nime Ebel be ŋɔ bá la koo. Baa lɔ bela la, Ebel ne ŋɔ o jemɛ dɛ Keen lawɔ asɛ dɛ kpoo.

2 Samoɛl 13:22

Absalɔm ɡe ta wedɛɛɡe kɛɛ wechɔɡe bɛlbwa bolɛ baɡle Amnɔn, kɛ dɛ o waa lɔ o bini o haoh, dɛkalkɛ o ɡelɔ sihiih kpo o nimambihaah Taama.

2 Samoɛl 13:28

dɛ ŋɔ o bonɔɔna be ŋɔ, “Hé ɡel he sie do Amnɔn be ɡɛ saŋ waa nyɔ sen dɛ dɛɛ la, mɛɛ lɔ sie he bee, ásɛ he kpoo. Hé te bɛ ɔmɛ. Mɛɛ lɛ wobɛlbwaa dawɛ n nɛ. He bɛ ɔmɛ, dɛ́ che kiŋkiŋ.”

2 Samoɛl 13:32

Kɛ Kooro Devid dɔɔ Simea, o bibaa baa dɛ yerɔ Jonadab ŋɔ, “N naa kooro, he bibaala la bwa laa ba kpoo, Amnɔn ɡboo ɛ nɛn waa sewa. He ɡbabir ɛɛ won na kɛŋɔ le ɡɛ saŋ Amnɔn aa ɡuɡri Absalɔm nimambie Taama o ne o chɔ la bwaa o le dɛ dɔ ɡɛ liire nɔ o nyu bini.

2 Samoɛl 19:43

Asɛ Israel laa tena la chaŋ ba ŋɔ, “Ya dɔ kooro baŋne fi bwa. A habɔɔ ya ne o pɛo ɡwaa kɛ he ne waa doa. Ɛrɛ waa hɛɛ nyiŋi ya nyubaahna nɔɔ? Ya laa tɔ sie bol kooro ka kpɔe dɛ́ ba wa aa?” Kɛ Juda laa tena la chaŋɔ bandia kohona ne, dɛ ɡwaa Israel baala la kwara.

Sɛɡla 14:17

Nɛn o baah aa wola biɡri dii dɛ́ ɛ ɡɛnewa, wejeremee dɛɛ lawɛ bambile.

Sɛɡla 14:29

Nɛn o baah aa wola di warawara la, o dɛ no waa mun taeh, kɛ nɛn waa wola bambile dɔe la, o dɛ maŋkura o te ɡɛna ta.

Sɛɡla 16:32

Bambile dɔe wer ɡwaa banyoo tenten, he jemɛ he te lawa aa, a ɡwaa kɛŋɔ haa yoa lɛ bwɛbir.

Sɛɡla 25:8

bɛ too dɛ́ kpɔ kaa kɔɔto, ɡɛ laa dɛ he dɔŋ kaa di danseɛ bɔe naa, hɛɛ di sihiih.

Wejereme 7:10

Bɛ ŋɔ, “Ɛrɛɛ saŋ la wobɛlbwa do wer ɡwaa fini nɔɔ?” A ɛ ɡɛnewaa kɛ he bɔɔ ɡɛ.

Jona 4:3

N Naa Korowii, n poori den kpo mɛ. N sewɔ bɔ n be kɛŋɔ maa soɡe le.”

Jona 4:8

Wee aa baa baŋɛ la, Korowii ɡelɔ peuwɔb bɛl ta le wee leebɔr, wee ɡe do nyɛɡre dɛɛ lɔ Jona nɛɛ kohona, o fe ɛɛ ba sewa dɛ ŋɔ, “N sewɔ bɔ kɛŋɔ maa soɡe le.”

Jona 4:9

Anee Korowii ŋɔ Jona be ŋɔ, “He dɔ ŋwɛnɛ kɛŋɔ he baah di juɡ nɔ wa aa?” Ate, Jona ŋɔ, “Ɔɔh. N baah diu kohona kɛŋɔ n sewɛ kwara.”

Amanesoma Mak Aa Chwera Tɔn 6:19

Hɛrɔdeas lɛ Jɔn kɔrɔ dɛɛ nyinu dɛ́ kpo, kɛ o ta wone.

Amanesoma Mak Aa Chwera Tɔn 6:24

Anee bihaah la le kaa o nya be dɛ ka bɔɔro ŋɔ, “Bɔkwa konee ń lɛɔ?” Namee Hɛrɔdeas dɔ ŋwɛnɛ kɛ o kpo Jɔn. O ŋɔ o bie la be ŋɔ ó ka ŋɔ ó tɛo Jɔn waa dɛ sɔ nɛra Korowii nee la nyu.

Jems 1:19

Yabala, hɛ́ɛ lii waa nɔ aa teŋa nɔ. Hé ɡel he sie beɡre waa noe ta, dɛ́ nyiŋi kɛrɛdɛ mɔɔ dɛɛ bol wa, ásɛ dɛ bɛ ɡel he baah ɛɛ di warawara.