Wejereme 7:7 - mzwDBL

⁷ He ɛ wejereme dɛɛ faah nɛra aa, he do kɛŋɔ ɡɛne. He sɛoh baa yawɛ sen ɡe aa, nɛnchɔɡee hɛɛ ɛ.

Wejereme 7:7 Iomraidhean Croise

Kaala 23:8

He bɛ nɛn sen dɛɛ yawɛ, nɛn sen yawa dɛ tɔ nɛra baa dɛ bol waa la sie, dɛɛ ɡole nɛn o wa aa toɡra waa sie.

Sɛɡla 17:23

Nɛnchɔɡee ba sɔh dɛɛ yawɛ sen, asɛ wɛɛ berɛ waa sie.

Sɛɡla 17:8

Nɛn waa dɛ yawɛ nomɛl sen la, dɛ lii kɛŋɔ a ɛ ŋwɛnɛ bɛl waa kpɔ o ta dɛ vɔrɔwo. O dɛ lii kɛ ɡɛɛ dɛ́ ɡel o wobɛlbwa do wer tɛo.

Wejereme 4:1

N berɔ nyiŋi dɛ na fiiɡa nɛra aa dɛ fiiɡi ba dɔŋa harɛ nɔ ta. N na nɛra baa dɛ fiɡ ba siniire, kɛ nɛn toole dɛ́ larawe ba bwara, dɛkalkɛ, nɛra baa dɛ fiɡ ba la nɔn taa kpeɡri ka di.

Wejereme 5:8

He na nomɛl waa nyaa, baa wola o waa bolɛ dɛɛ tɛo aŋwɛnɛ ta, dɛɛ fiiɡu harɛ la ta naa, bɛ ɡel á kpo he nyoa. Nomoa bɛlbwa lɔ o dɔŋ waa ɡwaalo lɔɡa, asɛ ba bwa habɔɔ, nomonome bane ɡe ɡwaa ba.

Wejereme 8:9

N na a ɡɛ waa nɔ bwa, asɛ n lii waa baa dɛ ɛa harɛ nɔ ta bwa. Nɛra bane dɛ di kpeɡri, asɛ bane ɡe do ba lɔɡa ba bwara ɛɛ nyɛɡ.

Aesaya 1:23

He nomonome kpaŋe n nɛ, dɛ berɛ ka kpɔ ŋwɛɛra ɛ ba chamene tena. Ba dɛ nyin kɛ nɛra ɛɛ yaɡ ba sen, dɛ berɛ dɛɛ teŋɛ koŋkɛɛla ɡbo ta. Baa bilalbii waa bolɛ dɛɛ tɛɛ ba kɛrɛdɛ, ɡɛɛ baa wola sie do luhaahna waa ta.

Aesaya 33:15

Nɛra ba wa aa toɡraa dɛɛ bol kasinteŋ, baa wola ba kpeɡri ta cheɡɛ hamɛ nɛra dɛɛ dɔ kwa. Nɛra ba sie aa wola lɛ kɛ ba yaɡ ba sen, dɛ laa ba te dɛɛ kpɔ nɛŋkpoa waa ta, dɛɛ lawɛ ba te kɛŋɔ baa wechɔɡaa ɛ la.

Mmarare 16:19

Hɛ́ɛ bol waa kasinteŋ dɛ bɛ a sie laa dɛɛ berɛ. He bɛ nɛra siebɔr dɛɛ nyiŋi, he bɛ ɡel baa yawɛ heyaa sen, dɛkalkɛŋɔ ɡɛ dɛ berɛ waa sie, dɛ berɛ ɡel nɛn waa jemɛ waa o waa dɔ kasinteŋ la ɛɛ teŋe nyosone.

Mmarare 28:65

A ɡɛ harɛre nɛra la bini la, haa bosɔɔhnaa dɔ bobɛlbwa, haa onaa dɔ bobɛlbwa haa la. Wɛɛ ɡeloo he bambile chɔɡ, he sie che chiŋ he bwara yɔr.

1 Samoɛl 12:3

N cheɡɛ bonɔ fini, dɛ n ɛ nomɛl wechɔɡe bɛl aa, bɛlbwa bol Korowii ne nɛn waa leo cheɡ o ɛ kooro nɔ sie. N lɛ nomɛl keeɡo kɛɛ nao o be naa? N faah nomɛl kɛɛ dɛ fiiɡi nomɛl aa? Umee n ɡel o yaɡ mɛ sen ɔ? Dɛ n ɛ anɔ bini bɛlbwa naa, mɛɛ bɔ naate a kemee.”

1 Samoɛl 21:14

Kooro Akis ŋɔ o nomonome be ŋɔ, “Hé na baa la! O dɛ we choɡla! Bɔkwaa dɔ o ne n be bonɔ bala ɔ?

1 Samoɛl 8:3

Kɛ dɛ ba te ta doe kɛŋɔ ba mɛɛ. Dɛ ba sie beɡre suuɡa, anomanta, ba ɡelɔ nɛra ɛɛ yaɡ ba sen, baa waa aŋwɛnɛ ta bol.