Wejereme 7:2 - mzwDBL

² A wer kɛŋɔ nɛn la lwe mun, dɛ ɡwaa kɛ waa la bela baa dɛ di kondikonjena, dɛɛ lɛ ba sie, dɛkalkɛ nomɛlbwa ɛɛ sewɔɔ. A chɛ kɛ nomɛlbwa ɛɛ do waa nɔ dɛɛɡɔ.

Wejereme 7:2 Iomraidhean Croise

Yela 90:12

Gel yá jemɛ ya tɔpera nyoa, ásɛ ya won jemɛ wa.

Wejereme 2:14

Wejereme bɛlbwa dɛ na bela waa dɛ kaa, kɛ ɡɛne te, biro binii o do dɛɛ ɡaaɡe, waa jemɛ bela waa dɛ kaa. Kɛ ane a bwa, n nao kɛŋɔ, sewee chɔ le tɛ ba bwa.

Wejereme 2:16

Baa wejerema ne ɡɛna bwa waa liira ba, baa soh ba bwa waa, tɔpera a taa dɛ ba bala ta. Gɛ ɡɛne aa sewɛ la, ɡɛɛ wejereme ɡe ɛɛ ba sewa.

Wejereme 3:19

Webeŋkpoŋii chɔ le dɛ tɛ nɛwɛnyina ne ola bwa, ɡɛ bɛl aa sewɛ la, ɡɛɛ o dɔŋ ɡe ɛɛ ba sewa. Hweera beŋkpoŋii lɔ a bwa bini. Nɛwɛnyina ta ola ɡwaalɛ. Wobɛlbwa ɛ wepuu.

Wejereme 3:20

Bobeŋkpoŋii Korowii kontaala bwa ɛɛ kaa. Teeraa Korowii kpɔ taa, anomanta, teera binii a bwa berɛ ɛɛ ba kaala.

Wejereme 6:6

hale ɡɛ nɛn waa dɔ kondɔɔh la soɡo bene kaɡboŋa anɛ kwaraa naa, silɛɛ bɛlbwa aa a taa do. Ane a bwa, bobeŋkpoŋii bie la ne nɛn la bwa ɛɛ kaa.

Wejereme 9:2

Nyokala beŋkpoŋii chɔ le dɛ tɛ ba bwa, nɛra ba wa aa toɡra ne wechɔɡ-ɛɛra, nɛndɛɛɡa ne nɛnchɔɡa, banɔ la baa kah doŋa, ne banɔ la baa wola doŋa kaeh, dɛ banɔ la baa dɛ ɛ sarahare, dɛ banɔ la baa wola sarahare ɛ bwa. Waa aa chɔ le tɛ nɛndɛɛɡe la, ɡɛɛ a chɔ tɛ wechɔɡ-ɛɛ ɡe, ɡɛ aa doa dɛ tɛ nɛra baa dɛ ŋwɛɛ ntam la, ɡɛɛ a do tɛ banɔ la baa dɛ ɔmɛ ŋwɛɛra.

Wejereme 9:3

Waa aa ɛ wechɔɡa, dɛ do wobɛlbwa aa lɔ harɛ nɔ ta laanee nɔ. Webeŋkpoŋ laanee chɔ le tɛ nɛwɛnyina bwa. Wechɔɡa su nɛra bambili ɡɛ saŋ ba taa soɡe le dɛɛ ɡɛn, ásɛ mɔɔ bá piɡri sewɛ.

Wejereme 9:5

Weera jemɔ kɛ baa sewɔɔ, kɛ nɛra baa serewa aa wobɛlbwa jemɛ, ba ta kembɔr bɛlbwa dɔe, nɛra aa ba waa kwaraa lii kpa.

Aesaya 47:7

He fa ŋɔ hɛɛ teŋɔɔ dɛ ɛ haŋkooro saŋ bɛlbwa dɛɛ la, anomanta, he ta ɡɛ we-ɛɛla nɔ kpɔe do he liire bini, a ba ɛ kɛŋɔ hɛɛ lii ɡɛ aa dɛ ba he chiɡa.

Jeremia 16:8

Bɛ dem nɛra aa cheme bela dɛɛ di kondikonjena dɛɛ lɛ ba sie jo. He ne ba bɛ pɛ so dɛ́ di kwa kɛɛ dɛ́ nyɔ sen.

Haɡae 1:5

Kenii Koranar Bwa Kooro ŋɔ, “Hé nyiŋi he waa bini kɛrɛdɛ.

Malakae 2:2

dɛ he vɛh n waa nɔ noe, dɛ vɛh jirima kpɔe dɛ́ tɛ n sɔn he bambile bwa ne naa, taahnaa mɛɛ ba heyaa taahna, dɛ́ ɡel kɛ n fe aa swee andɛɛɡa tɛ heya. N dɔɔ taah heya, dɛkalkɛ he ta he liire ɛɛ kɛŋɔ he kpɔ jirima tɛ mɛ.

Nɛra Kura 23:10

Umee dɛ́ won kure Israel tena ɔ? Dɛ he bɔne ba bini bɔre anaarɛ kwaraa naa, umee dɛ́ won jemɛ ba nyoa ɔ? N dɛ nyin n sewɛ kɛ nɛra ba wa aa toɡra, ɡel n seo do kɛ ban!”

Matiu 5:4

Nɛra baa dɛ wi taraken la, ba na som, dɛkalkɛ Korowii ɛɛ larawe ba bwaraa.

Mmarare 32:29

Dɛ he ɛ wejerema dɛɛ no waa mun aa, he fe jemɛ ɡɛ aa ɛa ɡɛ waa nɔ ba he nɛ.

Mmarare 32:46

o ŋɔ ba be ŋɔ, “Hé nyiŋi kɛrɛdɛ kɛŋɔ hɛɛ teŋɛ ɡɛ waa maa dɛ do heyaa a ta fini nɔ taa. Hé kpɔ do he bii ásɛ ba ɡee teŋɛ Korowii webaɡla la ta kɛrɛdɛ.

Felepae 3:19

Ŋwɛnɛ ɡɛ nɛra nɔ aa kpɔ o ta la dɛ kaa ba ne seo ta. Ba kpɔ tea ne bwadabii waa ɡwaa Korowii. Waa aa ɛ sihihwaa la, a nee baa ta nyoa. Ba liire bwa lɔ harɛ nɔ ta kwaa ta.

Hibru 9:27

Kerabeŋkpoŋii nɛwɛnyini bɛlbwa ɛɛ ba sewa, ásɛ a habɔɔ la, Korowii bol o waa dɛ́ pa bole.