Wejereme 7:18 - mzwDBL

¹⁸ Lawɛ a bwa bini kpoŋe, dɛ bɛ ɡel bɛlbwa le he nɔn ta. Naate waa dɛ ɔmɛ Korowii ɛɛ won le ɡɛ waa nɔ bwa nyoa.

Wejereme 7:18 Iomraidhean Croise

Sɛɡla 12:21

Wechɔɡa aa nɛn o wa aa toɡra pu, kɛ nɛnchɔɡe te ne wejoree.

Sɛɡla 8:20

Waa aa toɡraa mɛɛ ɛ, dɛɛ teŋɛ kasinteŋ ta,

Wejereme 11:6

Hɛɛ du kwaa yaa, he dua chɔɔ dɛ bɛ so pɛɛpɛɛ jɔmɔra ɡe. Haa won jemɛ anɔ la aa do wer, chɔɔ kɛɛ jɔmɔra kwaa laanee yoo. A laa ɡe aa, a bwa ken ɛɛ won do wer.

Wejereme 12:13

No waa la bwa name, a jaɡa bwaa kɛŋɔ, ɔmɛ Korowii dɛɛ teŋɛ o Mmarare ta, waa aa chɛ kɛ nɛwɛnyina bwa ɛ laanee.

Wejereme 3:14

N jemɔ kɛŋɔ komɛlbwa Korowii aa ɛ la, ɛɛ do lee saŋ bɛlbwa dɛɛ la. Nɛn aa won kpɔ ane ja kɛɛ dɛ́ laa ane kpɔ a ta. Korowiirii ɛa ɡɛ, ásɛ nɛwɛnyina kpɔ duure tɛo.

Wejereme 5:7

Deera kohona ne wobol kohona ta mun dɔe. Anomanta, a chɛ kɛ hɛɛ ɔmɛ Korowii.

Wejereme 8:12

A lole kɛŋɔ wechɔɡ-ɛɛ ɛɛ won ɛ wechɔɡa kera lafa dɛ́ ta so biɡri. Kɛ n jemɔ kɛŋɔ nɛra baa dɛ ɔmɛ Korowii dɛɛ duuru la, wobɛlbwa ɛɛ do werii tɛɛ ba.

Wejereme 8:13

Kɛ wechɔɡ-ɛɛra aa wola Korowii ɔmɛ nomanta, aa wer doe ba dɛ́ tɛɛ ba. Ba tɔpera aa jaŋnee do kɛŋɔ, lileo yon teŋe ba kaa la ken.

Jeremia 32:40

N ne baa fɔwɛ fɔwee ó chɔ le saŋ bɛlbwa dɛɛ la. Maa wedɛɛɡa maa ɛɛ ba ɡel bwa, mɛɛ kpɔ n ɔmaa do ba bini, ásɛ ba bɛ habɔɔ berɛ kpo mɛ kpa.

Malakae 4:2

Kɛ he banɔ la haa dɛ duu mɛ la, kpeɡri maa kpɔ lɛ heyaa la ɛɛ ba he nɛɛ kɛŋɔ wechɛn yon le dɛɛ tɛ bokpeɡa la. Ásɛ he sie lɛ kɛŋɔ ba yon ya nae bii leɡ ta a sie lɛ aa jah la ken.

Amanesoma Luk Aa Chwera Tɔn 1:50

Nɛra te bwa baa dɛ ɔmɔ la, o dɛ na ba sum, dɛɛ na ba biirere sum, dɛɛ na ba ɡe biirere ne ba naanar bwa sum.

Amanesoma Luk Aa Chwera Tɔn 11:42

He Farisii tena, hé bwɛɛlɛ kɛ haa dɛ tɛ Korowii o bɔr he par nyoa kondikonjeɡre kwaraa ta, kɛ dɛ vɛh kasinteŋ ne Korowii nyina te la. Anɔ nɔɔ chɛ kɛ hɛ́ɛ ɛ, kɛ he bɛ anɔ la aa jaa la ɡel.