Wejereme 6:11 - mzwDBL

¹¹ Nɛn wobol warɔ kohona naa, aa mun kohona dɔ. Ɛrɛɛ aa ba wona dɔ tɔnɔ tɛ bɛlbwa nɔ?

Wejereme 6:11 Iomraidhean Croise

Yela 73:6

Anomanta, ba kpɔ mbarafo do baŋa kɛŋɔ baŋa kwa, asɛ naɡrenyin ber ba yal ba kpɔ tɔ.

Wejereme 2:15

Belaa n lii kɛŋɔ, “Waa aa pu ɡɛne la ɛɛ won ba n ɡe nɛ. Amɔ dɛ ɛrɛɛ n wejema maa dɔa la dɔ tɔnɔ tɛ mɛ nɔ?” Asɛ n ŋɔ, “Anɔ bwa ɡe ɛ wepuu, a ta mun dɔe.”

Wejereme 3:19

Webeŋkpoŋii chɔ le dɛ tɛ nɛwɛnyina ne ola bwa, ɡɛ bɛl aa sewɛ la, ɡɛɛ o dɔŋ ɡe ɛɛ ba sewa. Hweera beŋkpoŋii lɔ a bwa bini. Nɛwɛnyina ta ola ɡwaalɛ. Wobɛlbwa ɛ wepuu.

Wejereme 4:16

Nɛra kooro aa dɛɛ di kora ba nɛɛ ta nyoa dɔe, kɛ dɛ o baa sewaa, nomɛlbwa sie aa o waa waa ɛa taa lɛ. Anɔ ɡe ɛ wepuu, a do kɛŋɔ nɛn aa dɛ loo vii habɔɔ, dɛ ɡel o bini la ken.

Wejereme 4:8

Dɛ baa bɛl ɡboo soɡa, o ta bibaa kɛɛ nime dɔe. Dɛ tɔpere bɛlbwaa wɛɛ koh, kɛ o siwi aa o kondɔɔh su. Ate, o bɔɔ ŋɔ, “Ume waa mɛɛ koh maa wola won lɛ n sie nɔɔ?” Anɔ ɡe ɛ wepuu, bosɔɔhna aa wola toole a ta.

Wejereme 5:7

Deera kohona ne wobol kohona ta mun dɔe. Anomanta, a chɛ kɛ hɛɛ ɔmɛ Korowii.

Wejereme 6:10

Wobɛlbwa aa chiɡa saŋ la dɔ sɔn, asɛ ya jemɛ ɡɛ nɛwɛnyini ɡe aa doa. Ya jemɔ kɛŋɔ nomɛlbwa ne nɛn, waa do kpeɡri ɡwaalo aa won cheme.

Wejereme 6:12

Dɛkalkɛ umee dɛ́ won jemɛ waa aa wera tɛ nɛn, ya tɔpera tama aa wola tɔnɔ dɔe dɛ teŋe baa kaa kɛ lileo nɔ ta nɔ? Umee dɛ́ won baɡle waa aa chiɡ harɛ nɔ ta o seo habɔɔ?

Hosia 12:1

Israel tena wobɛlbwa ɛ wepɛɛ dɛɛ chɔɡ wa tɔpere te bɛlbwa. Ba chwao dɛɛ ti nyosone, asɛ naɡrenyin we-ɛɛla ɡe su ba bwa. Ba ne Asiiria tena fɔwɛ fɔo, ba ne Ijipt tena ɛɛ di bona.