Wejereme 6:10 - mzwDBL

¹⁰ Wobɛlbwa aa chiɡa saŋ la dɔ sɔn, asɛ ya jemɛ ɡɛ nɛwɛnyini ɡe aa doa. Ya jemɔ kɛŋɔ nomɛlbwa ne nɛn, waa do kpeɡri ɡwaalo aa won cheme.

Wejereme 6:10 Iomraidhean Croise

Mumpar 3:9

Anee Korowii yerɛ baa la ŋɔ, “Lee he dɔɔ?”

Job Tɔn 33:13

Ɛrɛɛ he bol he waa dɛɛ baɡle Korowii waa wola hen chaŋe nɔɔ?

Job Tɔn 40:2

“Umee hen hɛɛ tɔŋle Men Kpeɡri Bwa Dɔɔ rɔ? Dɛ ɡɛɛ yaa, amɔ te chaŋ mɛ.”

Job Tɔn 9:32

O ta nɛn ɛɛ ásɛ n ŋɔ mɛɛ chaŋoo, kɛɛ dɛ́ ŋɔ n ne wɛɛ ka che kɔɔtoo.

Yela 103:15

Kɛ nɛwɛnyina bwa do kɛ kpɔɡa, ba mkpa ɡe do kɛŋɔ kpɔɡa fee, kpɔɡa dɛ sewɛ a fee ɡe ɛɛ lee,

Yela 39:6

Nɛwɛnyini mkpa do kɛŋɔ lileo, ba wobɛlbwa ɛ wepuu. Wɛɛ nyin kondɔɔh cheɡ kohona, kɛ waa jemɛ naate aa ba ɛ o kwa.

Sɛɡla 21:30

Nɛwɛnyini wejema ne waa mun noe, dɛ wejaala ɛ pɛɛpɛɛ, dɛ Korowii ta o nɛɛ jae yaa.

Wejereme 3:15

Wobɛlbwa aa chiɡa ka la, ne anɔ la aa chiɡ ɡe fa chiɡo ka. Korowiirii ɡela ɡɛ waa la bwa berɛ dɛɛ chiɡ.

Wejereme 6:11

Nɛn wobol warɔ kohona naa, aa mun kohona dɔ. Ɛrɛɛ aa ba wona dɔ tɔnɔ tɛ bɛlbwa nɔ?

Jeremia 49:19

Gɛ nyujente yon le Jɔɔdan Moo kɔr bini ba kaa harɛdɛɛɡe ta ka di la, ɡɛɛ men Korowii ɛɛ ba Edom tena doŋa le ba harɛ ta. Ásɛ nomoa maa leo la tɔ ba sie dɛɛ nyiŋi ba nɛ. Umee bá won kpɔ maɡ mɛ nɔ? Nomɛlbwa aa won tɔŋle mɛ. Kooro besoo dɛ́ won che n sie nɔ?

1 Kɔrent 10:22

Hei! He dɛ nyin he muɡli ya Dɔɔ baah o mee raa? Ya kpeɡri ɡwaalo wa aa?