Wejereme 5:2 - mzwDBL

² Dɛɛ lawɛ he nyoa, he dɔ waane dɛ́ bol aa, nyiŋi a bini kɛrɛdɛ dɛ bɛ too, dɛ́ bol baɡle Korowii. Korowii te, nyundua o do, asɛ he do harɛ, anomanta, bɛ ɡel he wobol do kan.

Wejereme 5:2 Iomraidhean Croise

Mumpar 18:27

Asɛ Abraham berɛ ŋɔ, “Kaforachɛ, a fe ta chɛɛ kɛ n maɡa nɔ dɔŋ maa ɛ nɛwɛnyini nɔ su baah che n Dɔɔ sie dɛ bol wa.

Mumpar 18:30

Ate, Abraham ŋɔ, “N poori, n Dɔɔ, bɛ ɡel he baah di, n dɛ nyin ń bol waa ja. Dɛ nɛra fifraatoro ɡee sɛ?” O ŋɔ, “Dɛ mɛɛ dɔ nɛra fifraatoro kwaraa yaa, n fe ɛɛ ɡeloo.”

Mumpar 18:32

Asɛ o berɛ ŋɔ, “N poori, n Dɔɔ, bɛ ɡel he baah di. N dɛ nyin n soŋe webeŋkpoŋ ɡbo ja. Dɛ nɛra fi ɡbo ɡee sɛ?” Anee o ŋɔ, “Dɛ nɛra fi ɛ nɛndɛɛɡa bwɛɛ la ta naa, maa bwɛɛ laanee chɔɡ.”

Mumpar 28:20

Asɛ Jekɔb baɡɛ Korowii nyoa ŋɔ, “Dɛ hɛɛ ja n nɛɛ dɛ́ kpɔ nɔn tɔ n nɛɛ n ŋwɛnɛ maa dɛ kaa nɔ ta, dɛ́ tɛ mɛ kondikwaa ne yal maa tɔ,

Mumpar 28:22

Bwe maa kpɔa pa dɛ kpɔ dɛɛ liiri nɔɔ dɛɛ ba he torome bɔr ɛɛ. Ásɛ komɛlbwa ɡe haa tɛ mɛ la, bɔre fi bɛlbwa la, mɛɛ tɛɛ bɔrbeŋkpoŋii.”

Yela 115:3

Korowii yaa dɛ tomɔ la lɔ nyundua, waa aa too o tea laanee wɛɛ ɛ.

Sɛɡla 10:19

Wobobala te bɛlbwa dɛ koni, asɛ nɛn waa won o nyoa lawa la jemɛ wa.

Sɛɡla 20:25

He toolo baɡɛ Korowii nyoa aa, a ɛ bel dɛ chɔ kpae, a habɔɔ a ba ɛ waa dawɛ he nɛ.

Wejereme 10:12

Jirima lɔ wejereme nyoa, kɛ ɡɛne te, o ɡbabir nyoa wobolee dɛɛ chɔɡo.

Wejereme 10:13

Gɛne bol wa aa, a ɛ ɡɛne wobol, a tona bini do kɛ choɡla te wobol.

Wejereme 5:3

Liire waraa ɡela nɛn ɛɛ dee deera, ɡɛɛ dɛ nɛn dɛ́ bol waa kohona, dɛ o ta nyiŋe kɛrɛdɛ naa, wɛɛ bol ɡɛnewa.

Wejereme 5:7

Deera kohona ne wobol kohona ta mun dɔe. Anomanta, a chɛ kɛ hɛɛ ɔmɛ Korowii.

Aesaya 55:9

Gɛ harɛ ne nyundua baah aa jaŋa la, ɡɛɛ n we-ɛɛla ne n liire ɡwaa he kwa.

Lewi Dea Tena 5:4

Kɛɛ nomɛlbwa piɡro ŋwɛɛ kɛŋɔ wɛɛ ɛ waanee, wedɛɛɡa kɛɛ wechɔɡa, kɛɛ anɔ la bɛlbwa waa piɡra ŋwɛɛ dɛ berɛ ba lii la, dɛ o di bolchɔɡe.

Matiu 6:7

He bɛ wobojaŋa aa wola mun dɔe dɛɛ bol he Korowii soŋa ta kɛ nɛra baa wola Juu tena ɛɛ, baa wola Korowii tomɛ la yon dɛɛ ɛ la. Ba dɛ lii kɛŋɔ ba wobojaŋa laanee dɛ́ ɡel ba voɡa no ba wa.

Matiu 6:9

Kenii chɛ kɛ hɛɛ soŋe Korowii, ‘Ya Mɛɛ haa lɔ nyundua, henee chɛ duura.

Amanesoma Mak Aa Chwera Tɔn 6:23

Kooro la ŋwɛɛ ntam baɡle tolo la kɛ, “Komɛlbwa haa dɛ nyin la, mɛɛ tɛɛ, hale n kora pera.”

Jems 3:2

Ya bwa dɛ koni saŋ bɛlbwa. Dɛ nɛn aa wobɛlbwa waa dɛ bol la ta koni aa, dɛ o ɛ nɛn o wa a toɡra tenten. Nɛn waa won o wobol nyiŋa la, o won o te lawa wobɛlbwa ta.

Sitɔɔla 11:30

Asɛ o baɡɛ Korowii nyoa ŋɔ, “Dɛ he kpɔ Amɔn tena do n nɔn ta n pɔ ba nɛ aa,