Wejereme 4:1 - mzwDBL

¹ N berɔ nyiŋi dɛ na fiiɡa nɛra aa dɛ fiiɡi ba dɔŋa harɛ nɔ ta. N na nɛra baa dɛ fiɡ ba siniire, kɛ nɛn toole dɛ́ larawe ba bwara, dɛkalkɛ, nɛra baa dɛ fiɡ ba la nɔn taa kpeɡri ka di.

Wejereme 4:1 Iomraidhean Croise

Job Tɔn 16:4

Dɛ he fe do ɡɛ maa doa nɔ, n ɡe do ɡɛ haa doa nɔ naa, n fe ɛɛ bol waa ɡwaa heya he kwaa la berɛ dɔ wesoma.

Job Tɔn 35:9

Ba dɛ fiiɡi nɛra kohona a ɡwaa ba nɛɛ aa, ba dɛ pɛmɛ, ba dɛ wi dɛɛ soŋe nɛn ó lɛɛ ba le kpeɡnɛn la nɔn ta.

Job Tɔn 6:29

Hé berɛ nyiŋi a bini, dɛ bɛ men bolchɔɡe pa, hé kwaa lii, dɛkalkɛ n waa la wer.

Job Tɔn 9:24

Harɛ bɛl baa do nɛnchɔɡa nɔn ta naa, Korowii dɛ damɛ nɛra baa dɛ di ba waa liire. Dɛ o laa aa, umee dɛ́ won ɛ ɡɛ nɔ?

Yela 12:5

N Naa Korowii ŋɔ, “Mɛɛ bao, fiiɡa baa dɛ fiiɡi nɛŋɡwɛɡra, ne pɛma nyaara aa dɛ pɛmɛ la wa. Mɛɛ lɛɛ ba so deŋnesɔɔhna ta.”

Yela 142:4

N keo nyiŋi na naa, nomɛlbwa toole dɛ́ cha mɛ. N ta nɛn maa chwa ka sɔh o be dɔe, nomɛlbwa waane laa n nyu dɔe wa.

Yela 142:5

N Naa Korowii, n wio dɛɛ noe ŋɔ he cha mɛ, henee dɛ waa puu mɛ naa, n chwa baa marɛ harɛ nɔ ta.

Yela 42:3

Sinii ber mɛ kondikwa, chɔɔ ne jwaana bwa. Saŋ bɛlbwaa n dɔma ɛɛ pɛɛ mɛ ŋɔ, “Leperaa Korowii haa dɛ tomɔ la dɔɔ?”

Yela 42:9

N ŋɔ Korowii waa do kɛ Bwetal n chwa kaa marɔ be ŋɔ, “Ɛrɛɛ he soh n waa nɔɔ? Ɛrɛɛ mɛɛ wi n dɔma, ba nyu bini aa kpeɡa nɔn ta nɔɔ?”

Yela 69:20

Chɛɡa ɡelɔ n bambile chɔɡ, dɛ ɡel n liire bwa damɛ. N dɛ nyin nomɛl ó fee ba larawe n bwara, n ta nɛn nae, kɛɛ nomɛl ba do mɛ ɡbemba, kɛ nɛn toole.

Yela 69:21

Lɔr aa dɛ kpo mɛ la, ba kpɔ tɛɡkpela do kondikwaa ta tɛ mɛ n di, nyoɡre ɡe aa dɛ kpo mɛ la, sennyɛɡaa ba tɛ mɛ n nyɔ.

Yela 80:5

He ɡelɔ suna do kɛŋɔ kondikwaa yaa di, siniire ɡe do kɛ nee yaa nyɔ.

Kaala 1:16

“Dɛ he dɛ lɛ Hibru haahna lol dɛ na kɛŋɔ bibaalaa yaa, hé kpoo ba, kɛ dɛ bihaahnaa tenaa, hé ɡel ba.”

Kaala 1:22

Ate, Ijipt kooro la ŋɔ nɛra bwa be ŋɔ, “Bibaa bɛlbwa Hibru te haah naa lolɔ la, hé lɛo dɛ́ kpɔɔ ka ta Nael Moo ta. Kɛ dɛ bihaahnee te naa, hé ɡel ó do le.”

Sɛɡla 19:7

He nyao waa, he lolanar dɛ́ vɛɛh, n baa bol he daamanar wa. He dɔ waa dɛɛ nyin ba bɔr aa, haa ban na.

Sɛɡla 28:3

Kooro waa dɛ ɛ nyaara hɔhɔrɔwa la, do kɛŋɔ bwaala waa wola komɛlbwa kwaa ken.

Sɛɡla 29:2

Nɛndɛɛɡa baa di kora aa, nomɛlbwa sie dɛ lɛ, dɛ nɛnchɔɡa ɡe baa di aa, nomɛlbwa dɛ hime.

Wejereme 3:16

N berɔ na waane harɛ nɔ ta ja, nyubinikpeɡ chiɡ kasinteŋ bole pae naa ta, wechɔɡa ɡe chiɡ waa aa toɡra naa ta.

Wejereme 5:8

He na nomɛl waa nyaa, baa wola o waa bolɛ dɛɛ tɛo aŋwɛnɛ ta, dɛɛ fiiɡu harɛ la ta naa, bɛ ɡel á kpo he nyoa. Nomoa bɛlbwa lɔ o dɔŋ waa ɡwaalo lɔɡa, asɛ ba bwa habɔɔ, nomonome bane ɡe ɡwaa ba.

Wejereme 7:7

He ɛ wejereme dɛɛ faah nɛra aa, he do kɛŋɔ ɡɛne. He sɛoh baa yawɛ sen ɡe aa, nɛnchɔɡee hɛɛ ɛ.

Wejereme 8:9

N na a ɡɛ waa nɔ bwa, asɛ n lii waa baa dɛ ɛa harɛ nɔ ta bwa. Nɛra bane dɛ di kpeɡri, asɛ bane ɡe do ba lɔɡa ba bwara ɛɛ nyɛɡ.

Aesaya 5:7

Koranar Bwa Kooroo dɔ daa koo la, asɛ koo la che tɛ Israel tena. Daa la cheɡɔɔ tɛ Juda tena, banee daa waa chɔɔra o sie lɛ a ta la. O fe dɛ nyin kɛ baa ɛ waa aa wera, asɛ ba berɛ dɛɛ kpoo nɛra. Dɛ o dɛ nyin kɛ baa ɛ wedɛɛɡa ɡe, kɛ nɛra baa dɛ fiɡ ba wii wɛɛ no.

Aesaya 51:23

Mɛɛ kpɔɔ do nɛra baa dɛ fiiɡi heyaa la nɔn ta. Banee yon ŋɔ, ‘Hé chɔ harɛ, ásɛ ya valɛ he nyaŋ ta.’ He chɔ harɛ ba kpɔ he nyaŋ berɛ ŋwɛnɛ dɛɛ tiɡri he nɛ.”

Aesaya 59:7

He ɡbaŋre wechɔɡa ɛɛ ne nɛn waa wola wechɔɡa ɛɛ kpoe ta. Wechɔɡa lɛ he liire bwa, dɛɛ chɔɡ kwaa bobɛlbwa haa dɛ la.

Jeremia 16:7

Nomɛlbwa aa kondikwaa kɛɛ senee yawɛ tɛ o dɔŋ bɛl o lole aa sewa wa, dɛ́ kpɔ larawo bwara. Bɛlbwa aa o dɔŋ bwaraa larawe, hale nɛn o nya kɛɛ o mɛɛ aa sewa wa.

Wiile 1:16

A waa siniire ɛɛ yɔɔ mɛ kohona la. Nomɛlbwa aa won larawe n bwara, bɛlbwa ɡe aa won do mɛ ɡbemba. N dɔma pɔ n nɛ, n bii ta sidawa bɛlbwa dɔe kpa.

Wiile 1:17

Jerusalam do kɛŋɔ nɛn waa ta nɔn dɛɛ nyin nomɛl ó ba chao, kɛ nomɛlbwa toole dɛ́ ba larawe o bwara. Korowii do nɛra baa soɡa bar Israel, asɛ ba ba yoo laa, dɛɛ ɛo kɛŋɔ kondoŋ bɛl ken.

Wiile 1:2

Jwaana bwaa wɛɛ wi kohona, siniire ɛɛ yɔɔro. Harɛre nɛra baa dɛ nyinu bwa chwao, bɛlbwa toole dɛɛ larawe o bwara kpa. O daamanar leo tɛ, dɛ bwa berɛ o dɔma taraken.

Wiile 1:9

Bɛlbwa na wechɔɡa waa ɛa dɛ kpɔ doŋa kah o te, o ta waa aa dɛ ba o nɛɛ chiɡa kerekere waa liire. O chola waa chola la ɔma kohona, nomɛlbwa toole dɛ́ larawe o bwara. O ŋɔ, “N Naa Korowii, sune n nɛ, dɛkalkɛ n dɔma pɔ n nɛ, dɛ kpɔ wenaale ba ta n nɛ.”

Emɔs 3:10

Korowii ŋɔ, “Baa jemɛ waa aa wera la ɛ. Ba cheɡɛ laa ta, dɛ che laala su ba dekpeɡa bini.”

Emɔs 3:9

Emɔs ŋɔ Samaria nomonome be ŋɔ, “Hé la ka bol nɛra baa soɡe Asdɔd ne Ijipt dekpeɡa bini la be ŋɔ, ‘Hé ka cheme Samaria bwejena dor, dɛ́ na yoi we-ɛɛla ne fiiɡa baa dɛ fiiɡi nɛra bela.’ ”

Malakae 2:13

Waane ɡe lole hɛɛ ɛa ja. He wio dɛ kpɔ sinii su kon baa ɛ saraha o ta dɛɛ tɛ Korowii ta bwa, dɛ wi dɛɛ dooɡe lɔŋɔre lɛɛ waa wola he saraha kwaa lɛ silɛɛ ne kpa la wa.

Malakae 3:18

Hɛɛ berɔ na ɡɛ nɛra ba wa aa toɡra waa aa korɛ banɔ la ba nyu bini aa kpeɡa waa ta, ne ɡɛ nɛra baa dɛ tomɛ men Korowii waa aa korɛ banɔ la baa wola men tomɛ waa ta.”

Malakae 3:5

Men Koranar Bwa Kooro ŋɔ, “Mɛɛ bao warane dɛ́ ba bol he waa dɛ́ pa bole. Mɛɛ ba bol voɡra ne nɛra baa dɛ chɔɡ yal, ne dansewea tena ne nɛra baa dɛ faah ba tom-ɛɛra ba kembɔr ta, ne nɛra baa dɛ fiiɡi luhaahna ne bilalbii, ne nɛra baa wola nɛŋhɔɔhra waa bolɛ dɛɛ tɛɛ ba aŋwɛnɛ ta, baa wola men ɔmɛ bwa waa.”

Matiu 26:56

Anɔ bwa ɛo ásɛ waa Korowii keamere la aa chwera Korowii Tɔn bini la ɛ kpela.” Belaa Yeesu habɔteŋra la bwa chwa peɡre a kao.

Mmarare 28:33

Kwaa haa koh dɛ́ para la, harɛ bɛl tenaa dɛɛ ba dɛ́ ba kpɔa kaa ka di, ásɛ a ka he ne tɔpere bɛlbwa wahala ne fiiɡa.

Mmarare 28:48

Korowii ɛɛ ɡeloo he tomɛ he dɔma waa dɛ ba ɡela ba yo heya, ásɛ dɛ lawɛ heyaa yoma hé paŋɛ komɛlbwa. Haa kwaa dɔ di, haa nee ɡee dɔ nyɔ. Hɛɛ so mumɡbalee ba do heya hɛɛ tom ba. Hɛɛ di somanjirii ka tel kɛŋɔ haa serewe.

Jems 5:4

Hɛ́ɛ no! Nɛra haa kpɔ ba, ba ɛ he kooni tomare he ta ban kem bɔe dɛ faah ba la, ba dɛ wi he tɛl. A ɡɛ nɛra la wii chole Korowii waa ɛ komɛlbwa Dɔɔ la deŋna ta.

Sitɔɔla 4:3

Dɛ Kooro Jabin dɔ bune kwaa aa do kɛ torɔɡo ba vɔwɛ dɛɛ pɛl jaɡre la lafraanuanaarɛ. O fɔɡɛ Israel tena kɛrɛdɛ bene fifraanɛ, asɛ ba berɛ wi no Korowii ŋɔ ó cha ba.