Wejereme 3:8 - mzwDBL

⁸ Dɔŋa nyina dɔ a tɔpere, dɔŋa haeh tɔpere ɡe do le, laa yoi tɔpere lole, deŋnesɔɔhna dɔe tɔpere ɡe do le.

Wejereme 3:8 Iomraidhean Croise

1 Koranar 5:4

Taraken, Korowii maa dɛ tomɔ alaworomɛ, o tɛ mɛ deŋnesɔɔhna, wechɔɡa kɛɛ dɔm bɛlbwa toole n harɛ ta kpa.

2 Koranar 9:22

Kooro Joram aa na Kooro Jehu la, o bɔɔro ŋɔ, “Kooro Jehu, a somaa?” O chaŋe ŋɔ, “Ɛrɛɛ deŋnesɔɔhna ɛɛ ba wona do le nɔ? He nya Jɛsɛbɛl ɡelɔ nomɛlbwa ɛɛ tomɛ voɡa dɛɛ ɛ sɔm we-ɛɛla.”

2 Webena 19:2

asɛ Hanani bibaa Jehu waa ɛ Korowii keame la ka cheme Kooro Jehosafat dɛ ŋɔ, “A chɛ kɛŋɔ hé cha nyubinikpeɡ tena, ásɛ dɛɛ nyin nɛra baa hah Korowii aa? Gɛ nomanta, Korowii bandia ba he nɛ.

Yela 101:3

dɛ́ laa n te kpɔ wechɔɡa ta. N hah nɛra baa berɛ habɔɔ kpo hen Korowii la we-ɛɛla, n ne ba toole wobɛlbwa bini.

Yela 105:25

O berɛ Ijipt harɛ tena liire, dɛ ɡel ba hah o nɛra, dɛ dɔ liichɔɡa tɛɛ ba.

Yela 139:21

N Naa Korowii, n hah nɛra baa haeh! N kii nɛra ba deŋne aa kpeɡa baa jo he nɛ!

Sɛɡla 13:5

Nɛn o wa aa toɡra aa nyosone nyin, kɛ nɛnchɔɡe wobol te, sihihwaa ne ncho ɡboo a bwa.

Ɛsekeɛl 16:8

A habɔɔ n berɔ fɛrɛ ba kaa, dɛ na kɛŋɔ namete he kpeɡo kohona kɛŋɔ he yalɛ, asɛ n paɡri n yal nyoa tɔ he nɛ, he ta mumɡbal cheɡɛ kpa. N ŋwɛɛrɔ baɡle asɛ n ne he fɔwɛ fɔo he berɛ n haah. Men Nemenɛ Korowiirii bola.

Amanesoma Luk Aa Chwera Tɔn 14:26

“Dɛ nomɛlbwa ba n be o ta men nyine ɡwaa o mɛɛ ne o nya, ne o haah ne bii, o dɔɔranar ne nimanar ne nimambii dɛ o ɡbaɡba aa, waa won ɛ n habɔteŋre.

Ɛfesos 3:19

O nyina waa dɛ nyin yaa la ɡwaa ya liire ta. Kɛ n dɛ soŋe Korowii he won jema, dɛ́ won dɔ o ɡbaɡba da kɛrɛdɛ ɡa dɛ́ ka tonɛ.

Ɛfesos 5:25

Baala, hɛ́ɛ nyin he haahna kɛrɛdɛ kɛŋɔ ɡɛ Yeesu Kristo aa dɛ nyin asɔre tena dɛ koh ba waa sewɛ la.

Taetos 2:4

Dɛ ba dɛ ɛ ɡɛ naa, anee dɛ́ baɡle han-yala báa nyin ba jaranar ne ba bii,

Josua 11:23

Josua yoo lɛ ɡɛ harɛ la bwa, ɡɛ Korowii aa ŋɔ o bonɔɔ Mosis be la. O bɔna tɛ Israel deene fi dɛ anɛ la, asɛ bɛlbwa dɔ o bɔr. A habɔɔ deŋnesɔɔhna ba harɛ la ta, bɛlbwa ta yoi kpa.

Wepila 2:2

N jemɛ he toma haa ɛa, ne he koeh, ne he bambile haa lawa, dɛ jemɛ kɛŋɔ haa nɛnchɔɡa waa nyin. He fa kari nɛra ba fa aa dɛ yerɛ ba te n toroma la, dɛ na kɛŋɔ ba ta n toroma ɛɛ, dɛ na kɛŋɔ ba ɛ nyosonteŋna.