Wejereme 3:12 - mzwDBL

¹² Anomanta, n nao kɛŋɔ waa nɛwɛnyina aa won ɛ laanee kɛŋɔ, yá ɡel ya sie lɛ dɛɛ ɛ wedɛɛɡa ya soɡa bini harɛ nɔ ta.

Wejereme 3:12 Iomraidhean Croise

Yela 37:3

Hé kpɔ he te dawɛ Korowii nɛ, dɛɛ ɛ wedɛɛɡa, ásɛ dɛ so harɛ la ta deŋnesɔɔhna ne.

Wejereme 11:9

He ta ɛ bonɔɔ naa, ɡel he sie lɛ, dɛɛ di he bwara he bonɔɔne saŋ. Dɛɛ teŋɛ waa he bambile aa dɛ nyin, ne komɛlbwa haa na ta. Kɛ jemɛ kɛŋɔ Korowii ɛɛ ba bol a bwa waa, dɛ́ pa bole.

Wejereme 2:24

Waa aa wera tɛ nɛwɛnyini bwaa kɛŋɔ, o di kondikwa dɛ́ nyɔ sen lɛ o sie, ásɛ o bwara sɔɔhno o toma waa ɛa ta. Anɔ ɡe kwaraa la, Korowii bee aa le,

Wejereme 2:3

N cheɡɛ n wejema ta dɛ ŋɔ mɛɛ nyɔ senee dɛ́ di n nyu. N liiro kɛŋɔ ɡɛɛ nɛra ɛɛ ba wona di ba nyuune, tɔpera tama baa dɛ ba dii harɛ nɔ ta.

Wejereme 3:22

Anomanta, n nao kɛŋɔ waa nɛwɛnyini aa ɛ laanee kɛŋɔ, ó ɡel o sie lɛ toma waa ɛa dɛ dɔ kwaa la ta, dɛkalkɛ anee ɛ kembɔr aa chɛ kɛ ó dɔ. Umee dɛ́ won jemɛ o seo habɔɔ wa ɔ?

Wejereme 8:15

Anomanta, n liiree kɛŋɔ a wer kɛ nɛwɛnyini di kondikwaa dɛ́ nyɔ sen lɛ o sie harɛ nɔ ta. Gɛɛ dɛ́ ɡel o dɔ silɛɛ o toma ne o tɔpera Korowii aa kpɔa tɛo o so harɛ nɔ ta bwa.

Aesaya 64:5

He dɛ lɛ banɔ la baa kpɔ silɛɛ ɛ waa aa toɡra, ne ɡɛ haa dɛ nyin kɛŋɔ baa ɛ. He bandia kohona habɔɔ, ya ta teŋɔ dɛɛ ɛ wechɔɡa le saŋ la bwa.

Amanesoma Luk Aa Chwera Tɔn 11:41

Hé kpɔ kwaa haa nyina cheɡ la dɛɛ kɛ nyaara he bambile bwa ne ásɛ komɛlbwa do wer tɛ heya.

We-ɛɛla 20:35

N cheɡɛ n we-ɛɛla ta dɛ baɡle heyaa kɛŋɔ a chɛ kɛ ya swɛɛ siwi ɛ toma ken, ásɛ dɛ won dɛɛ cha nɛra baa wola kpeɡe la. A chɛ kɛ yaa lii waa ya Dɔɔ Yeesu ɡbaɡba aa bola ŋɔ, ‘Nɛn waa dɛ kɛ nɛra kwaa la, o dɛ na som o bwara ɛɛ sɔɔhno, dɛ ɡwaa nɛn baa dɛ kɛo kwaa’ la.”

Mmarare 12:18

He ne he bibaala ne bihaahna ne bonɔɔna ne toli, dɛ Lewi dea tena baa lɔ he bwɛɛre ta bwa chɛ kɛŋɔ hɛ́ɛ di a ɡɛ saraha kwaa nɔ Korowii haa dɛ tomɔ sie, bobeŋkpoŋ waa le tɛ heyaa la, dɛ́ ɡel he sie lɛ wobɛlbwa haa ɛa ta.

Mmarare 12:7

Korowii sie belaa he ne he dem tena ɛɛ ba kwaa dii, dɛ́ɛ lɛ sie toma haa dɛ tomɔ nɔ wa.

Mmarare 26:11

Ásɛ he ne Lewi dea tena ne hɔɔhra baa lɔ he baah la sie lɛ kondɛɛɡa Korowii haa dɛ tomɔ nɔ aa kpɔa tɛ he ne he dem tena la wa.

Mmarare 28:63

Gɛ Korowii tea aa too he waa kɛŋɔ wɛɛ ɡeloo he do wer, ásɛ dɛ berɛ ɡel he ya la, ɡɛ tentenee o tea ɛɛ ba toora he chɔɡa dɛ ta wa, dɛ́ chuɡri heyaa le harɛ haa dɛ la ka so o ta nɔ ta.

1 Timoti 6:18

Ŋɔ ba be báa ɛ wedɛɛɡa, ásɛ wedɛɛɡa berɛ ba kondɔɔh, bá won ba tea tae dɛɛ kɛ nɛra bwa kwa.