Wejereme 3:1 - mzwDBL

¹ Komɛlbwa dɔ o saŋ Korowii aa lea cheɡ, asɛ wobɛlbwa ɡe dɔ o tɔpere harɛ nɔ ta.

Wejereme 3:1 Iomraidhean Croise

2 Koranar 5:26

Elaesa ŋɔ, “Haa jemɛ kɛŋɔ ɡɛ saŋ Naaman aa le o torɔɡo bini, dɛ ba cheme he ne wɛɛ bol waa la, dɛ n lɔ bela n doma ja he nɛɛ kɛɛ? Saŋ ta tele kɛ he lɛ suuɡa kɛɛ yale ne ɔleve ne daa kooni, ne kooni ne peera, dɛ nae kɛɛ bonɔɔna ne toli.

2 Webena 33:12

O bwara aa ba dɛ nyɛɡo la, o soŋe Korowii o naawa aa tomɔ la, dɛ pwɛr o te tɛo.

Sɛɡla 15:23

He chaŋe waa aŋwɛnɛ ta naa, a dɛ ba silɛɛ ne dɛɛ tɛɛ. Waa bola a saŋ ta wer ɡa.

Sɛɡla 24:27

Nyin koo haa dɛ di o ta mɔɔ dɛɛ nyin bela haa kpɔ he nyu bil.

Wejereme 1:13

N siwi beɡrɔ kɛ ń jemɛ, dɛ le n te cheɡ dɛ hweli waa bwa nɛra aa dɛ ɛa harɛ nɔ ta. Na wekpeɡa Korowii aa kpɔa ba dawɛ ya nɛ!

Wejereme 2:17

A ɡelɔ n ta silɛɛ bɛlbwa n soɡa bini dɔe kpa, dɛkalkɛ wenaale ɡboo a kpɔ ba ta n nɛ. A bwa ɛ wepuu, dɛ do kɛŋɔ nɛn aa dɛ loo vii habɔɔ, dɛ ɡel o bini ken.

Wejereme 2:3

N cheɡɛ n wejema ta dɛ ŋɔ mɛɛ nyɔ senee dɛ́ di n nyu. N liiro kɛŋɔ ɡɛɛ nɛra ɛɛ ba wona di ba nyuune, tɔpera tama baa dɛ ba dii harɛ nɔ ta.

Wejereme 3:17

N lii n nyu bini ŋɔ, “Korowii ɛɛ ba bol nɛra ba wa aa toɡra, ne nyubinikpeɡ tena bwa waa dɛ́ pa ba bole, dɛkalkɛ wobɛlbwa ɛɛ dɔ o saŋee, we-ɛɛla bɛlbwa ɡe dɔ o tɔpere.”

Wejereme 7:14

Waane kaalɔ dɛɛ tɛɛ kɛrɛdɛ naa, ɡel he sie lɛ, kɛ dɛ wenaale bɛlee tenaa, lii kɛŋɔ, Korowiirii ba silɛɛ ne, dɛ berɛ ba wenaale ɡe ne. Anomanta, nomɛlbwa aa won jemɛ ɡɛ aa chiɡu kerekere.

Jeremia 46:17

Belaa baa ba bala dɛ́ ba ŋɔ, ‘Gbɔɡaa Ijipt kooro ɛɛ do pɛɛpɛɛ, o paŋɛ waa aa chɛ kɛ ó dɔ bwa.’

Matiu 16:3

Chɔmbibi ne ɡe he iro dɛ na kɛ nyundua swɛɛrɔ dɛ bibir aa, he yon ŋɔ nyundua aa swɛɛra dɛ bibir nɔ, bwaala ɛɛ nɛo. He won nyundua nyiŋa dɛ́ jemɛ waa aa dɛ ba chiɡa, aah ɛrɛ waa haa wola won jemɛ waa aa chiɡ taraken nɔ te mun nɔɔ?