Wejereme 2:8 - mzwDBL

⁸ N lɛ suuɡapoŋa ne suuɡaswɛm kohona, ne kwaa a yoɡ aa kpeɡa dɛ le harɛre koranar baa lɔ n lɔɡa be. N dɔ haahna ne baala ɡe, ba ɡo yela dɛɛ lɛ n sie, asɛ n nyin haahna ɡe kohona.

Wejereme 2:8 Iomraidhean Croise

2 Samoɛl 19:35

Taraken n di bene fifraanuatoro, n sie aa komɛlbwa ta lɛ kpa. Komɛlbwa aa somɛ n nyoa ta, ba dɛ ɡo yela ɡe aa, maa no. N naa kooro, n dɛ la ka dawɛ he nɛɛ pɛɛpɛɛ.

1 Koranar 10:10

O kpɔ suuɡaswɛm a tɔɡre aa ɡwaa kilore kaɡboŋa anaarɛ, ne konsɔɔhsoma aa wara pirim, dɛ bwedɛɛɡa a yoɡ aa kpeɡa tɛ Kooro Solomɔn. Seeba kooro waa ɛ haah konsɔɔhsoma waa kpɔa ka tɛ Kooro Solomɔn kan aa doa la, nomɛlbwa ta a dɔŋa ne balɛ ɡɛ bwa.

1 Koranar 10:14

Suuɡaswɛm Kooro Solomɔn aa dɛ dɔ benanyoa bɛlbwa la tɔɡre ɛɛ ɛ kilore kaɡboŋa fifraanɛ dɛ anɛ, lafraanumɛl fifraanaarɛ dɛ anaarɛɛ.

1 Koranar 10:21

Kooro Solomɔn numoli bwa, suuɡaswɛmee ba kpɔ ɛa. Laala aa lɔ Lɛbanɔn Kɔr Bini Koodem ɡe, suuɡaswɛm tenten nee ba ɛ a bwa. Ba ta suuɡapoŋa kpɔe ɛ komɛlbwa dɛkalkɛŋɔ, Kooro Solomɔn bere saŋ la, dɛ suuɡapoŋa ta komɛlbwa ɛɛ, dɛ baa a ne wobɛlbwa ɛ.

1 Koranar 11:3

O mo haahna baa ɛ koobii lafraanuanɛ, o sɛnanar ɡe lafraatoro. O haahna la ɡelɔ o liire charɛ le Korowii be.

1 Koranar 14:27

Anomanta, Kooro Rɛhoboam kpɔ ayaawa dɛ ɛ ane chiɡ suuɡaswɛm kwaa la naa ta, dɛ kpɔ do nɛra baa dɛ so koodem la doonyoa dɛɛ daah bela la nomonome nɔn ta ŋɔ báa nyiŋi a ta.

1 Koranar 9:14

Dɛ Kooro Hiram tɛ Kooro Solomɔn suuɡaswɛm tenten a tɔɡre aa ɛ kilore kaɡboŋa anaarɛ fifraanuatoro.

1 Koranar 9:28

Ba la harɛ bɛl baa dɛ yerɔ Ofir ta, dɛ ka lɛ suuɡaswɛm a tɔɡre aa ɛ kilore kaɡboŋa fi dɛ anaarɛ lafraanɛ fifraanuatoro ba tɛ Kooro Solomɔn.

1 Webena 25:1

Kooro Devid ne o laa nomonome le Asaf bibaala Heman ne Jedutun baa bol Korowii wa, dɛɛ lɔ janjela ne kwaa anɛ ane baa kpɔ ayaawa ɛa dɛɛ hɛlɛ dɛɛ ɡo yela. Nɛra baa jaa dɛɛ ɛ a ɡɛ toma nɔ laanee teŋa nɔ.

1 Webena 25:6

Dɛ ba bwa lɔ ba mɛɛ sie dɛɛ lɔ kwaa anɛ ane baa kpɔ ayaawa ɛa dɛɛ hɛlɛ, ne janjela dɛɛ kpɛɛ Korowii o Dea. Asɛ Asaf ne Jedutun ne Heman ɡe do kooro lɔɡa wɛɛ nyiŋi ba nɛ.

2 Webena 9:11

Kooro Solomɔn kpɔ dadɛɛɡa la ɛ bela waa kpɔa teeh dɛɛ kaa Korowii Dea la ta, ne koodem bela, dɛ kpɔ ane ɛ janjelare ne kwaa bwa soo siwi baa dɛ ɛ ane yela. Ba ta ɡɛ daa la dɔŋa ne Juda harɛ ta balɛ kpa bwa, hale ba le fini.

Ɛsra 2:65

Ba bonɔɔna ne toli baa dɛ tomɛ ɡe lɔ kaɡboŋa banuanɛ lafraatoro fifraatoro dɛ banuanɛ. Dɛ ba berɔ dɔ baala ne haahna yelɡoola lafraanɛ.

Wejereme 1:2

“Komɛlbwa ɛ wepuu. Wobɛlbwa ta mun dɔe.” Wejereme laanee dɛɛ bol! “Wobɛlbwa sese ta mun dɔe.”

Daneɛl 3:15

Dɛ he baa no bɛle, ne kalipere, ne janjelare dɛ kwaa bwa soo siwi baa kpɔa dɛɛ lɔ yela sii, dɛ ɡuŋi suuɡaswɛm voɡ la aa, dɛ a wer. Kɛ dɛ he vɛh ɡuŋa aa, baa denoo kpɔ heyaa ka do fononoo nijena aa dɛ hɔ kohona la bini. Dɛ voɡ besoo dɛ́ won lɛ heyaa le n nɔn ta jaɔ?”

Daneɛl 3:5

dɛ he ba dɛ no bɛle, ne kalipere, ne janjelare, dɛ kwaa bwa soo siwi baa kpɔa dɛɛ lɔ yela sii aa, a chɛ kɛ he ɡuŋi, dɛ́ duu voɡ Kooro Nebukadnesa aa kpɔ suuɡaswɛm ɛo dɛ cheɡo la.

Daneɛl 3:7

Anomanta, harɛre nɛra bwa ne wobol bɛlbwa nɛra baa le harɛre ta ba aa no bɛle, ne kalipere, ne janjelare dɛ kwaa bwa soo siwi baa kpɔa dɛɛ lɔ yela sii la, ba den ɡuŋi dɛ duu suuɡaswɛm voɡ Kooro Nebukadnesa aa cheɡo la.

Emɔs 6:5

Hé dɛ nyin yela kɛŋɔ Kooro Devid ken, dɛɛ lɔa he janjelare ne.