Wejereme 2:7 - mzwDBL

⁷ N yawɛ yoma baala ne haahna bwa, asɛ ba lolɛ ba bini bane ɡe n dem. N berɔ dɔ nae ne peera, dɛ ɡwaa nɛra baa tɔ n sie dɛ so Jerusalam bwa.

Wejereme 2:7 Iomraidhean Croise

Mumpar 13:2

Dɛ Abram nɔn bini wer, peera te kɛɛ, boohna kɛɛ nae ɔ? Suuɡapoŋa ne suuɡaswɛm bwa, dɛ o dɔa.

Mumpar 14:14

Abram aa noa kɛŋɔ ba lawɛ o lole dɛɛ kaa o ne la, o kpɔ o dem bonɔɔna lafraatoro fi dɛ banuatoro baa dɔ laa wejema dɛ ti ba ka tel bwɛɛ bɛl baa dɛ yerɛ bela Dan.

Mumpar 15:3

He nao kɛŋɔ he ta men bie tɛɛ anomanta, n bonɔɔna la bini bɛlee dɛ́ di n kapɛrɛ.”

1 Koranar 4:23

ne nae aa do bwara fi, ne nae baa dɛ la ane dibɔr ɡe fifraanɛ, ne peera ne boohna lafa, ne kweɡli ne nampoŋa ne ahre, dɛ jala bwa.

2 Koranar 3:4

Dɛ Moab Kooro Mesa dɛ dɛɛ peera. Bena bɛlbwa, o yon kpɔ harɛ la ta kwaa kɛŋɔ pebiiri kaɡboŋa lafa, ne pebala pona kaɡboŋa lafa kaa tɛ Israel Kooro Joram.

2 Webena 26:10

O berɔ ɡel ba ma dejaŋa pua hɛŋle ɡbo harɛ ta, dɛ kwi bɔɔne aa won nee lɛɛ bwea lɔɡre, ne deŋɡarere harɛ aa chɔa kaa la ta, dɛkalkɛ o dɔ kondɛɛra kɛrɛdɛ. Dɛ o dɔ nɛra baa dɛ ɛ toma o kooni ne daa kooni aa lɔ deŋɡarere ne harɛpare andɛɛɡa ta, dɛkalkɛ dɛ o sie dɛ lɛ para ta.

Ɛsra 2:55

Kooro Solomɔn bonɔɔna naanar ɡee nɔ. Ba naanaree, Sotai ne Hasofɛrɛt dɛ Pɛruda,

Ɛsra 2:58

Bonɔɔna baa dɛ ɛ toma Korowii Dea ne Kooro Solomɔn bonɔɔna naanar lɔ lafraatoro fifraanuanaarɛ dɛ banɛ.

Nehemia 7:57

Kooro Solomɔn bonɔɔna naanar ɡee nɔ. Sotai naanaree, Soferet ne Pɛreda,

Job Tɔn 1:3

dɛ dɔ peera kaɡboŋa anuanɛ, nyoɡmare kaɡboŋa atoro ne nae kaɡboŋ baa kpɔa dɛɛ parɛ, ne keeɡore lafraanue, dɛ dɔ bonɔɔna ne toli ɡe kohona. Job aa dɔ kwaa kohona nomanta, dɛ onee suuɡate dɛ ɡwaa nɛra baa lɔ wee leebɔr harɛ la bwa ta.

Job Tɔn 42:12

Korowii swee andɛɛɡa tɛo dɛ ɡwaa loɡla la. O berɔ dɔ peera kaɡboŋa fi dɛ anaarɛ, nyoɡmare kaɡboŋa anumɛl, nae baa kpɔa dɛɛ parɛ kaɡboŋ, dɛ keeɡore kaɡboŋ.

Amanesoma Luk Aa Chwera Tɔn 12:45

Kɛ dɛ bonɔɔ la ta ɡɛ liire, dɛ ŋɔ, ‘N dɔɔ ŋwɛnɛ nɔ waa kaala nɔ, waa ba taraken,’ dɛ do o dɔŋa bonɔɔna la ne toli baa kaa la nɛɛ dɛɛ lɔɔ, dɛ di kwaa dɛ nyɔ sen dɛɛ dɛɛ raa, amɔ wɛɛ na waa.