Wejereme 2:3 - mzwDBL

³ N cheɡɛ n wejema ta dɛ ŋɔ mɛɛ nyɔ senee dɛ́ di n nyu. N liiro kɛŋɔ ɡɛɛ nɛra ɛɛ ba wona di ba nyuune, tɔpera tama baa dɛ ba dii harɛ nɔ ta.

Wejereme 2:3 Iomraidhean Croise

Mumpar 47:9

Anee Jekɔb chaŋe ŋɔ, “Bene maa kpɔa dɛɛ ɡaaɡe la lɔ lafa fifraatoro, a kwaraa la dɛ a kpeɡri tɛ mɛ. A ta n naawa bene baa dia ba ɡaaɡa bini dɛ so biɡri la tele.”

Job Tɔn 14:14

Nɛn sewaa, wɛɛ won ir dɛ́ dɔ mkpa ja aa? N fe ɛɛ ɛ tomaa dɛ kpa ka tel kɛŋɔ n wenaale bwa aa ba a jaɡa.

Yela 104:15

dɛ́ dɔ sen nyɔ ba sie lɛ, ne noo baa kpɔ fɔɡle ba siebɔra á do wer, dɛ kondikwa aa tɛɛ ba bokpeɡa ɡe.

Sɛɡla 20:1

Sen nyɔe kohona ɡelɔ nɛn ɛɛ do ɡbɔɡa dɛɛ ɡɛn. Nomɛlbwa waa kpɔ a nyɔe berɛ o toma la ta liire dɔe.

Wejereme 1:17

N siwi beɡrɔ n berɛ dɛɛ nyin ń jemɛ ɡɛ wejema ne ɡɛnewaa aa doa, dɛ na kɛ a bwa ɛ wepuu, dɛ do kɛŋɔ nɛn aa dɛ loo vii habɔɔ, dɛ ɡel o bini ken.

Wejereme 10:19

Kondikonjena dii dɛ ba silɛɛ ne, asɛ sen nyɔe ɡee ba hɛɡra ne, kɛ he ta suuɡa dɔe yaa, haa won ɛ a bini bɛlbwa.

Wejereme 12:13

No waa la bwa name, a jaɡa bwaa kɛŋɔ, ɔmɛ Korowii dɛɛ teŋɛ o Mmarare ta, waa aa chɛ kɛ nɛwɛnyina bwa ɛ laanee.

Wejereme 2:24

Waa aa wera tɛ nɛwɛnyini bwaa kɛŋɔ, o di kondikwa dɛ́ nyɔ sen lɛ o sie, ásɛ o bwara sɔɔhno o toma waa ɛa ta. Anɔ ɡe kwaraa la, Korowii bee aa le,

Wejereme 5:18

Ate, n na kɛŋɔ a wer kɛ nɛn di kondikwa, dɛ́ nyɔ sen, ásɛ o sie lɛ koeh waa dɛ koh tɔpera tama, Korowii aa kpɔa tɛo harɛ nɔ ta. Waa aa chɔ le tɛo laanee la.

Wejereme 6:12

Dɛkalkɛ umee dɛ́ won jemɛ waa aa wera tɛ nɛn, ya tɔpera tama aa wola tɔnɔ dɔe dɛ teŋe baa kaa kɛ lileo nɔ ta nɔ? Umee dɛ́ won baɡle waa aa chiɡ harɛ nɔ ta o seo habɔɔ?

Wejereme 7:18

Lawɛ a bwa bini kpoŋe, dɛ bɛ ɡel bɛlbwa le he nɔn ta. Naate waa dɛ ɔmɛ Korowii ɛɛ won le ɡɛ waa nɔ bwa nyoa.

Wejereme 7:25

Anomanta, n kpɔ n liire bwa do a ta, dɛ́ won jemɛ a mun, dɛ́ nyiŋi wejema ne ŋwɛnɛ aa cheɡɛ a ta waanee yon dɛɛ ɛ, dɛ́ na ɡɛnewaa aa lɔ nyubinikpeɡ ne ɡɛna ta.

Wejereme 8:15

Anomanta, n liiree kɛŋɔ a wer kɛ nɛwɛnyini di kondikwaa dɛ́ nyɔ sen lɛ o sie harɛ nɔ ta. Gɛɛ dɛ́ ɡel o dɔ silɛɛ o toma ne o tɔpera Korowii aa kpɔa tɛo o so harɛ nɔ ta bwa.

Matiu 6:24

Anee Yeesu berɛ ŋɔ, “Nomɛlbwa aa won tomɛ dɔɔranar banɛ. Dɛ a ba ɡɛ naa, wɛɛ dɛɛ nyin bɛl waa dɛ́ ɡwaa bɛl. A laa ɡe aa, o sie ɛɛ dɛɛ lɛ bɛl bee dɛ́ ɡwaa bɛl. Haa won tomɛ Korowii dɛ́ berɛ won nyin harɛ nɔ ta kondɔɔh a maɡre.

Ɛfesos 5:18

He bɛ sen nyɔ kohona dɛɛ dɛɛ. Gɛ dɛ chɔɡ nɛn. Kɛ hé ɡel Korowii Domadɛɛɡe la so he nɛɛ kɛrɛdɛ,

Sitɔɔla 9:13

O ɡe ŋɔ, ‘Maa won ɡel sen maa dɛ tɛ nɛra ne voɡa baa dɔ silɛɛ nɔ, dɛ́ ba di kora he nɛ.’

1 Samoɛl 25:36

Abiɡel aa la Nabal be la, dɛ o lɔ o dem dɛɛ di kondikonjena dɛɛ lɛ o sie kɛŋɔ kooro ken. Dɛ o dɛɛrɔ o sie lɛ kɛrɛdɛ. Anomanta, o ta wobɛlbwa o be bolɛ ka tel kɛ tɔ aa pera chɔɔ.