Wejereme 2:23 - mzwDBL

²³ Toma waa dɛ ɛ o soɡa bini bwa ɛ weweele ne suna dii ɡbo. Hale jwaana bwa, dɛ o ta dɛ lii wa, waa wola won chɔ. A nɔ bwa ɡe ɛ wepuu.

Wejereme 2:23 Iomraidhean Croise

Mumpar 3:17

Dɛ ŋɔ baa la be ŋɔ, “Haa no he haah nyoa dɛ di daa nɔn maa ŋɔa he bɛ di nomanta, N taah harɛ nɔ waa haa ɛa la wa, tomkpeɡaa hɛɛ ba ɛɛ dɛ́ kwee bɔwɔb mɔɔ dɛ́ di kwa he soɡa bini bwa.

Mumpar 47:9

Anee Jekɔb chaŋe ŋɔ, “Bene maa kpɔa dɛɛ ɡaaɡe la lɔ lafa fifraatoro, a kwaraa la dɛ a kpeɡri tɛ mɛ. A ta n naawa bene baa dia ba ɡaaɡa bini dɛ so biɡri la tele.”

Ɛsta 6:1

Awola tɔpere la jwaana, kooro ta wone chɔ dom. Anomanta, o ɡelɔ ba ba tɔne o kora dii waa aa lɔ a bini la ne bá kure tɛo.

Job Tɔn 14:1

Job berɔ ŋɔ, “Ba lolɛ nɛn aa, o tɔpera aa kanɛ, a lɔ tamaa ken, wenaale ɡe ɡboo a bwa.

Job Tɔn 5:7

Ba lolɛ nɛn aa, dɛ o ne waa, kɛŋɔ nihɛm yon chuɡri dɛɛ kaa nyundua la.

Yela 127:2

A ɛ wepuu kɛ nɛwɛnyini le chɔɔ ɛ toma ka tel jɔmɔra, kondikwaa waa di ɡbo wa, dɛkalkɛ nɛra Korowii aa dɛ nyin ba la, ba chɔ dom kwara naa, o dɛ tɛɛ ba ba konnyina.

Yela 32:4

N Naa Korowii, chɔɔ ne jwaana bwaa he tɛr n deŋne, asɛ n bokpeɡa bwa tonɛ, kɛŋɔ wee yon lɔ bobɛlbwa hol hwel saŋ la.

Yela 90:15

Gel yá dɔ silɛɛ kohona taraken, ɡɛ tenten he fa aa ɡela ya di suna, saŋ bɛl waa baa kaa la.

Wejereme 1:13

N siwi beɡrɔ kɛ ń jemɛ, dɛ le n te cheɡ dɛ hweli waa bwa nɛra aa dɛ ɛa harɛ nɔ ta. Na wekpeɡa Korowii aa kpɔa ba dawɛ ya nɛ!

Wejereme 1:18

Dɛkalkɛ, wejema kohona dɔe, ne suna dii kohonaa dɛɛ valɛ, waa mun noe kohona ɡe ne bambichɔɡaa.

Wejereme 2:11

Kɛ maa kari waa bwa maa ɛa, ne kwaa maa koah dɛ dɔ la, dɛ komɛlbwa ɛ wepuu, dɛ do kɛŋɔ nɛn aa dɛ loo vii habɔɔ, dɛ ɡel o bini ken, komɛlbwa ta tɔnɔ dɔe harɛ nɔ ta.

Wejereme 5:12

Tom-ɛɛ chɔe dɛ do o som, hale o di kondikwaa tama kɛɛ kohona noo. Kɛ kondɔɔh kwaa waa dɔa kohona nomanta, waa won dom chɔ.

Wejereme 5:17

O soɡa bini bwa do kɛŋɔ nɛn waa soɡe biro ta ken, o liire chɔɡ, dɛɛ na wenaale kohona o baah di.

Wejereme 8:16

N siwi beɡrɔ n nyiŋi ɡɛ wejema aa doa, dɛ na nɛwɛnyini koeh waa dɛ koh harɛ nɔ ta. N nao kɛŋɔ nɛn aa wone dɛɛ chɔ dom chɔɔ ne jwaana,

Daneɛl 6:18

Kooro la berɔ kaa o dem, o ta wone di kondikwaa jwaana la bwa, o sie ta lɛɛ kɛŋɔ ba ɛ silɛɛ waane bɛlbwa o dem ɡe. O ta wone chɔ dom.

We-ɛɛla 14:22

Pɔɔlwa do ɡɛ bwɛɛre nɔ asɔre tena la ɡbemba ŋɔ báa teŋɛ Yeesu ŋwɛnɛ la ta kɛrɛdɛ dɛ bɛ ba nyoɡre, dɛ ŋɔ a chɛ kɛ nomɛlbwa na wahala kohona mɔɔ dɛ dɔ Korowii Kora la bini jo.