Wejereme 2:22 - mzwDBL

²² Bɔkwaa nɛwɛnyini ɛɛ ba dɔe, dɛ́ le o koeh bwa waa swɛɛ siwi dɛɛ koh harɛ nɔ ta nɔ?

Wejereme 2:22 Iomraidhean Croise

Yela 127:2

A ɛ wepuu kɛ nɛwɛnyini le chɔɔ ɛ toma ka tel jɔmɔra, kondikwaa waa di ɡbo wa, dɛkalkɛ nɛra Korowii aa dɛ nyin ba la, ba chɔ dom kwara naa, o dɛ tɛɛ ba ba konnyina.

Sɛɡla 16:26

Teabɔɔ ɡela nɛn ɛɛ ɛ toma, onee dɛɛ doo a ta.

Wejereme 1:3

Bɔkwa tɔnɔɔ nɛn ɛɛ ba dɔe dɛ́ le koeh bwa waa dɛ koh harɛ nɔ ta nɔ?

Wejereme 2:11

Kɛ maa kari waa bwa maa ɛa, ne kwaa maa koah dɛ dɔ la, dɛ komɛlbwa ɛ wepuu, dɛ do kɛŋɔ nɛn aa dɛ loo vii habɔɔ, dɛ ɡel o bini ken, komɛlbwa ta tɔnɔ dɔe harɛ nɔ ta.

Wejereme 3:9

Bɔkwaa nɛn waa dɛ ɛ toma, ɛɛ ba dɔe le o koeh waa dɛ koh ta nɔ?

Wejereme 4:6

He dɔ kondikwaa nɔndel di deŋnesɔɔhna ta, ɡwaa haa koah kohona, dɛ dɔa nɔndela anɛ di. A bwa ɛ wepuu, kɛŋɔ nɛn waa dɛ loo vii habɔɔ, dɛ ɡel o bini la ken.

Wejereme 4:8

Dɛ baa bɛl ɡboo soɡa, o ta bibaa kɛɛ nime dɔe. Dɛ tɔpere bɛlbwaa wɛɛ koh, kɛ o siwi aa o kondɔɔh su. Ate, o bɔɔ ŋɔ, “Ume waa mɛɛ koh maa wola won lɛ n sie nɔɔ?” Anɔ ɡe ɛ wepuu, bosɔɔhna aa wola toole a ta.

Wejereme 5:17

O soɡa bini bwa do kɛŋɔ nɛn waa soɡe biro ta ken, o liire chɔɡ, dɛɛ na wenaale kohona o baah di.

Wejereme 8:15

Anomanta, n liiree kɛŋɔ a wer kɛ nɛwɛnyini di kondikwaa dɛ́ nyɔ sen lɛ o sie harɛ nɔ ta. Gɛɛ dɛ́ ɡel o dɔ silɛɛ o toma ne o tɔpera Korowii aa kpɔa tɛo o so harɛ nɔ ta bwa.

Matiu 16:26

Dɛ nɛn dɔ harɛ nɔ ta kwaa bwa dɛ nyoɡre o nyu aa, bɔkwa tɔnɔɔ wɛɛ ba dɔe yɔ? Bɔkwaa nɛwɛnyini ɛɛ ba wona kpɔ dɛ́ charɛ o nyu ɔ?

Matiu 6:11

Tɛ yaa ya fini kondikwa,

Matiu 6:25

Anomanta, n dɛ ŋɔ he be ŋɔ, he bɛ ɡel he sie beɡre he soɡa bini kwaa haa di ne nee haa nyɔ, ne yale haa tɔ ne laala haa do wa. Haa jemɛ kɛ mkpa ɡwaa kondikwa, asɛ bwadabii ɡe ɡwaa yal aa?

Matiu 6:34

He bɛ ɡel kere waa swɛɛ he siwi. Tɔpere te bɛlbwa dɔ o waa aa lɔ o ta. Anomanta, hé ɡel fini waa ɡbo swɛɛ he siwi.”

Amanesoma Luk Aa Chwera Tɔn 12:22

Yeesu ŋɔ o habɔteŋra la be ŋɔ, “Anomanta, n dɛ ŋɔ he be ŋɔ, he bɛ ɡel he sie beɡre he soɡa bini kwaa haa di ne yale haa tɔ wa.

Amanesoma Luk Aa Chwera Tɔn 12:29

Anomanta, he bɛ ɡel he sie beɡre hɛɛ nyin anɔ la haa di ne anɔ la haa nyɔ.

1 Kɔrent 16:16

Anomanta, n dɛ soŋe heya, hɛ́ɛ no nomɛlbwa waa do ken ne nɛra baa ja ba nɛɛ dɛɛ koh toma nɔ ta la deŋna wa.

Felepae 4:6

He bɛ ɡel wobɛlbwa ha heya, kɛ hé kpɔ wobɛlbwa dɛɛ do Korowii nɔn ta dɛɛ soŋo waa aa hiah heya, dɛ́ɛ jaamo kɛ waa dɛ no he wesoŋa.

1 Timoti 6:8

Anomanta, dɛ ya dɔ kwaa yaa di, dɛ dɔ yale dɛɛ tɔ aa, hé ɡel a maɡre ya ne.

1 Pita 5:7

Wobɛlbwa aa dɛ ha heyaa la, hé kpɔa bil Korowii sie, dɛkalkɛŋɔ he waa lɔ o bambile ta.