Wejereme 2:19 - mzwDBL

¹⁹ Umee dɛ́ won jemɛ kɛ naate ɛ wejereme kɛɛ ɡɛne ɔ? Kɛ onee dɛ́ di kpeɡri kondɔɔh maa koah, dɛ nyina cheɡ harɛ nɔ ta bwa ta. Anɔ bwa ɡe ɛ wepuu.

Wejereme 2:19 Iomraidhean Croise

1 Koranar 11:43

A habɔɔ, Kooro Solomɔn sewɔ ka pu o naawa, asɛ ba huɡo Jerusalam, o mɛɛ Kooro Devid bwɛjen ta, asɛ o bibaa Rɛhoboam ba chiɡ o naa ta di kora.

1 Koranar 12:13

Kooro Rɛhoboam vɛh nomonome la jae baa jao la, dɛ kpɔ nyɛɡa bol waa nɛra la be.

Wejereme 2:11

Kɛ maa kari waa bwa maa ɛa, ne kwaa maa koah dɛ dɔ la, dɛ komɛlbwa ɛ wepuu, dɛ do kɛŋɔ nɛn aa dɛ loo vii habɔɔ, dɛ ɡel o bini ken, komɛlbwa ta tɔnɔ dɔe harɛ nɔ ta.

Wejereme 2:20

Anomanta, n bambile pa mun chɔɡ, koeh bwa maa koah harɛ nɔ ta la wa.

Wejereme 3:22

Anomanta, n nao kɛŋɔ waa nɛwɛnyini aa ɛ laanee kɛŋɔ, ó ɡel o sie lɛ toma waa ɛa dɛ dɔ kwaa la ta, dɛkalkɛ anee ɛ kembɔr aa chɛ kɛ ó dɔ. Umee dɛ́ won jemɛ o seo habɔɔ wa ɔ?

Wejereme 9:13

N berɔ na waane aa ɛ wejemwaa aa lɛ n sie harɛ nɔ ta.

Amanesoma Luk Aa Chwera Tɔn 16:8

Anee bonɔɔ naŋɡarawa te nɔ dɔɔ la aa noa la, o kpɛɛro ŋɔ o ɛa wejema ta.” Yeesu aa sɛɡ ba tonɛ la, o ŋɔ, “Nɛra baa dɔ harɛ nɔ ta liire la, ba dɔ wejema ba ne ba bala kpoŋa dɛ ɡwaa nɛra ba sie aa chaah Korowii waa ta la.”

1 Timoti 6:10

Suuɡa nyin kohona taa wechɔɡa bwa soo siwi ɛɛ le. Bane teŋɛ suuɡa nɛɛ kohona dɛ nyoɡre Korowii ŋwɛnɛ, dɛ ɡel suna dii berɛ ka ba name.

Jems 1:17

Komɛlbwa waa wera la le Korowii be. Komɛlbwa waa ɛ kondɛɛɡe la, Korowiirii kpɔa kɛ yaa. Onee ya Mɛɛ waa ta kwaa bwa aa lɔ nyundua dɛɛ chaah harɛ. Gɛ kwaa nɔ dɛ chaah, ane ta ɡe aa chaah, kɛ Korowii te aa beɡre bwa.

Jems 3:17

Nɛn waa dɔ Korowii doa wejema la, kenii o da do, o waa do kaih, o waa dɔ deŋnesɔɔhna, o pwɛre, o dɛ no o dɔŋ wa, o dɛ na o dɔŋ sum, o ɛ nɛndɛɛɡe, o we-ɛɛla bwa wer, waa nɛra bane duure dɛɛ ɡwaa bane, o tea too.