Wejereme 2:15 - mzwDBL

¹⁵ Belaa n lii kɛŋɔ, “Waa aa pu ɡɛne la ɛɛ won ba n ɡe nɛ. Amɔ dɛ ɛrɛɛ n wejema maa dɔa la dɔ tɔnɔ tɛ mɛ nɔ?” Asɛ n ŋɔ, “Anɔ bwa ɡe ɛ wepuu, a ta mun dɔe.”

Wejereme 2:15 Iomraidhean Croise

1 Koranar 3:12

mɛɛ ɛ ɡɛ haa soŋa laanee tɛɛ. Mɛɛ tɛɛ wejema ne waa mun noe, he kpɔ dɛɛ nyiŋi nɛra nɛ, nomɛlbwa aa wola won do kɛŋɔ hen, a dɔŋa ɡe aa wola chiɡ bwa.

Wejereme 1:14

N na komɛlbwa nɛra aa dɛ ɛa harɛ nɔ ta, a bwa ɛ wepuu, dɛ do kɛŋɔ nɛn aa dɛ loo vii habɔɔ, dɛ ɡel o bini ken.

Wejereme 1:16

N lii n nyu bini ŋɔ, “N kpeɡo dɛ dɔ wejema ɡwaa kooro bɛlbwa waa tɔ n sie dɛ ba di kora Jerusalam. N hweli ɡɛ wejema ne liire dɔe aa doa, dɛ jema kɛrɛdɛ.”

Wejereme 1:18

Dɛkalkɛ, wejema kohona dɔe, ne suna dii kohonaa dɛɛ valɛ, waa mun noe kohona ɡe ne bambichɔɡaa.

Wejereme 1:2

“Komɛlbwa ɛ wepuu. Wobɛlbwa ta mun dɔe.” Wejereme laanee dɛɛ bol! “Wobɛlbwa sese ta mun dɔe.”

Wejereme 2:16

Baa wejerema ne ɡɛna bwa waa liira ba, baa soh ba bwa waa, tɔpera a taa dɛ ba bala ta. Gɛ ɡɛne aa sewɛ la, ɡɛɛ wejereme ɡe ɛɛ ba sewa.

Wejereme 6:11

Nɛn wobol warɔ kohona naa, aa mun kohona dɔ. Ɛrɛɛ aa ba wona dɔ tɔnɔ tɛ bɛlbwa nɔ?

Wejereme 6:8

Gwaala besoo wejereme ɡwaa ɡɛne ɔ? Dɛ nɛn nyao waa, o jo nɛra bini naa, o jemɛ ɡɛ waa dɛ lawɛ o te.