Wejereme 2:14 - mzwDBL

¹⁴ Wejereme bɛlbwa dɛ na bela waa dɛ kaa, kɛ ɡɛne te, biro binii o do dɛɛ ɡaaɡe, waa jemɛ bela waa dɛ kaa. Kɛ ane a bwa, n nao kɛŋɔ, sewee chɔ le tɛ ba bwa.

Wejereme 2:14 Iomraidhean Croise

Yela 19:10

O waa bola dɛ́ pa bole dɔ tɔnɔ, dɛ ɡwaa suuɡaswɛm tenten, a torodi dɛ ɡwaa tohno baa wola komɛlbwa a ta koore.

Yela 49:10

Nomɛlbwa nao kɛŋɔ wejerema dɛ sewɛ, ɡɛna ne banɔ la baa wola liire dɔe ɡe ɛɛ sewɛ, dɛ́ ɡel ba kondɔɔh tɛ bane.

Yela 49:11

Ba lalbɔɔne ɛɛ ber ba deenee bá chɔ a bini, a lole kɛŋɔ dɛ ba fa dɔ harɛre, baa do belaa saŋ bɛlbwaa dɛɛ la.

Sɛɡla 14:8

Wejereme jemɛ waa aa wera kɛ o ɛ. Gɛnee yon dɛɛ neɡre o nyu kɛ o jemɔ.

Sɛɡla 17:24

Wejereme sie lɔ wejema ta saŋ bɛlbwa, ɡɛnee wola wobɛlbwa dɔe dawɛ o sie ta.

Wejereme 2:16

Baa wejerema ne ɡɛna bwa waa liira ba, baa soh ba bwa waa, tɔpera a taa dɛ ba bala ta. Gɛ ɡɛne aa sewɛ la, ɡɛɛ wejereme ɡe ɛɛ ba sewa.

Wejereme 3:19

Webeŋkpoŋii chɔ le dɛ tɛ nɛwɛnyina ne ola bwa, ɡɛ bɛl aa sewɛ la, ɡɛɛ o dɔŋ ɡe ɛɛ ba sewa. Hweera beŋkpoŋii lɔ a bwa bini. Nɛwɛnyina ta ola ɡwaalɛ. Wobɛlbwa ɛ wepuu.

Wejereme 6:6

hale ɡɛ nɛn waa dɔ kondɔɔh la soɡo bene kaɡboŋa anɛ kwaraa naa, silɛɛ bɛlbwa aa a taa do. Ane a bwa, bobeŋkpoŋii bie la ne nɛn la bwa ɛɛ kaa.

Wejereme 6:8

Gwaala besoo wejereme ɡwaa ɡɛne ɔ? Dɛ nɛn nyao waa, o jo nɛra bini naa, o jemɛ ɡɛ waa dɛ lawɛ o te.

Wejereme 7:2

A wer kɛŋɔ nɛn la lwe mun, dɛ ɡwaa kɛ waa la bela baa dɛ di kondikonjena, dɛɛ lɛ ba sie, dɛkalkɛ nomɛlbwa ɛɛ sewɔɔ. A chɛ kɛ nomɛlbwa ɛɛ do waa nɔ dɛɛɡɔ.

Wejereme 8:1

Umee ɛ wejereme ɔ? Umee dɛ won baɡle waa mun ɔ? Wejema dɛ kwaa nɛn siebɔr, dɛ ɡel wɛɛ dɔ silɛɛ.

Wejereme 9:11

N berɔ na waane ɡe harɛ nɔ ta. Nɛra baa won chwae kohona laa chwaa dɛɛ tɔ sie, banyoola bwa laa wona yo laa dɛɛ pɔ nɛra nɛ. Wejema laa dɛɛ tɛ kondikwa, kɛɛ nɛn o liire bini aa chaahna laa dɛɛ dɔ kondɔɔh. Nɛn waa hweli tɔn kaa sie bwa laa dɛ́ won ɛ nomonjen. Kɛ wedɛɛɡa ne wechɔɡa dɛ ba ba bwa nɛ.

Wejereme 9:16

Anomanta, n ŋɔ, “Wejema ɡwaa kpeɡri.” Kɛ baa la waa nyaa dɛ dɔ wejema la, nɛra ta on bui, nomɛlbwa ta o waa kwaraa liire kpa.

1 Jɔn 2:11

Nomɛlbwa waa hah o dɔŋ la do kɛŋɔ nɛn waa lɔ biro ta. O dɛ valɛ, kɛ waa jemɛ bela waa dɛ kaa, dɛkalkɛŋɔ biro la ɡelɔ o nyoŋe.