Wejereme 2:11 - mzwDBL

¹¹ Kɛ maa kari waa bwa maa ɛa, ne kwaa maa koah dɛ dɔ la, dɛ komɛlbwa ɛ wepuu, dɛ do kɛŋɔ nɛn aa dɛ loo vii habɔɔ, dɛ ɡel o bini ken, komɛlbwa ta tɔnɔ dɔe harɛ nɔ ta.

Wejereme 2:11 Iomraidhean Croise

Mumpar 1:31

Anɔ bwa habɔɔ la, Korowii nyiŋi kwaa waa taa la bwa dɛ na kɛŋɔ a bwa wer kɛrɛdɛ. Asɛ bɔr jo dɛ chaah, onee tɔpere waa teŋa numɛl.

Yela 89:47

Jemɛ kɛŋɔ nɛn mkpa aa jaŋɛ bɛlbwa. Lii kɛŋɔ he ta yaa ya ɛ nɛwɛnyina yaa dɛ ba wona sewɛ.

Kaala 39:43

Mosis kaa na toma la, dɛ ba ɛa kɛrɛdɛ ɡɛ tenten Korowii aa do ba la, asɛ o soŋe andɛɛɡa Korowii be tɛɛ ba.

Wejereme 1:14

N na komɛlbwa nɛra aa dɛ ɛa harɛ nɔ ta, a bwa ɛ wepuu, dɛ do kɛŋɔ nɛn aa dɛ loo vii habɔɔ, dɛ ɡel o bini ken.

Wejereme 1:17

N siwi beɡrɔ n berɛ dɛɛ nyin ń jemɛ ɡɛ wejema ne ɡɛnewaa aa doa, dɛ na kɛ a bwa ɛ wepuu, dɛ do kɛŋɔ nɛn aa dɛ loo vii habɔɔ, dɛ ɡel o bini ken.

Wejereme 1:3

Bɔkwa tɔnɔɔ nɛn ɛɛ ba dɔe dɛ́ le koeh bwa waa dɛ koh harɛ nɔ ta nɔ?

Wejereme 3:9

Bɔkwaa nɛn waa dɛ ɛ toma, ɛɛ ba dɔe le o koeh waa dɛ koh ta nɔ?

Wejereme 5:10

Nomɛlbwa o sie aa beɡre suuɡa laa an dɔ kohona, nomɛlbwa waa dɛ nyin kondɔɔh kohona la sie aa a ta lɛ. Anɔ ɡe ɛ wepuu, a do kɛŋɔ nɛn waa dɛ loo vii habɔɔ, dɛ ɡel o bini la ken.

Wejereme 5:16

Waa aa teŋa nɔ ɡe ɛ wedoŋa kohona. Gɛ baa lolɛ nɛn o ba harɛ nɔ ta la, ɡɛɛ wɛɛ kaalo. Bɔkwa tɔnɔɔ wɛɛ ba dɔe, o koeh waa dɛ koh pɛɛpɛɛ ta nɔ?

Habakuk 2:13

Koranar Bwa Kooro ɛa kɛŋɔ harɛre nɛra toma baa ɛa dɛ koh la bwa dɛ ba fuih. A bwa ɛ koeh pɛɛpɛɛ.

1 Timoti 6:6

Nɛn haa dɛ tomɛ Korowii, he siwi ɛɛ su komɛlbwa Korowii aa tɛɛ la, he ɛ kondɔɔh tenten.