Wejereme 2:10 - mzwDBL

¹⁰ N ta n te laa kpɔ kwaa n sie a dɛ lɛ a ta nɛ, n vɛh wobɛlbwa n bambile aa dɛ nyin. N bambile lawɛ tomare bwa maa ɛa, anee ɛ kembɔr tɛ mɛ a bwa ta.

Wejereme 2:10 Iomraidhean Croise

Mumpar 3:6

Dɛ haah la nao kɛŋɔ daa la nɔn la ɡe wer siwi ta dɛ do wer ne dii, dɛɛ tɛ wejema ɡe ja. Anomanta, o haŋrɔ kahonɛ dɛ cha ane di, dɛ kpɔ ane ka tɛ o jaa ɡe o di.

Mumpar 6:2

belaa nyundua nɛra la aa naa kɛŋɔ harɛ nɛra la bihaahna la wer la, ba kpɔ ba bini bane mo, asɛ ba ne ba so.

Job Tɔn 31:1

Job berɔ ŋɔ, “N ŋwɛɛrɔ kɛŋɔ maa bitoloo nyiŋi n pɛla dɔɔ.

Yela 119:37

Bɛ ɡel n pɛla do kwaa aa wola tɔnɔ dɔe ta. Tɛ mɛ mkpa ɡɛ he waa la aa baɡla la.

Yela 128:2

Naate ɛɛ di o koeh tɔnɔɔ, dɛ́ na som o wobɛlbwa do wer tɛo.

Sɛɡla 23:5

Kondɔɔh won hee kelo kɛŋɔ komɛl yon ɡale he sie ta la, a won ɛɛ kɛŋɔ kee kena yon moɡɛ ó ir kaa la.

Wejereme 11:9

He ta ɛ bonɔɔ naa, ɡel he sie lɛ, dɛɛ di he bwara he bonɔɔne saŋ. Dɛɛ teŋɛ waa he bambile aa dɛ nyin, ne komɛlbwa haa na ta. Kɛ jemɛ kɛŋɔ Korowii ɛɛ ba bol a bwa waa, dɛ́ pa bole.

Wejereme 2:1

N ɛ n liire kɛŋɔ mɛɛ teŋɛ pɛlchɔɡa waa taa, dɛ́ kpɔ daah n te na, dɛ́ na ɡɛ silɛɛ aa doa. Kɛ a bwa ɡe ɛ wepuu.

Wejereme 2:22

Bɔkwaa nɛwɛnyini ɛɛ ba dɔe, dɛ́ le o koeh bwa waa swɛɛ siwi dɛɛ koh harɛ nɔ ta nɔ?

Wejereme 2:24

Waa aa wera tɛ nɛwɛnyini bwaa kɛŋɔ, o di kondikwa dɛ́ nyɔ sen lɛ o sie, ásɛ o bwara sɔɔhno o toma waa ɛa ta. Anɔ ɡe kwaraa la, Korowii bee aa le,

Wejereme 3:22

Anomanta, n nao kɛŋɔ waa nɛwɛnyini aa ɛ laanee kɛŋɔ, ó ɡel o sie lɛ toma waa ɛa dɛ dɔ kwaa la ta, dɛkalkɛ anee ɛ kembɔr aa chɛ kɛ ó dɔ. Umee dɛ́ won jemɛ o seo habɔɔ wa ɔ?

Wejereme 5:10

Nomɛlbwa o sie aa beɡre suuɡa laa an dɔ kohona, nomɛlbwa waa dɛ nyin kondɔɔh kohona la sie aa a ta lɛ. Anɔ ɡe ɛ wepuu, a do kɛŋɔ nɛn waa dɛ loo vii habɔɔ, dɛ ɡel o bini la ken.

Wejereme 5:17

O soɡa bini bwa do kɛŋɔ nɛn waa soɡe biro ta ken, o liire chɔɡ, dɛɛ na wenaale kohona o baah di.

Wejereme 5:18

Ate, n na kɛŋɔ a wer kɛ nɛn di kondikwa, dɛ́ nyɔ sen, ásɛ o sie lɛ koeh waa dɛ koh tɔpera tama, Korowii aa kpɔa tɛo harɛ nɔ ta. Waa aa chɔ le tɛo laanee la.

Wejereme 6:2

Korowiirii dɛɛ tɛ nɛn kondɔɔh ne jirima, ɡɛ aa ɛ o bɛ komɛlbwa waa dɛ nyin nya o soɡa bini. Kɛ Korowii aa ɡel ó dɔa di, nɛmpɛɛ bɛlee yon berɛ ba kpɔ. Anɔ ta mun dɔe, a ɛ wedoŋa.

Wejereme 6:9

A wer kɛ he sie lɛ anɔ la haa dɔa ta, ɡwaa anɔ la haa kpɔ sie dawɛ kɛŋɔ hɛɛ dɔɔ ta. Anɔ ɡe ɛ wepuu, dɛ do kɛ nɛn waa dɛ loo vii habɔɔ, dɛ ɡel o bini ken.

Wejereme 8:15

Anomanta, n liiree kɛŋɔ a wer kɛ nɛwɛnyini di kondikwaa dɛ́ nyɔ sen lɛ o sie harɛ nɔ ta. Gɛɛ dɛ́ ɡel o dɔ silɛɛ o toma ne o tɔpera Korowii aa kpɔa tɛo o so harɛ nɔ ta bwa.

Wejereme 9:6

Ba dɔŋa nyina ne dɔŋa haeh, dɛ ba meera waa bwa nyoɡrɔ, baa komɛlbwaa dɔ le wobɛlbwa aa lɔ harɛ nɔ ta kpa.

Wejereme 9:9

He ne he haah haa dɛ nyinu so sodɛɛɡa dɛɛ lɛ he sie, tɔpera aa teŋa baa kaa Korowii kpɔ tɛɛ harɛ nɔ ta nɔ. Dɛkalkɛ anee chɔ le tɛɛ, he le koeh haa dɛ koh harɛ nɔ ta nyoa.

1 Jɔn 2:16

Bwadabii pɛlchɔɡa kwa, ne anɔ la aa ɛ siwi pɛla kwa, ne waa yaa nyina dɛ kpɔa dɛɛ maŋkura ya te la ɛ harɛ nɔ ta wa. A ta ya Mɛɛ waa lɔ nyundua la be leɛ.

Sitɔɔla 14:2

Waa bera ba dem la, o ŋɔ o nya ne o mɛɛ be ŋɔ, “Maa la Temna la, n na Filisti tolo bɛl n sie lɛ o nɛ. N dɛ nyin kɛ hé ka moo tɛ mɛ.”