Wejereme 12:1 - mzwDBL

¹ He taa lɔ he bonɔɔne saŋ ta la, dɛɛ lii Korowii waa tae wa, mɔɔ tɔpechɔɡa haa wola won ɛ wobɛlbwa la ba. Ásɛ tɔpere bɛl habɔɔ mɔɔ he lii ŋɔ, “N sie aa n soɡa ta lɛ kpa,”

Wejereme 12:1 Iomraidhean Croise

Mumpar 39:2

Korowii teŋɛ Josef nɛ, anomanta, o ɡelɔ o wobɛlbwa do wer tɛo asɛ o so nomoa la dem.

Mumpar 39:23

Korowii aa dɛ nyin Josef waa dɛɛ nyin kɛ o wobɛlbwa do wer tɛo la nomanta, o ɡelɔ nomoa waa dɛ nyiŋi ba nɛɛ la laa o sie kpɔ waa Josef aa chɔ a nyoa la ta.

2 Samoɛl 19:35

Taraken n di bene fifraanuatoro, n sie aa komɛlbwa ta lɛ kpa. Komɛlbwa aa somɛ n nyoa ta, ba dɛ ɡo yela ɡe aa, maa no. N naa kooro, n dɛ la ka dawɛ he nɛɛ pɛɛpɛɛ.

2 Samoɛl 19:36

Men maa ɛ he bonɔɔ ta ɡɛ waa nɔ chɛɛ. Mɛɛ teŋɛ he nɛɛ ka ɡale Jɔɔdan Moo tama. Bɔkwa waa n ɛ tɛɛ hɛɛ tɛ mɛ a kembɔr ɔ?

1 Koranar 14:13

Israel tena bwa ɛɛ ɛ o lwee dɛ́ huɡo. O ɡboo ɛ Kooro Jɛroboam nɛn baa dɛ ba huɡa, dɛkalkɛ Kooro Jɛroboam dem nɛra bwa bini, o ɡbo nɛɛ Korowii Israel tena aa dɛ tomɔ la sie ɛɛ lɛ.

1 Koranar 18:12

Dɛ n kaalɔ Korowii Doma la kpɔe kaa bobɛl, asɛ n ka ŋɔ o be o ta hen ba nae yaa, wɛɛ kpo mɛɛ. Men maa ɛ he bonɔɔ nɔ, n bechale saŋ bwaa n yarada Korowii dɛɛ tomɔ.

Nehemia 4:14

N iro dɛ ka na kɛŋɔ a ɛ waa tɛ nɛra la, anomanta, n ŋɔ ba ne ba sitɔɔla ne ba nomonome, ne banɔ la baa jaa la bwa be ŋɔ, “He bɛ ban ɔmɛ, hé lii ɡɛ Korowii aa do kan dɛ do ɔma kohona, ásɛ dɛ yo tɛ he bwɛɛ tena, ne he bibaala ne bihaahna, ne he haahna dɛ he deremi.”

Job Tɔn 30:2

Wedɛɛɡa besoo mɛɛ ba dɔe le, a ɡɛ nɛra baa do ken dɛ ɡwɛɡre nɔ be nɔ?

Yela 119:55

N Naa Korowii, hale jwaana n dɛ lii he wa, dɛɛ teŋɛ he Mmarare ta.

Yela 34:11

N bii, hé ba dɛ́ ba cheɡ deŋne no n be, mɛɛ baɡle heyaa ɡɛ haa kpɔ duure tɛ Korowii.

Yela 63:6

N chɔ kalaŋ ta naa, n dɛ lii he wa, he waa dɛ do n bambile bini jwaana bwa,

Yela 90:10

Bene yaa di lɔ fifraanuanɛ ɡbo, kɛɛ dɛ bokpeɡa ta lole naa, bene fifraanuatoro. Kɛ a bwa ɡe ta la, hɔhɔrɔwa ne suna dii ɡboo, aa biɡri dɛ a baa kaa, ya serewe.

Sɛɡla 22:6

Do he bie kɛrɛdɛ waa aa wera ta, ásɛ dɛ o baa kpeɡ aa, o bɛ an ɡel.

Sɛɡla 8:17

N dɛ nyin nɛra baa dɛ nyin mɛ, nomɛlbwa waa dɛ nyin n bɔr dɛ́ na mɛ.

Wejereme 11:10

Anomanta, bɛ ɡel wobɛlbwa hae, kɛɛ he na weweele bɛlbwa, dɛkalkɛ bonɔɔne saŋ waa teŋo baa kaa, dɛ bwa ɛ wepuu.

Wejereme 11:2

Bɔne he kwaa haa dɔa bini ane tɛ nɛra banuanɛ kɛɛ banuatoro, dɛkalkɛ haa jemɛ saŋ chɔɡa aa ba harɛ la ta.

Wejereme 11:8

Dɛ nomɛl wono so dɛ biɡri aa, a chɛ kɛ o sie lɛ o tɔpera la bwa ta. Kɛ ó lii kɛŋɔ tɔpechɔɡa ane lole, dɛ warɛ ɡwaa anɔ la waa kpɔa so. Wedɛɛɡa ane bɛlbwa toole dɛ do a habɔɔ kpa.

Aesaya 26:8

Ya sie dawɛ he nɛɛ yaa teŋɛ he Mmarare ta, he ɡbosoo ya bambile lawɛ.

Wiile 3:27

A chɛ kɛ nɛn hweli ɡɛ bambile nɔ lawa le o bonɔɔne kɛɛ toli saŋ.

Daneɛl 1:17

Korowii tɛ ɡɛ bonɔɔna banaarɛ la wejema ne waa mun noe, ba won kure tɔne dɛ jemɛ chwera ɡe kɛrɛdɛ. Dɛ Daneɛl berɔ won wepila ne deera bwa soo siwi mun baɡla.

Hosia 7:9

Nɛŋhɔɔhraa dɛɛ di kpeɡri ba nɛ, kɛ baa jemɛ. Ba nyumpona pa mun dɛɛ to, kɛ baa jemɛ.

Amanesoma Luk Aa Chwera Tɔn 1:15

Wɛɛ ɛ nɛnjen Korowii bee. Waa sen kɛɛ kwaa aa dɛ dɛɛ te bɛlbwa nyɔe ba. Waa lɔ o nya tea bini kwaraa la, Korowii Domadɛɛɡe la dɛ ba o nɛɛ soɡa kpeɡri nɛ.

Amanesoma Luk Aa Chwera Tɔn 18:16

Belaa Yeesu yerɛ bechale la ba o be, asɛ dɛ ŋɔ, “He bɛ bechale la ŋwɛnɛ tɔ. Hé ɡel ba ba n be, dɛkalkɛŋɔ banɔ dɔŋa nɔɔ Korowii koobii la.

Ɛfesos 6:4

Mɛɛnanar, he bɛ he bii sibeɡra dɛ́ɛ do, ásɛ ba baah ɛɛ di. Hé kpoŋ ba kɛrɛdɛ dɛ́ɛ baɡ ba ŋwɛnɛre ne waa la bwa aa wera ya Dɔɔ be.

Mmarare 8:18

Hé lii Korowii haa dɛ tomɔ la wa, dɛkalkɛŋɔ onee tɛ heyaa wejema he kondɔɔh dɔe ta. Anee ɡela o nyoa waa baɡɛ he naawa la chɔ le ba le fini la.

2 Timoti 3:15

He bechale saŋ bwaa he le jemɛ Korowii Tɔn bini waa aa dɛ ba wona ɡel he dɔ wejema, dɛ che yarada haa dɛ yarada Yeesu Kristo la ta Korowii lɛɛ.

1 Samoɛl 1:28

Le fini dɛɛ kaa, n leo cheɡ tɛ Korowii, wɛɛ ɛ Korowii konee o soɡa bini bwa.” Asɛ ba tomɛ Korowii bela.

1 Samoɛl 16:7

Kɛ Korowii ŋɔ Samoɛl be ŋɔ, “Bɛ o jaŋne ne o wer nyiŋi, o laa mɛɛ nyin, n vɛoh. Kwaa nɛwɛnyini aa dɛ nyiŋi la korɛ anɔ la Korowii aa dɛ nyiŋi ta. Nɛwɛnyini dɛ nyiŋi siebɔr, kɛ Korowii te, nɛn bambile binii wɛɛ nyiŋi.”

1 Samoɛl 2:18

Gɛ saŋ dɛ Samoɛl ta ɛ bechala dɛ do sɔfo batakaarebora efɔd baa kpɔ yapondɛɛɡe nyarɔ dɛɛ ɛ Korowii toma.

1 Samoɛl 2:26

Samoɛl nao dɛ ɡee kpeɡ, o waa do wer Korowii ne nɛwɛnyini bwa be.