Wejereme 11:9 - mzwDBL

⁹ He ta ɛ bonɔɔ naa, ɡel he sie lɛ, dɛɛ di he bwara he bonɔɔne saŋ. Dɛɛ teŋɛ waa he bambile aa dɛ nyin, ne komɛlbwa haa na ta. Kɛ jemɛ kɛŋɔ Korowii ɛɛ ba bol a bwa waa, dɛ́ pa bole.

Wejereme 11:9 Iomraidhean Croise

Mumpar 3:6

Dɛ haah la nao kɛŋɔ daa la nɔn la ɡe wer siwi ta dɛ do wer ne dii, dɛɛ tɛ wejema ɡe ja. Anomanta, o haŋrɔ kahonɛ dɛ cha ane di, dɛ kpɔ ane ka tɛ o jaa ɡe o di.

Mumpar 6:2

belaa nyundua nɛra la aa naa kɛŋɔ harɛ nɛra la bihaahna la wer la, ba kpɔ ba bini bane mo, asɛ ba ne ba so.

1 Koranar 18:12

Dɛ n kaalɔ Korowii Doma la kpɔe kaa bobɛl, asɛ n ka ŋɔ o be o ta hen ba nae yaa, wɛɛ kpo mɛɛ. Men maa ɛ he bonɔɔ nɔ, n bechale saŋ bwaa n yarada Korowii dɛɛ tomɔ.

1 Koranar 18:27

Wee aa baa tel nyufala la, Elaeja mam ba, dɛ di ba loro ŋɔ, “Hɛ́ɛ yerɔ kohona, o ɛ voɡ kɛrɛdɛ, o ken ta dɛ lii, kɛɛ o ken kaa bobɛl. O ka lɔ ŋwɛnɛ ta. O ken ka chɔ dom, a chɛ kɛ he ka chumu.”

1 Koranar 22:15

Mikaya aa ba Kooro Ahab be la, Kooro pɛɛro ŋɔ, “N ne n dɔŋ Kooro Jehosafat ka yo Ramɔt Gelead tena kɛɛ yá ɡel ɔ?” Mikaya chaŋe ŋɔ, “Hé la ka yoo ba, Korowii ɛɛ ɡeloo hé pɔ ba nɛ.”

Job Tɔn 31:7

dɛ n bɛɡɔ le o ŋwɛnɛ la ta, dɛ n siwi ɡelɔ n bambile lawɛ wechɔɡa kɛɛ dɛ n ɛ wechɔɡa dɛ kah doŋa aa,

Yela 81:12

Anomanta, n ɡel ba deŋnekpeɡ waa tɛɛ ba, ba kaa ɛ anɔ la aa too ba tea.

Wejereme 12:1

He taa lɔ he bonɔɔne saŋ ta la, dɛɛ lii Korowii waa tae wa, mɔɔ tɔpechɔɡa haa wola won ɛ wobɛlbwa la ba. Ásɛ tɔpere bɛl habɔɔ mɔɔ he lii ŋɔ, “N sie aa n soɡa ta lɛ kpa,”

Wejereme 12:14

Wobɛlbwa yaa dɛ ɛ la, Korowii ɛɛ bol a waa, dɛ́ pa bole, andɛɛɡa ne anchɔɡa bwa, hale anɔ la aa sɔah bwa.

Wejereme 2:10

N ta n te laa kpɔ kwaa n sie a dɛ lɛ a ta nɛ, n vɛh wobɛlbwa n bambile aa dɛ nyin. N bambile lawɛ tomare bwa maa ɛa, anee ɛ kembɔr tɛ mɛ a bwa ta.

Wejereme 3:12

Anomanta, n nao kɛŋɔ waa nɛwɛnyina aa won ɛ laanee kɛŋɔ, yá ɡel ya sie lɛ dɛɛ ɛ wedɛɛɡa ya soɡa bini harɛ nɔ ta.

Wejereme 3:17

N lii n nyu bini ŋɔ, “Korowii ɛɛ ba bol nɛra ba wa aa toɡra, ne nyubinikpeɡ tena bwa waa dɛ́ pa ba bole, dɛkalkɛ wobɛlbwa ɛɛ dɔ o saŋee, we-ɛɛla bɛlbwa ɡe dɔ o tɔpere.”

Wejereme 6:9

A wer kɛ he sie lɛ anɔ la haa dɔa ta, ɡwaa anɔ la haa kpɔ sie dawɛ kɛŋɔ hɛɛ dɔɔ ta. Anɔ ɡe ɛ wepuu, dɛ do kɛ nɛn waa dɛ loo vii habɔɔ, dɛ ɡel o bini ken.

Wejereme 7:14

Waane kaalɔ dɛɛ tɛɛ kɛrɛdɛ naa, ɡel he sie lɛ, kɛ dɛ wenaale bɛlee tenaa, lii kɛŋɔ, Korowiirii ba silɛɛ ne, dɛ berɛ ba wenaale ɡe ne. Anomanta, nomɛlbwa aa won jemɛ ɡɛ aa chiɡu kerekere.

Jeremia 23:17

Ba teŋɔ dɛɛ bol nɛra baa vɛh n waa ta teŋa be ŋɔ, ‘Korowii ŋɔ, hɛɛ dɔ deŋnesɔɔhnaa.’ Dɛɛ bol deŋnekpeɡ tena ɡe be ŋɔ, ‘Wenaale bɛlbwa aa he nɛɛ ba.’

Jeremia 7:24

Kɛ ba ta deŋne cheɡɛ dɛ no n be, dɛ teŋɛ ba deŋnekpeɡ ne wechɔɡa we-ɛɛla aa lɔ ba bini la ta, dɛ chɔɡ ba te kwaraa.

Wiile 3:27

A chɛ kɛ nɛn hweli ɡɛ bambile nɔ lawa le o bonɔɔne kɛɛ toli saŋ.

Nɛra Kura 15:30

Kɛ nomɛlbwa saahnɔ ɛ wechɔɡa aa, bwɛɛlembie yo, hɔɔhree yo, naate ɛ Korowii nɛnhɛla. Gɛ nɛn la ta chɛ kɛŋɔ bá kuro ja o nɛra bini.

Nɛra Kura 15:39

Jɔɔra nɔɔ dɛɛ ba Korowii waa maa do heyaa a ta la dɛɛ liira, á ɡel hɛɛ teŋɛ a ta dɛ bɛ Korowii waa vɛh, dɛ́ kaa teŋɛ he pɛlchɔɡa kwaa haa dɛ naa, ne anɔ la aa lɔ he bambili ta la.

Nɛra Kura 22:32

Korowii nyundua torome la bɔɔro ŋɔ, “Ɛrɛɛ he lɔɔ he keeɡo nɔ kera atoro bwa ken? Na, n balɔ dɛ́ ba tɔe ŋwɛnɛ dɛkalkɛŋɔ n ta hen ŋwɛnɛ tɛɛ kɛŋɔ he la Moab harɛ ta.

Matiu 5:28

Kɛ taraken n dɛ ŋɔ he be ŋɔ, he naate haa na haah dɛ nyiŋu he pɛla do o nɛɛ la, he bɔ jwamane he bambile bini.

Amanesoma Luk Aa Chwera Tɔn 12:19

O lii waa o nyu bini dɛ ŋɔ, ‘N dɔ kwaa dɛ́ di la sie, mɛɛ diu dɛ́ lɛ n sie dɛ́ so dɛɛ onɛ.’

We-ɛɛla 14:16

A saŋ la, dɛ Korowii ɡelɔ he nɛra haa wola Juu tena ɛɛ la ɛɛ ɛ he tetoowa.

We-ɛɛla 24:25

Pɔɔl aa ba dɛ bol ŋɔ a chɛ kɛ nomɛlbwa ɡel o waa do kaih, dɛ ŋɔ a chɛ kɛ nomɛlbwa ɛɛ nyiŋi o te kɛrɛdɛ wechɔɡa ɛɛ ta, dɛ ŋɔ Korowii ɛɛ ba bol nɛra bwa waa dɛ́ pa bole la, Fɛlekse berɔ ɔmɛ dɛ ŋɔ o be ŋɔ, “Gel mɔɔ. Dɛɛ la. N baa dɔ bɔr ja aa, mɛɛ yerɛɛ.”

Tɔn Pɔɔl Aa Chwerɛ Rom Tena 14:10

Aah dɛ bɔkwaa ɡela he nɛra haa wola ol di ɛɛ pwah he bala baa dɛ di komɛlbwa nɔɔ? He banɔ la haa dɛ di komɛlbwa ɡe la, bɔkwaa ɡela hɛɛ lii he bala baa wola ol di nɛndoŋa nɔɔ? Ya bwa ɛɛ che Korowii siee, ásɛ o bol ya waa dɛ́ pa bole.

1 Kɔrent 4:5

Anomanta, he bɛ nomɛlbwa kpɛɛ kɛɛ dɛ chɔɡo ka tel kɛŋɔ Yeesu Kristo aa ba. Dɛ o balaa, wobɛlbwa aa sɔah la ɛɛ le bochaahnee, wedɛɛɡa oo, wechɔɡa oo, a bwa ɛɛ leo, ásɛ wobɛlbwa aa sɔah dɛ do nɛwɛnyini bambile bini la chɔ baŋ, ásɛ Korowii kpɛɛ nomɛlbwa ɡɛ aa chɛo.

2 Kɔrent 5:10

dɛkalkɛŋɔ ya bwa ɛɛ ba che Yeesu Kristo sie o bol ya waa dɛ́ pa bole, ásɛ bɛlbwa dɔ waa o fa aa soɡe le dɛɛ ɛ la kembɔr. Dɛ bɛlbwa we-ɛɛla wer oo, aa were oo, wɛɛ dɔ a kembɔree.

Mmarare 29:19

Haa dɛ no ntam nɔ bini waa nɔ, nomɛlbwa bɛ o liire ba ɛ kɛŋɔ o na som dɛɛ ɛ deŋnekpeɡ, dɛ́ kpɔ o ɡbaɡba ŋwɛnɛ aa maɡre tɛo. Anee dɛ́ ɡel Israel tena bwa dɔ deŋnetɛra.

Hibru 9:27

Kerabeŋkpoŋii nɛwɛnyini bɛlbwa ɛɛ ba sewa, ásɛ a habɔɔ la, Korowii bol o waa dɛ́ pa bole.

Josua 7:21

Laa la ta la, n na batakaaredɛɛɡe bɛl Babelɔn tena aa sɔɔh, suuɡapoŋa lafraanɛ ne suuɡaswɛm bwe o tɔɡre aa ɛ suuɡapoŋa fifraanue del, asɛ n pɛla lawa kohona n kpɔ. N kpɔ suuɡaswɛm la ne batakaare la ka huɡe harɛ n tɛnte dea bini, asɛ suuɡapoŋa la do mun ta.”

2 Pita 3:7

Gɛɛ Korowii ŋɔ nyundua kwaa bwa ne harɛ kwaa bwa aa lole taraken nɔ, á do le ɡɛ, ásɛ nii ɛrɛ ba fuah awola waa dɛ ba nɛra baa wola on tomɛ waa bola dɛ́ pa bole, dɛ́ chɔɡ ba la.