Wejereme 11:2 - mzwDBL

² Bɔne he kwaa haa dɔa bini ane tɛ nɛra banuanɛ kɛɛ banuatoro, dɛkalkɛ haa jemɛ saŋ chɔɡa aa ba harɛ la ta.

Wejereme 11:2 Iomraidhean Croise

Nehemia 8:10

Nehemia ŋɔ nɛra la be ŋɔ, “Hé kaa dem, dɛ́ ka di he silɛɛ kondikwa, dɛ́ nyɔ sensoma, ásɛ dɛ kpɔ ane ka tɛ banɔ la baa wola ane dɔe. Fini tɔpere nɔ do ɡoroŋ tɛ Korowii yaa dɛ tomɔ. He bɛ suna di, dɛkalkɛ silɛɛ Korowii aa tɛ heyaa la ɛɛ ɡeloo he dɔ bokpeɡa.”

Ɛsta 9:19

A waa Juu tena baa lɔ bwɛjeɡre ta kpɔ a ɡɛ korobie la tɔpera fi dɛ anaarɛ wee la ɛ ba tɔpejen, dɛ di kwa dɛɛ lɛ ba sie, dɛ berɛ dɛɛ kɛ kwaa o ta.

Ɛsta 9:22

dɛɛ lii tɔpera Juu tena aa lɛ ba te le ba dɔma nɔn ta, ne tɔpera ba suna dii aa ber ba silɛɛ, ba wii ɡe berɛ hɛɡra la. Mɔdekae ŋɔ, dɛ ba dɛ di tɔpera la aa, báa di kondikonjena dɛɛ lɛ ba sie, dɛɛ tɛ dɔŋa ne nyaara bwa kondikwa.

Job Tɔn 5:19

Saŋ bɛlbwa Korowii ɛɛ lɛɛ le wenaale ta.

Yela 112:9

Waa nɔn nyore, o dɛ tɛ nyaara tɛɛ tenten, o wedɛɛɡa ɛɛ ta jaɡa dɔe, wɛɛ di kpeɡrii dɛ dɔ jirima.

Sɛɡla 19:17

Nɛn waa dɛ ɛ nyaa kɛrɛdɛ la, Korowiirii o kpɔ dɛɛ kemɛ, waa waa ɛa la, o dɛ tɛo a nachiɡe.

Sɛɡla 6:16

Webele anumɛl kɛɛ anuanɛ ane lole Korowii haah kɔkɔkɔkɔ, anee,

Wejereme 11:3

Baama biro kohona naa, anee ɡela bwaala ɛɛ nɛ harɛ ta. Daa cholo chɔ weekaŋle nyundua, kɛɛ weekaŋle harɛbɔr aa, buɡ ta bela waa chola laanee wɛɛ chɔ.

Wejereme 11:8

Dɛ nomɛl wono so dɛ biɡri aa, a chɛ kɛ o sie lɛ o tɔpera la bwa ta. Kɛ ó lii kɛŋɔ tɔpechɔɡa ane lole, dɛ warɛ ɡwaa anɔ la waa kpɔa so. Wedɛɛɡa ane bɛlbwa toole dɛ do a habɔɔ kpa.

Wejereme 12:1

He taa lɔ he bonɔɔne saŋ ta la, dɛɛ lii Korowii waa tae wa, mɔɔ tɔpechɔɡa haa wola won ɛ wobɛlbwa la ba. Ásɛ tɔpere bɛl habɔɔ mɔɔ he lii ŋɔ, “N sie aa n soɡa ta lɛ kpa,”

Daneɛl 4:27

Anomanta, n naa kooro, no waa maa dɛ jae a ta nɔ. Gel wechɔɡa ɛɛ, dɛɛ ɛ anɔ la aa toɡra, dɛ́ ɡel he nyubinikpeɡ la, dɛɛ na nɛra baa dɛ fiɡ ba sum. He wobɛlbwa ɛɛ do werii dɛɛ la.”

Maeka 5:5

Onee dɛ́ ba tɛɛ ba deŋnesɔɔhna. Dɛ Asiiria tena baa yo ya harɛ, dɛ won jo ya dekpeɡa yaa sɔh a bini ta naa, yaa le nomonome baa wara kohonaa bá ka yoo ba.

Matiu 18:22

Yeesu chaŋo ŋɔ, “N ta ŋɔe kera anuanɛ, kɛ kera fifraanuanɛ bele anuanɛ.

Matiu 5:42

Dɛ nomɛl soŋe komɛl aa, kpɔ tɛo. Dɛ nomɛl ɡe ŋɔ o dɛ nyin komɛl dɛ kemaa, kpɔ kemɔ.

Amanesoma Luk Aa Chwera Tɔn 17:4

Dɛ tɔpere bɛlbwa o ɛɛ wechɔɡa kera anuanɛ, asɛ dɛ ba he be dɛ ba ŋɔ waa waa ɛɛ la, o kon chɔɡaa, kpɔ kɛo.”

Galaasia 6:1

Yabala, dɛ he lawɛ he bini bɛl wechɔɡa bɛlbwa ta naa, he banɔ la haa dɔ Korowii Domadɛɛɡe la kɛrɛdɛ la, hé toɡro. Kɛ he bɛ o nɛɛ nyɛɡ te, hé toɡro sipwɛra ne. He ɡbaɡba ɡe la, a chɛ kɛ hɛɛ nyiŋi kɛrɛdɛ, ásɛ Bɔnsam bɛ heyaa ba neɡre do wechɔɡa ta.

Ɛfesos 5:16

Wechɔɡa lole kɛrɛdɛ taraken. Anomanta, hé takapɔ dɛɛ ɛ wedɛɛɡa taraken nɔ haa dɔ bɔr dɛ́ ɛa nɔ.

Hibru 13:3

Hɛ́ɛ lii nɛra baa do ba dea waa kɛŋɔ he ne banee ba do dea ken. Hɛ́ɛ lii nɛra baa dɛ ɛɛ ba hɔhɔrɔwa ɡe waa kɛŋɔ he ɡe aa dɛ na weweele la bɛl ken.

1 Samoɛl 25:8

Bɔɔ he bonɔɔna la, bá bol waa aa lole. Anomanta, nyiŋi n bonɔɔna kɛrɛdɛ tɔpejen dii saŋ nɔ ta. N dɛ soŋe, tɛ he bonɔɔna ne he bibaa Devid kon te bɛlbwa haa dɔa.’ ”