Wejereme 11:10 - mzwDBL

¹⁰ Anomanta, bɛ ɡel wobɛlbwa hae, kɛɛ he na weweele bɛlbwa, dɛkalkɛ bonɔɔne saŋ waa teŋo baa kaa, dɛ bwa ɛ wepuu.

Wejereme 11:10 Iomraidhean Croise

Job Tɔn 11:12

Gɛne ne wejema dɔe la, dɛ ba wono dɛɛ kpɔɡ bini ol o berɛ dem kon.

Job Tɔn 13:26

He chwerɛ n bwara waa aa wola were, hale anɔ la maa ɛa n bonɔɔne saŋ.

Job Tɔn 20:11

Ba bonɔɔne saŋ bokpeɡa la, ba ne anee dɛ́ ka chɔ teera bini.

Yela 25:7

N Naa Korowii, bɛ n bonɔɔne saŋ wechɔɡa, ne deŋnekpeɡ we-ɛɛla lii. Che he nyina aa wola jaɡa dɔe ta, dɛɛ lii n wa, dɛkalkɛ he waa wer.

Yela 39:5

He ɡelɔ me mkpa do bori, a ta komɛlbwa ɛɛ he siwi ta, nɛwɛnyini bɛlbwa mkpa do kɛŋɔ peu he be.

Yela 39:6

Nɛwɛnyini mkpa do kɛŋɔ lileo, ba wobɛlbwa ɛ wepuu. Wɛɛ nyin kondɔɔh cheɡ kohona, kɛ waa jemɛ naate aa ba ɛ o kwa.

Sɛɡla 22:15

Gɛnewa lɔ bechala bɛlbwa bambile ta, kɛ dɛ he kpɔ chweema toɡro waa, o dɛ jemɛ wa.

Wejereme 1:14

N na komɛlbwa nɛra aa dɛ ɛa harɛ nɔ ta, a bwa ɛ wepuu, dɛ do kɛŋɔ nɛn aa dɛ loo vii habɔɔ, dɛ ɡel o bini ken.

Wejereme 1:2

“Komɛlbwa ɛ wepuu. Wobɛlbwa ta mun dɔe.” Wejereme laanee dɛɛ bol! “Wobɛlbwa sese ta mun dɔe.”

Wejereme 12:1

He taa lɔ he bonɔɔne saŋ ta la, dɛɛ lii Korowii waa tae wa, mɔɔ tɔpechɔɡa haa wola won ɛ wobɛlbwa la ba. Ásɛ tɔpere bɛl habɔɔ mɔɔ he lii ŋɔ, “N sie aa n soɡa ta lɛ kpa,”

2 Kɔrent 7:1

N dandɛɛɡa, yanee Korowii baɡɛ a ɡɛ nyoa nɔ bwa. Anomanta, hé ɡel ya do kaih. Yá laa ya bwadabii ne ya bambile kpɔ wechɔɡa bɛlbwa ta. Hé ɡel ya swɛɛ siwi dɛ do ɡoroŋ, ɔma yaa dɛ ɔmɛ Korowii nomanta.

2 Timoti 2:22

Laa he te kpɔ wedoŋa bonɔɔna aa dɛ pɛlɛ a ta la ta, ásɛ he ne nɛra baa dɛ soŋe Korowii tepoŋ ne la siwi swɛɛ wedɛɛɡa ɛɛ aa dɛ su Korowii siwi, ne Korowii yaradae, ne nɛnnyin, dɛ waa aa dɛ ba deŋnesɔɔhna ne la ta.