Wejereme 10:8 - mzwDBL

⁸ Nomɛlbwa waa kwi bɔɔ la, wɛɛ won le o bini, nomɛlbwa waa ku danjwɛɛ dɛ jo la, harɛkon ɛɛ won choɡo.

Wejereme 10:8 Iomraidhean Croise

2 Samoɛl 17:23

Ahetofɛl aa naa kɛŋɔ ba ta o waa la ta teŋɛ la, o pa laala dawɛ o keeɡo ta dɛ kpɔ sie pa o bwɛɛ dɛ kaa. O baa kwaa o dem wobɛlbwa tonɛ dɛ ka saɡɛ o te. Waa sewa la, o mɛɛwa huɡri bɔree ba ka huɡo.

2 Samoɛl 18:15

Asɛ Joab laa tena la fi den ba lɔ tɔ Absalɔm nɛ dɛ kpoo.

Ɛsta 7:10

Gɛɛ a do ba saɡɛ Heeman daa waa paa dɛɛ ba Mɔdekae o ta saɡa la, asɛ kooro baah sɔɔh tama.

Yela 57:6

N dɔma haɡre bela, dɛ́ laɡ mɛ, suna ɡboo mɛɛ di. Ba kwi nafuɡe n ŋwɛnɛ ta, dɛ́ fee laɡ mɛ, kɛ ba ɡbaɡba berɔ le o bini.

Sɛɡla 11:6

Nɛn o wa aa toɡra daa dɛɛ lɛo, asɛ nɛn waa wola kasinteŋ dɔe la ɡbaɡba pɛla waa dɛɛ lawɔ.

Sɛɡla 26:27

He kwi nafuɡe aa, he ɡbaɡbaa dɛɛ le o bini. He ɡbili bwe ŋɔ he ta he dɔŋ nɛ aa, wɛɛ berɔ ba he nɛ.

Wejereme 10:9

Nomɛlbwa waa dɛ paɡre bwea la, bweaa dɛ́ doo bol, nomɛlbwa waa dɛ peɡri daa ɡe la, anee dɛ́ doo bol.

Emɔs 5:19

Aa ɛo kɛŋɔ nɛn aa dɛ chwa nyujente dɛ ka cheme sisire ken. Aa doo kɛŋɔ nɛn aa jo o dea dɛ kpɔ nɔn dawɛ danjwɛɛ ta, asɛ harɛkon domɔ.

Emɔs 9:3

Ba chwao ka sɔh Kaamɛl Bwejen doa aa, mɛɛ nyin ba bɔree, dɛ́ laɡ ba. Ba chwao le n sie ka sɔh mpo bini naa, mɛɛ ɡeloo mpo bini oljen laɡ ba chwe.

Sitɔɔla 9:5

Abemɛlɛk la o mɛɛ Gedeɔn bwɛɛ Ofra, dɛ ka kpoo o mɛɛ bii fifraanuanɛ baa ɛ o dɔɔranar ne nimanar bwetal bɛl ta. Kɛ ba bini bechala baa dɛ yerɔ Jotam la kpɔ o te sɔh.