Wejereme 10:5 - mzwDBL

⁵ N na wedoŋa ane ɡe harɛ nɔ ta, waane kooro bɛl aa koni a ta.

Wejereme 10:5 Iomraidhean Croise

Sɛɡla 19:10

Yɛɛra ta ɡɛne chɛɛ, ɡɛɛ yom ɡe aa wola chɛɛ kɛ nomonjena do o lɔɡa.

Sɛɡla 28:12

Nɛndɛɛɡa baa di nomonome aa, nomɛlbwa sie dɛ lɛ, kɛ nomonchɔɡa balaa, ɡɛɛ nomɛlbwa hɔrɔme.

Wejereme 10:4

Dɛ kooro baah di he nɛɛ aa, bɛ ŋɔ he dɛ vɛh toma waa kpɔa do he nɔn ta. Bambile lawa ɛɛ won sɔɔh he wechɔɡa haa ɛa nyoa.

Wejereme 10:6

Gɛnaa ba yon kpɔ chɔ wejena nyoo, dɛ́ kpɔ suuɡa tena chɔ anjeɡre nyoo.

Wejereme 3:16

N berɔ na waane harɛ nɔ ta ja, nyubinikpeɡ chiɡ kasinteŋ bole pae naa ta, wechɔɡa ɡe chiɡ waa aa toɡra naa ta.

Wejereme 4:1

N berɔ nyiŋi dɛ na fiiɡa nɛra aa dɛ fiiɡi ba dɔŋa harɛ nɔ ta. N na nɛra baa dɛ fiɡ ba siniire, kɛ nɛn toole dɛ́ larawe ba bwara, dɛkalkɛ, nɛra baa dɛ fiɡ ba la nɔn taa kpeɡri ka di.

Wejereme 4:7

N berɔ na waane ɡe aa wola mun dɔe harɛ nɔ ta.

Wejereme 5:13

N na wedoŋa ane ɡe harɛ nɔ ta, nɛra yon pa ba kondɔɔh sɔh kɛ aa ban cha,

Wejereme 6:1

N berɔ na wechɔɡa ane harɛ nɔ ta, aa do tɔɡre kohona kɛŋɔ bone, dɛ dawɛ nɛra nɛ.

Wejereme 9:3

Waa aa ɛ wechɔɡa, dɛ do wobɛlbwa aa lɔ harɛ nɔ ta laanee nɔ. Webeŋkpoŋ laanee chɔ le tɛ nɛwɛnyina bwa. Wechɔɡa su nɛra bambili ɡɛ saŋ ba taa soɡe le dɛɛ ɡɛn, ásɛ mɔɔ bá piɡri sewɛ.