Wejereme 10:12 - mzwDBL

¹² Jirima lɔ wejereme nyoa, kɛ ɡɛne te, o ɡbabir nyoa wobolee dɛɛ chɔɡo.

Wejereme 10:12 Iomraidhean Croise

2 Samoɛl 1:16

Dɛ Devid fa bol baa la be ŋɔ, “He waa haa ɛa laanee ɡure he nyu ta la. Waa aa le he nyoa he ŋɔ henee kpo nɛn Korowii aa cheɡo kora ta laanee ɛ danseɛ.”

Job Tɔn 16:5

Kɛ n nyoa wobol ɛɛ won tɛ heyaa bokpeɡa, dɛ́ tɛ heyaa bosɔɔhna.

Yela 140:9

Bɛ ɡel n dɔma won pɔ n nɛ, ɡel ba aahra baa dɛ aah mɛ ɡure ba nyu ta.

Yela 37:30

Nɛra ba wa aa toɡra nyoa wejemwaa do, ba nyoa waa aa wera ne kasinteŋ do.

Yela 64:8

Wɛɛ ɡeloo ba vɔrɔwa la bwa ɡure ba nyu ta, ásɛ nɛra na ba dɛɛ viiɡi ba nyuune, dɛɛ mam ba.

Sɛɡla 10:10

Nomɛlbwa waa dɛ tɔ kasinteŋ ta la dɛ́ ba waa ne, kɛ nɛn waa dɔ bambile dɛɛ bol waa la, o dɛ ba deŋnesɔɔhna ne.

Sɛɡla 10:8

Wejereme dɛ́ no jae, kɛ nɛn waa dɛ bol ɡɛnewaa te waa dɛ ɛ pɛɛpɛɛ.

Sɛɡla 12:18

Nɛra baa dɛ bol waa baa wola liire a ta do la, ba wobol dɛ we kɛŋɔ nii ken, wejereme wobol dɛ larawe bwara.

Sɛɡla 15:2

Wejereme wobol ɡelɔ wejema ɛɛ dɔ pɛla, ɡɛne ɡee dɛɛ bol waa warawara, wejema aa wola toole a ta.

Sɛɡla 15:23

He chaŋe waa aŋwɛnɛ ta naa, a dɛ ba silɛɛ ne dɛɛ tɛɛ. Waa bola a saŋ ta wer ɡa.

Sɛɡla 19:5

He di dansewea aa, he dɛ dɔ deŋnetɛra, ɡɛɛ nyosonteŋni ɡe aa wola o bwara kpɔe kaa di.

Sɛɡla 22:11

Dɛ he dɔ bambidɛɛɡe dɛ jemɛ wobol aa, kooro dɛ kpɔe dam.

Sɛɡla 26:9

Gɛ sennyɔɔ aa wola won laa sɔɔh kpɔ o nɔn ta la, ɡɛɛ a do kpeɡri tɛ ɡɛne kɛ ó won sɛɡle.

Sɛɡla 31:26

O dɛ bol wejemwa, dɛɛ baɡle waa aa ɛ kasinteŋ.

Wejereme 12:11

Wejereme wobol do kɛŋɔ, daa peteɡre aa kpɔa dɛɛ teɡɛ peera ken. O wobosɛɡla ɡe do kɛŋɔ, baa lɔ dadowɛre do kon ta, a lawɔ kpoŋe. Korowiirii ɛ Peteɡre beŋkpoŋ waa lole dɛ tɛ ya bwa.

Wejereme 4:5

Gɛnee yon fɔɔ o nɔɔra so ŋɔ, waa tomaa ɛ, lɔr ɛɛ kpoo ó sewɛ.

Wejereme 5:2

Dɛɛ lawɛ he nyoa, he dɔ waane dɛ́ bol aa, nyiŋi a bini kɛrɛdɛ dɛ bɛ too, dɛ́ bol baɡle Korowii. Korowii te, nyundua o do, asɛ he do harɛ, anomanta, bɛ ɡel he wobol do kan.

Wejereme 5:6

Bɛ ɡel he nyoa wobol kaa he ne wechɔɡa ta, ásɛ dɛ ŋɔ sɔfo be ŋɔ, sibeɡra ta laa he baɡɛ nyoa. Bɛ ɡel Korowii baah di he nɛ he nyoa wobol wa, dɛ́ chɔɡ kwaa haa koah dɛ dɔ.

Wejereme 9:17

A wer kɛ ya no wobopwɛra wejereme aa dɛ bol, ɡwaa kooro waa kpɔ nyɛɡa bol waa dɛɛ baɡle ɡɛna.

Matiu 12:35

Nɛndɛɛɡe wedɛɛɡa ɛɛ taa a che baa jemɛ wedɛɛɡa aa lɔ o bambile bini. Gɛɛ ba che nɛnchɔɡe ɡe wechɔɡa ɛɛ ta dɛɛ jemɛ wechɔɡa aa lɔ o bambile bini.

Amanesoma Luk Aa Chwera Tɔn 19:22

Anee nomoa la ŋɔ o be ŋɔ, ‘Bonɔnchɔɡe kohona! He ɡbaɡba nyoa wobol taa mɛɛ ba cheɡa dɛ́ pae bolchɔɡe. He jemɔ kɛ n ɛ bambikpeɡ te, dɛɛ kpɔ kwaa aa wola n kwaa ɛɛ, dɛɛ komɛ kwaa maa wola due kenɛ?

Amanesoma Luk Aa Chwera Tɔn 4:22

Belaa nɛra la bwa kpɛɛro. Ba nyoa kpo ɡɛ o nyoa ne wobol aa soma la, asɛ ba ŋɔ, “Josef bie la laa nɔ naa?”

Ɛfesos 4:29

He bɛ ɡel wedoŋa bɛlbwa ɛɛ le he nyoo, kɛ hé ɡel he wobol ɛ waa aa wera dɛɛ do nɛra ɡbemba waa aa kpoŋ ba ta, dɛ won cha banɔ la baa dɛ noa la.

Kolosi 4:6

Hé ɡel he wobol do som dɛ́ɛ lɛ sie saŋ bɛlbwa, dɛ ba pɛɛ heyaa wobɛlbwa naa, hé won jemɛ ɡɛ aa chɛ kɛ he bol.