Wejereme 1:9 - mzwDBL

⁹ Waane a fa aa chiɡa ka la ɛɛ berɔ chiɡ ja, waa Korowii aa ɛa ɡe, ɛɛ berɔ ɛ, wobɛlbwa ta wefala ɛɛ harɛ nɔ ta.

Wejereme 1:9 Iomraidhean Croise

Wejereme 1:10

Waane lole ásɛ nomɛl na dɛ́ ŋɔ, “Anɔ te ɛ wefala aa?” Akai, a bwa fa lole, a lole saŋ la bwa mɔɔ ba lolɛ yaa.

Wejereme 2:12

Belaa n berɛ kpɔ liire, dɛ nyiŋi ɡɛ wejema aa doa, ne ɡɛ choɡla ne ɡɛnewaa ɡe aa doa. Bɔkwaa kooro waa baa chiɡ o dɔŋ naa ta, ɛɛ ba wona ɛ á ɡwaa anɔ la sitɔte la aa ɛa ta nɔ?

Wejereme 3:15

Wobɛlbwa aa chiɡa ka la, ne anɔ la aa chiɡ ɡe fa chiɡo ka. Korowiirii ɡela ɡɛ waa la bwa berɛ dɛɛ chiɡ.

Wejereme 6:10

Wobɛlbwa aa chiɡa saŋ la dɔ sɔn, asɛ ya jemɛ ɡɛ nɛwɛnyini ɡe aa doa. Ya jemɔ kɛŋɔ nomɛlbwa ne nɛn, waa do kpeɡri ɡwaalo aa won cheme.

Wejereme 7:10

Bɛ ŋɔ, “Ɛrɛɛ saŋ la wobɛlbwa do wer ɡwaa fini nɔɔ?” A ɛ ɡɛnewaa kɛ he bɔɔ ɡɛ.

Aesaya 43:19

Hɛ́ɛ no! N dɛ ba wefale bɛl ɛɛ. Taraken o dɛ le, he ta on nae yaa? Mɛɛ bil ŋwɛnɛ pua hɛŋle ɡbo harɛ taa, dɛ́ ɡel nenabɔɔne chɔ harɛ la ta.

Jeremia 31:22

Nɛra he wa aa wola kasinteŋ dɔe, saŋ besoo hɛɛ ba he ɡaaɡe bala nɔ ɡela ɔ? He fa do kɛ bitolo o wa aa wola kasinteŋ dɔe. Mɛɛ beɡre wobɛlbwa anfalaa harɛ nɔ bwa taa, kɛŋɔ haah aa kpɔ nɔn dɛɛ tɔ o jaa nɛɛ la ken.”

2 Pita 2:1

A saŋ la, nɛra bane teŋe nyosone ŋɔ Korowii keameree ban Israel tena bini. Gɛɛ nɛra ɛɛ ba bala dɛ ba teŋe nyosone ŋɔ ban dɛɛ chaɡle nɛra waa he bini. Baa dɛɛ chaɡle waa aa wola kasinteŋ ɛɛ, dɛ́ ɡel nɛra nyoɡre. Gɛ ba wechaɡla aa doa la, haa won jemɛ kɛŋɔ a ta kasinteŋ ɛɛ. Baa vɛh ba Dɔɔ waa bɔ ba wechɔɡa kem la waa, dɛ́ ɡel Korowii chɔɡ ba, ba sewɛ seopiɡri.

Wepila 21:1

Belaa n na nyundufale ne harɛfale bɛl. Dɛ nyundua ne harɛ la a fa aa lole la te nyoɡrɔ, asɛ mpo ɡe nyoɡre.

Wepila 21:5

Anee naate waa soɡe kookara la ta la ŋɔ, “Taraken n ɡelɔ wobɛlbwa berɛ anfala.” Dɛ berɛ ŋɔ, “Chwerɛ ɡɛ waa nɔ, dɛkalkɛŋɔ n wobol nɔ ɛ kpela, neɡra toole a ta.”