Wejereme 1:17 - mzwDBL

¹⁷ N siwi beɡrɔ n berɛ dɛɛ nyin ń jemɛ ɡɛ wejema ne ɡɛnewaa aa doa, dɛ na kɛ a bwa ɛ wepuu, dɛ do kɛŋɔ nɛn aa dɛ loo vii habɔɔ, dɛ ɡel o bini ken.

Wejereme 1:17 Iomraidhean Croise

Yela 73:16

N fe takapɔ kɛŋɔ n no ɡɛ waa nɔ mun, kɛ a kpeɡri tɛ mɛ kɛrɛdɛ,

Wejereme 12:8

Wejereme la ŋɔ, “A bwa ɛ wepuu, Wobɛlbwa ta mun dɔe.”

Wejereme 2:17

A ɡelɔ n ta silɛɛ bɛlbwa n soɡa bini dɔe kpa, dɛkalkɛ wenaale ɡboo a kpɔ ba ta n nɛ. A bwa ɛ wepuu, dɛ do kɛŋɔ nɛn aa dɛ loo vii habɔɔ, dɛ ɡel o bini ken.

Wejereme 2:3

N cheɡɛ n wejema ta dɛ ŋɔ mɛɛ nyɔ senee dɛ́ di n nyu. N liiro kɛŋɔ ɡɛɛ nɛra ɛɛ ba wona di ba nyuune, tɔpera tama baa dɛ ba dii harɛ nɔ ta.

Wejereme 3:19

Webeŋkpoŋii chɔ le dɛ tɛ nɛwɛnyina ne ola bwa, ɡɛ bɛl aa sewɛ la, ɡɛɛ o dɔŋ ɡe ɛɛ ba sewa. Hweera beŋkpoŋii lɔ a bwa bini. Nɛwɛnyina ta ola ɡwaalɛ. Wobɛlbwa ɛ wepuu.

Wejereme 4:4

Ate, n na kɛŋɔ toma nɛra aa dɛ ɛ dɛ́ dɔ kwaa bwa, le o dɔŋ bɛl komɛl waa dɔa, o na o siwi beɡre la ta. Anɔ ɡe ɛ wepuu, a do kɛŋɔ nɛn waa dɛ loo vii habɔɔ dɛ ɡel o bini la ken.

Wejereme 4:6

He dɔ kondikwaa nɔndel di deŋnesɔɔhna ta, ɡwaa haa koah kohona, dɛ dɔa nɔndela anɛ di. A bwa ɛ wepuu, kɛŋɔ nɛn waa dɛ loo vii habɔɔ, dɛ ɡel o bini la ken.

Wejereme 6:9

A wer kɛ he sie lɛ anɔ la haa dɔa ta, ɡwaa anɔ la haa kpɔ sie dawɛ kɛŋɔ hɛɛ dɔɔ ta. Anɔ ɡe ɛ wepuu, dɛ do kɛ nɛn waa dɛ loo vii habɔɔ, dɛ ɡel o bini ken.

Wejereme 8:16

N siwi beɡrɔ n nyiŋi ɡɛ wejema aa doa, dɛ na nɛwɛnyini koeh waa dɛ koh harɛ nɔ ta. N nao kɛŋɔ nɛn aa wone dɛɛ chɔ dom chɔɔ ne jwaana,

Wejereme 9:3

Waa aa ɛ wechɔɡa, dɛ do wobɛlbwa aa lɔ harɛ nɔ ta laanee nɔ. Webeŋkpoŋ laanee chɔ le tɛ nɛwɛnyina bwa. Wechɔɡa su nɛra bambili ɡɛ saŋ ba taa soɡe le dɛɛ ɡɛn, ásɛ mɔɔ bá piɡri sewɛ.

1 Tesalonika 5:21

Kɛ hé nyiŋi ba webaɡla, ásɛ dɛ lawɛ anɔ la aa wera la bini.