Wejereme 1:13 - mzwDBL

¹³ N siwi beɡrɔ kɛ ń jemɛ, dɛ le n te cheɡ dɛ hweli waa bwa nɛra aa dɛ ɛa harɛ nɔ ta. Na wekpeɡa Korowii aa kpɔa ba dawɛ ya nɛ!

Wejereme 1:13 Iomraidhean Croise

Mumpar 3:19

Hɛɛ kwee bɔwɔbee mɔɔ dɛ́ di kwa ka tel kɛŋɔ haa berɛ kaa teera maa kpɔa mae la bini, dɛkalkɛ teera hen, teera binii he berɛ dɛɛ ba kaala.”

Job Tɔn 28:3

Nɛra kpɔ kandere jo dɛɛ kaa harɛ bini biro ta, ba kwiu dɛɛ la bojaŋ, dɛɛ nyin bwea ɡɛ kwaa nɔ aa lɔ a ta biro ta bela.

Yela 111:2

Waa Korowii aa dɛ ɛ dɔ nyokpoa, nɛra ba sie aa dɛ lɛ a ta kpɔa do ba liire ta dɛɛ lii saŋ bɛlbwa.

Sɛɡla 18:1

Nɛn waa wola nɛra baah jo la waane laa nomɛlbwa wa, o dɛ lɛ ɡaeh, waa nɛn waa lɛɛ dɛɛ do.

Sɛɡla 18:15

Wejerema dɔ liire kɛŋɔ baa dɛɛ hweli waa, baa cheɡ deŋnee dɛɛ no wa.

Sɛɡla 23:26

N bie, cheɡ deŋne kɛrɛdɛ, ásɛ dɛ kpɔ n da.

Sɛɡla 25:2

Ya kpɔ duure dɛɛ tɛ Korowii sɔeh waa kpɔ waane sɔh yaa, ɡɛɛ koranar ɡe dɔ duure pila baa pili waa dɛɛ nyiŋi a bini.

Sɛɡla 4:7

Wejema kan taeh, anomanta, hwelu. Waa mun noe ɡwaa komɛlbwa haa dɔa.

Wejereme 1:17

N siwi beɡrɔ n berɛ dɛɛ nyin ń jemɛ ɡɛ wejema ne ɡɛnewaa aa doa, dɛ na kɛ a bwa ɛ wepuu, dɛ do kɛŋɔ nɛn aa dɛ loo vii habɔɔ, dɛ ɡel o bini ken.

Wejereme 11:5

Haa wola luɡe peu aa dɛ kpɔ o ta jemɛ, kɛɛ ɡɛ nɛn aa dɛ kpeɡ o nya tea bini nɔ, ɡɛɛ haa wola won no Korowii we-ɛɛla waa mun.

Wejereme 12:12

N bie, nyiŋi kɛrɛdɛ dɛ bɛ wobɛlbwa kpɔ ja a ta. Tɔne chwera ta jaɡa dɔe, kwaa hwela kohona ɡelɔ nɛn ɛɛ ɡwɛɡre.

Wejereme 2:23

Toma waa dɛ ɛ o soɡa bini bwa ɛ weweele ne suna dii ɡbo. Hale jwaana bwa, dɛ o ta dɛ lii wa, waa wola won chɔ. A nɔ bwa ɡe ɛ wepuu.

Wejereme 2:26

Korowiirii dɛɛ tɛ nɛn o wa aa dɛ lɛ o sie wejema ne liire dɛ silɛɛ, kɛ wechɔɡ-ɛɛ te, o ɡelɔ wɛɛ ɛ toma dɛɛ boa o kondɔɔh nyoa cheɡ tɛ nɛn o wa aa dɛ lɛ Korowii sie. Anɔ bwa ɡe ɛ wepuu, dɛ do kɛŋɔ nɛn aa dɛ loo vii habɔɔ, dɛ ɡel o bini la ken.

Wejereme 3:10

N na wekpeɡa Korowii aa kpɔa ba dawɛ nɛwɛnyina nɛ.

Wejereme 3:11

O ɡelɔ komɛlbwa do wer o saŋ ta. O ɡelɔ ya jemɛ ya liire bini waa aa lole saŋ la, ne anɔ la aa chiɡ kerekere saŋ bɛlbwa dɛɛ la, kɛ yaa won no waa bwa Korowii aa ɛa le mumpar kaa a jaɡa mun.

Wejereme 4:4

Ate, n na kɛŋɔ toma nɛra aa dɛ ɛ dɛ́ dɔ kwaa bwa, le o dɔŋ bɛl komɛl waa dɔa, o na o siwi beɡre la ta. Anɔ ɡe ɛ wepuu, a do kɛŋɔ nɛn waa dɛ loo vii habɔɔ dɛ ɡel o bini la ken.

Wejereme 4:8

Dɛ baa bɛl ɡboo soɡa, o ta bibaa kɛɛ nime dɔe. Dɛ tɔpere bɛlbwaa wɛɛ koh, kɛ o siwi aa o kondɔɔh su. Ate, o bɔɔ ŋɔ, “Ume waa mɛɛ koh maa wola won lɛ n sie nɔɔ?” Anɔ ɡe ɛ wepuu, bosɔɔhna aa wola toole a ta.

Wejereme 7:25

Anomanta, n kpɔ n liire bwa do a ta, dɛ́ won jemɛ a mun, dɛ́ nyiŋi wejema ne ŋwɛnɛ aa cheɡɛ a ta waanee yon dɛɛ ɛ, dɛ́ na ɡɛnewaa aa lɔ nyubinikpeɡ ne ɡɛna ta.

Wejereme 8:9

N na a ɡɛ waa nɔ bwa, asɛ n lii waa baa dɛ ɛa harɛ nɔ ta bwa. Nɛra bane dɛ di kpeɡri, asɛ bane ɡe do ba lɔɡa ba bwara ɛɛ nyɛɡ.

1 Timoti 4:15

Swɛɛ siwi dɛ́ kpɔ he te tɛ ɡɛ waa nɔ dɛɛ ɛa, ásɛ nɛra bwa na ɡɛ he toma aa dɛ kaa kɛrɛdɛ.