Taetos 3:3 - mzwDBL

³ Ya ɡbabir fa ɡɛnɔ. Ya fa ɛ deŋnekpeɡ tena. Ba fa neɡre yaa, pɛlchɔɡa bwa soo siwi ne bodia kpɔ yaa berɛ yoma. Meesɔɔh ne bɔweela bwa nee ya faa so. Nɛra fa hah yaa, ya ɡe hah dɔŋa.

Taetos 3:3 Iomraidhean Croise

Mumpar 38:9

Dɛ Onan jemɔ kɛŋɔ a ɡɛ bii la aa won ɛ o kwa, anomanta, o ne haah la chɔɔ waa, o bane aa dɛ ba la, ɡɛɛ o ɡel a ba ta harɛ, ásɛ o bɛ won kpoŋe tea, dɛ́ lolɛ bii ba ɛ o dɔɔ kwa.

Mumpar 39:16

Haah la kpɔ yal la cheɡ, dɛ ka tel kɛŋɔ Pɔtefa aa bala.

Yela 36:2

Ba dɛ lii ba nyu bini kɛŋɔ ba ɛ nɛnjena nomanta, Korowii aa ba wechɔɡa baa dɛ ɛ la nae ba, dɛ́ pa ba bolchɔɡe.

Sɛɡla 8:5

He sie ta pilaa, hé hweli sipila wa. He ɡɛnaa, hé hweli wejemwa.

Sɛɡla 9:6

Hé le he sie bɛ pila la ta, dɛ́ dɔ he nyu. Hé teŋɛ wejema ŋwɛnɛ ta.

Aesaya 44:20

A ɛ wesale kɛŋɔ waa dɛ di tɔɔ ken. O neɡre o nyu dɛ nyoɡre ŋwɛnɛ. Waa won lɛ o te, á ba ɛ kɛŋɔ wɛɛ won jemɛ dɛ ŋɔ, “Kon maa kpoŋa ɛ nyosone kon.”

Obadia 1:3

He mbarafo neɡre heya. He soɡe bɔɔne bini bwejena dor, dɛ yon ŋɔ, ‘Umee dɛ́ won ba n ne harɛ nɔ?’

Matiu 21:29

‘Maa la,’ asɛ a habɔɔ la, o berɛ charɛ o liire dɛ ka ɛ toma koo la ta.

Amanesoma Luk Aa Chwera Tɔn 21:8

Anee Yeesu ŋɔ ba be ŋɔ, “Hé nyiŋi kɛrɛdɛ ásɛ nomɛlbwa bɛ heyaa neɡre. Nɛra pirim ɛɛ kpɔ n sɔnee ba dɛ́ ba ŋɔ banee men, dɛ́ ŋɔ tɔpere la telo. He bɛ ba nɛɛ teŋɛ.

Amanesoma Jɔn Aa Chwera Tɔn 8:34

Belaa Yeesu ŋɔ, “Kasinteŋ, n dɛ ŋɔ he be, nomɛlbwa waa dɛ ɛ wechɔɡa la ɛ yom. Wechɔɡa yawɔ yom.

Tɔn Pɔɔl Aa Chwerɛ Rom Tena 11:30

Gɛ he nɛra haa wola Juu tena ɛɛ fa aa wola Korowii waa ta teŋɛ, asɛ o koh kɛ Israel tena vɛh o waa ta teŋa, asɛ dɛ sune he nɛɛ la,

Tɔn Pɔɔl Aa Chwerɛ Rom Tena 6:12

A ta chɛ kɛŋɔ hé ɡel wechɔɡa ɛɛ di kpeɡri he nɛ, ásɛ hɛɛ ɛ he bwadabii waa wola lee do saŋ bɛlbwa nɔ tetoowa.

Tɔn Pɔɔl Aa Chwerɛ Rom Tena 6:17

Korowii jam! Wechɔɡa fa aa yawɛ heyaa yom, asɛ taraken nɔ he no o waa baa chaɡle heyaa dɛ kpɔ he te tɛo he bambile bwa ne nɔ,

Tɔn Pɔɔl Aa Chwerɛ Rom Tena 6:22

Kɛ taraken nɔ, Korowii le heyaa wechɔɡa ta. On dɔ heya. He tɔnɔ haa dɔa laanee kɛŋɔ he soɡa bini aa toɡra Korowii be. A taa aa ba cheɡa ásɛ he dɔ mkpa aa wola jaɡa dɔe.

Tɔn Pɔɔl Aa Chwerɛ Rom Tena 6:6

Ya jemɔ kɛŋɔ ya dobene la ne Yeesuu ba pɛ saɡɛ o daɡaɡre ta. Ya dobene la ne o wechɔɡa bwaa ba kpo, ásɛ o bɛ won di kpeɡri ya nɛɛ kpa, ásɛ wechɔɡa bɛ won yawɛ yaa yoma kpa.

2 Kɔrent 12:20

N dɛ ɔmɛ kɛ n balaa, ɡɛ maa dɛ nyin kɛ he do la, maa heyaa ɡɛɛ na, ɡɛ he ɡe aa dɛ nyin kɛ n do la, haa men ɡɛɛ na. N dɛ ɔmɛ kɛ mɛɛ ba na naɡra, ne bɔweela, ne bandisale, ne n ɡbo dɔ, ne dɔŋa chɛɡra, ne dɔŋa ŋwala, ne mbarafo dɛ wesaɡasaɡare ɛɛ he baahnee.

Galaasia 6:3

Dɛ nɛn ta nɛnjen ɛɛ dɛɛ lii o te nɛnjen aa, dɛ o dɛ neɡre o te.

Kolosi 1:21

He fa aa Korowii jemɛ dɛ ɛ o dɔma, dɛkalkɛŋɔ he fa dɛ lii liichɔɡa, dɛɛ ɛ wechɔɡa.

Kolosi 3:7

He ne ba bwaa fa lɔ a ta dɛɛ ɛ.

2 Timoti 3:13

Nɛnchɔɡa ne nɛra baa neɡre nɛra dɛɛ do wechɔɡa ta la ɡe ɛɛ kao saɡɛ wechɔɡa ɛɛ ta dɛɛ la, dɛɛ neɡre nɛra, ásɛ nɛra ɛɛ neɡre ba ɡe.

2 Timoti 3:6

Gɛ nɛra nɔ bini banee yon kpɔ ŋwɛnɛre ane ta dɛ́ sɔh jo deremi ta, ásɛ dɛɛ dɔ haahna ba wechɔɡa aa ɡwaa ba nɛɛ ba sie ɛɛ yal ba ba pɛlchɔɡa ta la, ba yon dɛɛ teŋɛ ba nɛ.

Taetos 1:16

Ba ŋɔ ba jemɛ Korowii, kɛ ba we-ɛɛla dɛ baɡle kɛŋɔ baa Korowii jemɛ. Ba we-ɛɛla doŋo Korowii be kohona, ba deŋne ɡe kpeɡri. Baa won ɛ wedɛɛɡe bɛlbwa bwa.

Taetos 2:12

Anomanta, ɡɛ dɛ baɡle kɛŋɔ a wer kɛ ya laa sie kpɔ wechɔɡa bɛlbwa ne harɛ nɔ ta pɛlchɔɡa la bwa ta, dɛ́ dɔ nfɛrɛ, dɛɛ ɛ waa aa toɡra, dɛɛ ɔmɛ Korowii ya bere nɔ ta,

Jems 1:26

Dɛ nomɛl dɛ lii kɛ o ɛ Korowii torome, dɛ o ta nyotɔɡbom dɔe yaa, o dɛ neɡre o nyu. Naate Korowii toma la ɛ pɛɛpɛɛ.

1 Pita 1:14

Haa ɛ Korowii bii dɛɛ no o deŋna waa nomanta, he bɛ he pɛlchɔɡa waa he fa aa lɔ biro ta dɛɛ teŋɛ a ta la dɛɛ ɛ.

Wepila 12:9

asɛ Korowii kpɔ kontuuɡi damanta waa ɛ harɛkon la yaa jemɛ o waa mumpar bwa, baa yerɔ Baradeɛre Te ne Bɔnsam, wɛɛ neɡre nɛra bwa baa nyoɡre la, ne o bala bwa ta harɛ.

Wepila 13:14

Waa cheɡɛ loɡle olchɔɡe la naa ta dɛɛ ɛ wejena la nomanta, o wono neɡre nɛra baa lɔ harɛ nɔ ta dɛ ŋɔ bá ma komɛl kɛŋɔ olchɔɡe la ba fa aa kpɔ kere doo bol o sewɛ dɛ ir la.

Wepila 18:2

O nyɛɡɔ kohona ŋɔ, “O paɡrɔ oo, o paɡrɔ! Babelɔnjen la paɡrɔ, dɛ berɛ kwaa aa dɛ ir nɛra nɛɛ ne Bɔnsam kwaa te bɛlbwa ne jumbisale baa kia la dobɔr,