Taetos 2:14 - mzwDBL

¹⁴ O koh ya waa dɛ sewɛ dɛ won lɛ yaa le wechɔɡa bɛlbwa ta, dɛ laa ya doŋa bwa kpɔ ya nɛ, dɛ kpɔ yaa ɛ o ɡbo nɛra yaa swɛɛ siwi wedɛɛɡa ɛɛ ta.

Taetos 2:14 Iomraidhean Croise

Mumpar 48:16

Korowii torome waa lee mɛ le n wenaale bwa ta la swee bii nɔ andɛɛɡa. Korowii ɡel n sɔn ne n mɛɛ Abraham ne Aesek sɔn teŋɛ ba nɛ. Korowii ɡel ba dɔ bii ne naanar kohona.”

Yela 130:8

Wɛɛ lɛ o nɛra Israel tenaa le ba wechɔɡa bwa ta.

Yela 135:4

O le Jekɔb luɡe tena, Israel tena baa ɛ o ɡbaɡba nɛra la tɛ o te.

Kaala 15:16

Ɔmee kohona ɛɛ chole ba nɛɛ, á che he kpeɡri ta bá ka che bobeŋkpoŋ kɛŋɔ bwe ken, dɛ́ ka tel kɛŋɔ he nɛra aa teŋe ba kaa mɔɔ. N Naa Korowii, nemenɛ he nɛra haa lɛɛ ba le Ijipt harɛ ta la teŋe ba kaa mɔɔ.

Ɛsekeɛl 36:25

Mɛɛ ɛ nedɛɛɡaa merɛ he nɛ, dɛ́ laa doŋa haa kaah la kpɔ he nɛ. Mɛɛ laa doŋa bɛlbwaa kpɔ he nɛ, dɛ́ le heyaa le voɡa toma ɡe ta.

Ɛsekeɛl 37:23

Baa voɡaa tomɛ, dɛɛ ɛ waa maa kia dɛ kah doŋa, kɛɛ dɛ ɛ wechɔɡa bɛlbwa kpa, dɛkalkɛ mɛɛ lɛɛ baa le wechɔɡa bwa aa ɡela ba le habɔɔ la taa, dɛ́ laa doŋa bɛlbwa kpɔ ba nɛ. Mɛɛ kpɔ baa ɛ n nɛra, n ɡe ɛ Korowii baa dɛɛ tom mɛ.

Lewi Dea Tena 25:41

Gɛ saŋ nɔɔ naate ne o bii ɛɛ ba ba lolanar be kaala, dɛ́ ka so ba kondɔɔh ta.

Malakae 3:3

Wɛɛ ba sɔ Lewi dea tena doŋaa ta kɛŋɔ ba yon mwɛɛ suuɡapoŋ ne suuɡaswɛm dɛ laa doŋa kpɔ a ta la ken. Gɛɛ Korowii ɛɛ ba nɛra ba wa aa toɡra dɔe, ásɛ ba kpɔ saraha kwaa aa wera baa tɛo,

Nɛra Kura 25:13

Ásɛ a chɔ le tɛ o ne o naanar baa ka ba bwa, kɛ bá ɛ sɔfore saŋ bɛlbwa dɛɛ la, dɛkalkɛŋɔ o ta nomɛlbwa toma sɛɛh ka ja men Korowii waa dɛ tom mɛ nɛ, dɛ́ soŋe Israel tena bwa wechɔɡa tɛɛ ba.”

Nɛra Kura 7:15

ne nabale beŋkpoŋ ne pebal beŋkpoŋ, dɛ pebale beŋkpoŋ aa di benanyoa bá kpɔ ɛ saraha baa dɛ fuah,

Matiu 1:21

Wɛɛ lolɛ bibaalee, ásɛ he pa o sɔn Yeesu, o munii kɛŋɔ Lɛɛ, dɛkalkɛŋɔ on dɛɛ ba bala dɛ́ ba lɛ o nɛra ba wechɔɡa ta.”

Matiu 20:28

Dɛ ŋɔ, “Men Nɛn Bie ta balɛ kɛ nɛ́ra tom mɛ. N te balɔ dɛ́ ba tomɛ nɛra, dɛ́ ɡarɛ kpɔ n nyu charɛ nɛndamanta mkpa.”

Matiu 3:12

O do kɛŋɔ paa waa cheɡɛ o pɛla ta, dɛ kpɔ o te dɛɛ ba mea pala. Wɛɛ palɛ a bwaa kɛrɛdɛ ken, ásɛ dɛ pa ka do dɔndɔŋ bini cheɡ. Kɛ a pɛɡa la te, wɛɛ kpɔ nii aa wola dime bwaa fuah.”

Amanesoma Jɔn Aa Chwera Tɔn 10:15

kɛŋɔ n Mɛɛ aa jem mɛ asɛ n ɡe jemɔ la. Dɛ seo kwaraa yaa, mɛɛ kpɔ n nyuu charɛ dɛ lɛa.

Amanesoma Jɔn Aa Chwera Tɔn 6:51

Menee kondikwaa aa le nyundua ba dɛ dɔ mkpa la. Nomɛlbwa waa di ɡɛ kondikwaa nɔ la ɛɛ dɔ mkpa aa wola jaɡa dɔe. Asɛ kondikwaa maa kpɔ tɛ nɛwɛnyini bwa bá di dɛ́ dɔ mkpa laanee n bo-ol.”

We-ɛɛla 15:14

Seemɔn Pita baɡle ɡɛ Korowii aa tɔ sie ɛ dɛ baɡle kɛ o dɛ nyin nɛra baa wola Juu tena ɛɛ la taeh. O baɡlɔ ŋɔ Korowii le ba bini bane ŋɔ ba ɛ o nɛra.

We-ɛɛla 15:9

O ta baɡlɛ kɛŋɔ ba korɔ ya korɛ. Baa yarada Yeesu waa la waa Korowii laa ba wechɔɡa kpɔ ba nɛ.

We-ɛɛla 20:28

Hɛ́ɛ nyiŋi he te kɛrɛdɛ, dɛɛ nyiŋi nɛra Korowii Domadɛɛɡe aa kpɔ ba do he nɔn ta ŋɔ hɛ́ɛ nyiŋi ba nɛɛ la kɛrɛdɛ. Korowii Bie ɡbaɡba chalee o kpɔ yawɛ o nɛra asɛ ba ɛ o kwa, anomanta, hɛ́ɛ nyiŋi ba nɛ.

We-ɛɛla 9:36

Dɛ haah bɛl lɔ Jopa dɛ ɛ asɔre te baa yerɔ Tabita. Grik tena ɡe dɛ yerɔ Dɔkas. Dɛ haah la dɛ ɛ wedɛɛɡa taeh dɛɛ cha nyaara.

Galaasia 1:4

Ya Dɔɔ ɛ N Naa Korowii tetoowa kɛŋɔ, waa koh ya wechɔɡa waa dɛ sewɛ, dɛ lɛ yaa le taraken nɛra baa dɔ liichɔɡa bini nɔ.

Galaasia 2:20

Baa kpaa Yeesu Kristo pɛl o daɡaɡre ta la, a kaa ɛ kɛ n ne onee sewa. Anomanta, n soɡa nɔ maa soɡa nɔ, n ɡbaɡba laa dɛɛ hwee nɔ. Korowii Bie Yeesu Kristoo soɡe n nɛɛ dɛɛ hwee la. N hweera nɔ maa dɛ hwee nɔ, yarada maa yaradao la, anee ɡela n do le la. Korowii Bie nɔ nyin mɛ kohona dɛ kpɔ o hweera charɛ n nyu.

Galaasia 3:13

Yeesu Kristo lɛ nyotaahna aa lɔ Mosis Mmara la ta bɛ won teŋa la dawɛ o nɛɛ dɛ lɛ yaa le a ta. Korowii Tɔn baɡlɔ ŋɔ, “Nomɛlbwa baa saɡɔ daa ta la, Korowii nyotaahna lɔ o nɛ.”

Ɛfesos 1:11

Ya ne Yeesu Kristo aa baa ɛ beŋkpoŋ la waa o le yaa tɛ o te. Korowii o yon dɛɛ cheɡ ɡɛ wobɛlbwa aa dɛ ba ɛɛ asɛ a yon ɛ ɡɛ waa dɛ nyin la, on fela le yaa tɛ o te

Ɛfesos 2:10

Korowiirii ta ya bwa. Waa ta yaa la, wedɛɛɡa ɛɛ waa o ta yaa ásɛ ya che Yeesu Kristo kpeɡri ta dɛɛ ɛa. O tɔ sie cheɡ yaa kɛ ya baa ɛ wedɛɛɡa.

Ɛfesos 5:2

A wer kɛŋɔ he so dɔŋa nyina ne kɛŋɔ Yeesu Kristo aa nyin yaa dɛ sewɛ lɛ yaa a ɛ sarahadɛɛɡe dɛ tɛ Korowii la.

Mmarare 14:2

He ɛ Korowii nɛra dɛ do ɡoroŋ, onee le heyaa le harɛ nɔ nɛra bwa bini dɛ kpɔ heyaa ɛ o ɡbaɡba nɛra he wa ɛɛ su o siwi.

Mmarare 26:18

Fini Korowii sɛoh kɛŋɔ o ɡbaɡba nɛraa heya he waa ɛɛ su o siwi, ɡɛ waa baɡɛ heyaa nyoa wubwa la, dɛ ŋɔ hé teŋɛ o waa waa do heyaa a ta,

Mmarare 4:20

He te la, Korowiirii kpɔ heyaa le Ijipt harɛ bela waa do wɔrɔbe he nɛɛ kɛŋɔ bela loɡre aa dɛ do buni wɛɛ be la, dɛ ŋɔ hé ba ɛ o ɡbaɡba nɛra ba le fini la.

Mmarare 7:6

Dɛkalkɛŋɔ he do ɡoroŋ dɛ tɛ Korowii haa dɛ tomɔ. Onee le heyaa cheɡ tɛ o te le harɛre nɛra bwa bini, dɛ kpɔ heyaa ɛ o nɛra he waa ɛɛ su o siwi.

1 Timoti 1:15

Waa nɔ ɛ kasinteŋ aa chɛ kɛŋɔ hé lɛa kɛŋɔ wechɔɡ-ɛɛra waa Yeesu Kristo koh ba harɛ nɔ ta dɛ ba lɛɛ ba. N wechɔɡaa kana ɡwaa nomɛlbwa kwa.

1 Timoti 2:10

Kɛ báa ɛ wedɛɛɡa kɛ haahna baa dɛ tomɛ Korowii. Ba wedɛɛɡa ɛɛ laanee dɛ́ ɡel ba do wer toli.

1 Timoti 2:6

waa kpɔ o te tɛ kɛŋɔ ba kpɔɔ charɛ nɛra bwa nyu la. Gɛ saŋ aa chɛ kɛŋɔ waa nɔ maɡre la taa a den chiɡ la. O ɛ ɡɛ a ɛ danseɛ dɛ chɔ le saŋ bɛlbwa.

1 Timoti 6:18

Ŋɔ ba be báa ɛ wedɛɛɡa, ásɛ wedɛɛɡa berɛ ba kondɔɔh, bá won ba tea tae dɛɛ kɛ nɛra bwa kwa.

Taetos 2:7

Henee chɛ kɛ he ɡel he we-ɛɛla do wer wobɛlbwa ta, ásɛ ba nyiŋi dɛɛ hweli. Dɛɛ baɡle waa kasinteŋ ne, dɛɛ swɛɛ siwi a ta.

Taetos 3:8

Waa nɔ bwa ɛ kpela. Anomanta, dɛɛ berɛ a baɡla ɔma, ásɛ nɛra baa no Korowii waa dɛ yarada la swɛɛ siwi dɛɛ ɛ wedɛɛɡa. Gɛɛ wera dɛ dɔ tɔnɔ tɛ nomɛlbwa.

Hibru 1:3

He na o jirima waa dɔa aa, dɛ he na jirima Korowii aa dɔa. Gɛ Korowii aa doa o ɡe den do kati. O wobol dɔ kpeɡri. A kpeɡrii lawɛ komɛlbwa kpoŋe. Korowii Bie la aa laa ya wechɔɡa kpɔ ya nɛɛ tonɛ la, o kaa so nomombɔr nyundua Nemenɛ Korowii diɡ ta,

Hibru 10:24

Hé ɡel ya lii ɡɛ yaa ɛ, dɛ́ won dɛɛ do dɔŋa ɡbemba, ne dɔŋa nyina ne wedɛɛɡa ɛɛ ta,

Hibru 9:14

ɛrɛɛ a ɛ Yeesu Kristo chal aa wola won laa ya doŋa kpɔ ya nɛɛ kohona nɔ? Korowii Domadɛɛɡe waa lole saŋ bɛlbwa aa wola jaɡa dɔe la, on cha Yeesu Kristo o won kpɔ o te kɛŋɔ konaate waa wola kirihiah bɛlbwa dii dɛ ɛ saraha dɛ tɛ Korowii. Yeesu chal ɛɛ laa ya wechɔɡa aa dɛ kaa ya ne seo ta la bwaa kpɔ ya nɛɛ ásɛ ya tea to, ásɛ a waa bɛ yaa hiah kpa, ásɛ ya won tomɛ Korowii waa lole saŋ bɛlbwa la.

Jems 4:8

Hé suuh tel Korowii, ásɛ o suuh ba he be. Wechɔɡ-ɛɛra, hé charɛ he liire dɛ́ le he wechɔɡa ta. He banɔ la he liire aa ɛ anɛnɛ la, hé laa doŋa kpɔ he nɛ.

1 Pita 1:18

He jemɔ kɛŋɔ Korowii aa lɛ heyaa le he naawa wesale he fa aa lɔ a ta la ta la, harɛ bonɔ kwaa aa dɛ chɔɡ kɛŋɔ suuɡapoŋ kɛɛ suuɡaswɛm ne laa o yawɛ heya.

1 Pita 1:22

Taraken nɔ haa sɛh kasinteŋ la ta teŋa, asɛ a che a ta he doŋa le he nɛɛ hɛɛ nyin dɔŋa kɛrɛdɛ nɔ, hé den dɛɛ nyin dɔŋa kohona bambile bwa ne,

1 Pita 2:12

Haa lɔ nɛra baa wola Korowii tomɛ baah nɔ, hé ɡel he wobɛlbwa toɡre, ásɛ dɛ ba dɛ bol he waa ŋɔ he ɛ wechɔɡ-ɛɛra aa, a habɔɔ la, bá na he we-ɛɛla kɛŋɔ a wer, dɛ kpɔ jam tɛ Korowii awola waa ba ya ne o na dɔŋa la.

1 Pita 2:9

Kɛ he te la, Korowiirii le heya. O Kora sɔforee heya. He do ɡoroŋ. He ɛ o nɛra waa le heyaa ŋɔ hɛ́ɛ bol o nyokpowaa waa ɛa. On le he ne biro ta dɛ ba he ne o bochaah waa wera kohona la ta.

1 Pita 3:18

Yeesu Kristo ɡbaɡba sewɔ tɛ heyaa dɛ bɔ wechɔɡa kem. Kerabeŋkpoŋii o sewɛ, waa wola berɛ sewɛ kpa. O ta wechɔɡa ɛɛ bwa, kɛ o sewɔ tɛ wechɔɡ-ɛɛra. Gɛ waa ɛ ya ne Korowii pɛ waa o ɛ ɡɛ. Baa kpoo la, o bwadabii sewa, kɛ o lileo te dɔ mkpafale.

1 Jɔn 1:7

Korowii waa aa chaahna la, dɛ ya dɛ ɛ ya waa bwa a chaah kɛ on aa, dɛ ya ne yabala pɛo dɛ ɛ beŋkpoŋ. Dɛ Korowii Bie Yeesu chal la laa ya wechɔɡa bɛlbwa dɛɛ kpɔ ya nɛ.

1 Jɔn 1:9

Dɛ ya bol ya wechɔɡa baɡle Korowii aa, o ɛ nɛndɛɛɡe dɛ ɛ kasinteŋ te dɛɛ teŋɛ o nyobaɡa ta. Wɛɛ kpɔɔ kɛ yaa, dɛ́ laa doŋa bwa kpɔ ya nɛ.

1 Jɔn 3:2

Yabala, taraken ya ɛ Korowii bii. Yaa jemɛ kɛrɛdɛ ɡɛ yaa dɛ ba doe. Kɛ ya jemɔ kɛŋɔ awola Yeesu Kristo aa forɛ le nɛra nao la, ɡɛ waa doa la, ɡɛɛ ya ɡe ɛɛ ba doe, dɛkalkɛ yaa nao dɛ́ na ɡɛ waa doa.

Wepila 1:5

ne Yeesu Kristo waa ɛ kasinteŋ te dɛ che tɛ Korowii, dɛ sewɛ, dɛ tɔ nɛra bwa sie ir seo ta, dɛ ɛ koranar baa lɔ harɛ nɔ ta bwa nomoa la, ó cha heya, dɛ́ tɛ heyaa bosɔɔhna. Hɛ́ɛ tɛ naate waa dɛ nyin yaa, dɛ sewɛ, dɛ kpɔ o chal lɛ yaa, a le yaa wechɔɡa ta la sɔn.

Wepila 5:9

Ba ɡo yelfale bɛl ŋɔ, “He chɛ tɔn la kpɔe dɛ́ swe o nyoa kwaa la, dɛkalkɛŋɔ ba fa kpoe, asɛ he kpɔ he chal yawɛ nɛra tɛ Korowii dɛ le wobol te bɛlbwa nɛra baa lɔ harɛ nɔ ta bobɛlbwa,