Taetos 2:13 - mzwDBL

¹³ dɛɛ kpa ɡɛ saŋ Yeesu Kristo aa ba o jirima ne ya nao la. Onee Korowijen ne ya Lɛɛ la. O bala taa ya dɔ hwɛɡa ne silɛɛ kɛrɛdɛ.

Taetos 2:13 Iomraidhean Croise

Aesaya 25:9

A ba ɡɛ naa, baa boloo ŋɔ, “Kasinteŋ, Korowii yaa dɛ tomɔ laanee la. Korowii yaa hwɛɡɛ o nɛɛ laanee la, o lɛ yaa. Hé ɡel ya hɛɡre ya sie lɛ, lɛɛ waa lɛ yaa la wa.”

Matiu 16:27

Men Nɛn Bie nɔ ɛɛ kpɔ n Mɛɛ jirima laanee, n ne n nyundua toroma le nyundua ba, dɛ́ ba bɔ nomɛlbwa kem ɡɛ o toma aa doa.

Matiu 25:31

Yeesu berɔ ŋɔ, “Dɛ Men Nɛn Bie la balɔ jirima ne, nyundua toroma la ja n nɛ aa, mɛɛ ba so n kookara taa,

Matiu 26:64

Anee Yeesu chaŋo ŋɔ, “Anee he bol la. Kɛ n berɔ dɛɛ ŋɔ he bwa be ŋɔ, tɔpebɛl hɛɛ ba na Men Nɛn Bie laanee kɛŋɔ maa soɡe Korowii Waa Ɛ Kpeɡnɛn la diɡ ta, ásɛ dɛ na ɡɛ n ne baama aa le nyundua dɛɛ ba!”

Amanesoma Mak Aa Chwera Tɔn 14:62

Asɛ Yeesu ŋɔ, “Menee, hɛɛ ba na Men Nɛn Bie laanee kɛŋɔ maa soɡe Korowii Waa Ɛ Kpeɡnɛn la diɡ ta, ásɛ dɛ na ɡɛ n ne baama aa le nyundua dɛɛ ba!”

Amanesoma Mak Aa Chwera Tɔn 8:38

Wechɔɡ-ɛɛra ɡbo baa wola Korowii ɔmɛ nɔ, baa ba nyuu dɔ n bala tɔpere. Naate sihiih aa dɛ kpoe n ne waa nɔ taraken nɔ la, awola Men Nɛn Bie ne nyundua toromedɛɛɡa la aa ba n Mɛɛ jirima ne la, maa he heehra ba awola tɔpere.”

We-ɛɛla 24:15

N dɛ hwɛɡɛ kɛŋɔ nɛndɛɛɡa ne nɛnchɔɡa bwa ɛɛ berɔɔ ir seo ta. Nɛra nɔ ɡba dɔ ɡɛ hwɛɡa nɔ.

Tɔn Pɔɔl Aa Chwerɛ Rom Tena 15:13

Korowii waa ɡela ya dɔ hwɛɡa Yeesu nɛɛ la, ó tɛ heyaa silɛɛ ne bansɔɔhna he yarada haa dɛ yarada Korowii la ta, ásɛ Korowii Domadɛɛɡe ɡe cha heyaa, ásɛ he won dɛɛ hwɛɡɛ Yeesu nɛɛ kohona.

Tɔn Pɔɔl Aa Chwerɛ Rom Tena 5:5

Hwɛɡa yaa dɔa nɔ, aa pɛɛ ɛ, dɛkalkɛŋɔ Korowii tɛ yaa o Domadɛɛɡe la ásɛ ya jemɛ o nyina waa dɛ nyin yaa kohona.

Tɔn Pɔɔl Aa Chwerɛ Rom Tena 8:18

Wahala nɔ yaa dɛ na taraken nɔ, he nyiŋi som yaa dɛ ba nae kerekere la aa, a ta wahala ɛɛ kwaraa.

1 Kɔrent 1:7

Anomanta, taraken haa kpɔ hwɛɡa dɛɛ kpa ya Dɔɔ Yeesu Kristo bala nɔ, wobɛlbwa kpeɡri ta heyaa nyae le Korowii be.

2 Kɔrent 4:4

Bɔnsam baa dɛ maŋkurao harɛ nɔ ta kɛŋɔ Korowii la, o chɔɡ nɛra baa wola Yeesu yarada la liire. Waa nyin kɛŋɔ Amanesoma nii aa le Yeesu Kristo o wa aa dɔ jirima kohona be la chaah ba. Yeesu do ɡɛ Korowii aa doa.

2 Kɔrent 4:6

Korowii waa pere bochaah le biro ta, dɛ ɡel bɔr chaah la, onee ɡela o nii chaah ya bambile ne ya sie, asɛ ya won jemɛ ɡɛ o jirima yaa naa Yeesu Kristo be la aa doa.

Kolosi 1:23

Dɛ he ta kpoŋe waa haa dɛ yaradaa la bini, he ta habɔɔ leɛ, dɛ dɔ hwɛɡa le Amanesoma la baa bola baɡle heyaa he no la ta kɛŋɔ nomɛlbwa aa won chɔɡ he liire he bɛ dɛɛ hwɛɡɛ kpa aa, amɔ hɛɛ wonoo che o sie. Ba dɛ bol Amanesoma nɔ bobɛlbwa. N ɡbabir dɛ bola, dɛkalkɛŋɔ Korowiirii lee mɛ.

Kolosi 1:27

bá na dɛ́ jemɛ ɡɛ waa dɛ nyin kɛ ó ɛ nɛra baa wola Juu tena ɛɛ la baah. O waa waa pili a bini la ɛ wedɛɛɡa aa ɛ wejena dɛɛ kpo nyoa. Anee kɛ Yeesu Kristo Doma soɡe he nɛ, he dɔ hwɛɡa o be kɛ tɔpebɛl hɛɛ dɔ jirima o bee.

Kolosi 1:5

Amanesoma aa ɛ kasinteŋ la aa ba he be loɡla la, he no hwɛɡa aa dɛ tɛ la wa. He yarada ne nɛnnyin la le kwaa haa dɛ hwɛɡɛ a ta la ta. Korowii ɡe kwaa a bwa cheɡ heyaa Korowii doa kɛrɛdɛ ken.

Kolosi 3:4

Awola Yeesu Kristo he mkpa aa lɔ o be aa ba harɛ ta la, he ne o bwa ɛɛ pɛo dɛ ba ɡɛ saŋ, dɛ ba dɔ jirima o bala la ta.

2 Tesalonika 2:16

Ya Dɔɔ Yeesu Kristo ɡbaɡba ne N Naa Korowii waa ɛ ya Mɛɛ dɛɛ nyin yaa kɛrɛdɛ dɛ sune ya nɛɛ dɛ cha yaa, dɛ tɛ yaa hwɛɡa aa wera ne ɡbemba aa wola tonɛ bwa la,

2 Tesalonika 2:8

Dɛ kon waa tɔa ŋwɛnɛ la baa le aa, belaa Wechɔɡa Te la ɛɛ ba bochaah lee nɛra jemɔ. Kɛ ya Dɔɔ Yeesu Kristo bala jirima ne o nyoa peu ɡbo kwara ɛɛ won kpoo buɡ ta.

1 Timoti 1:1

Men Pɔɔl maa ɛ Yeesu Kristo torome laanee chwerɛ tɔn nɔ. Korowii waa ɛ ya Lɛɛ ne Yeesu Kristo yaa dɛ hwɛɡɛ o nɛɛ laanee do mɛ ŋɔ mɛ́ɛ bol o waa nɔ.

2 Timoti 1:2

N bidɛɛɡe Timoti, n dɛ nae. Ń Naa Korowii ne ya Dɔɔ Yeesu Kristo chae, dɛ́ na he sum, dɛ́ tɛɛ bosɔɔhna.

2 Timoti 4:1

N cheɡɛ N Naa Korowii ne Yeesu Kristo waa dɛ ba ba bol weera ne lala waa dɛ́ pa bole la sie, dɛ koh kora waa dɛ ba ba di la waa dɛɛ ŋɔ he be sibeɡra ne ŋɔ,

2 Timoti 4:8

Kon waa ka mɛ taraken laanee kompoŋ Korowii aa dɛ́ ba nɛndɛɛɡa baa yoa le, ba waa su o siwi la vɔwa. N Dɔɔ waa kpɔ kasinteŋ bol waa dɛɛ pa bole laanee dɛɛ ba n tɛɛ, awola waa ba bol nɛra bwa waa dɛ́ pa bole la. N ɡbo laa dɛɛ ba ɡɛ kembɔr la dɔe. Nɛra baa dɛ pɛlɛ o nɛɛ dɛɛ nyiŋu ŋwɛnɛ la bwa ɛɛ dɔɔ.

Taetos 1:2

Korowii mkpa aa wola jaɡa dɔe la hwɛɡaa n dɔ. Korowii waa wola nyosone teŋe laanee baɡɛ ɡɛ mkpa nɔ nyoa bil mɔɔ dɛ ta komɛlbwa.

Taetos 1:4

N bie Taetos, henee n chwerɛ tɔn nɔ dɛɛ tɛ. Waa ya bwa aa dɛ yarada la taa a che he ɛ n bie tenten. Ń Naa Korowii ne ya Lɛɛ Yeesu Kristo chae dɛ́ tɛɛ bosɔɔhna.

Taetos 3:4

Kɛ ya Lɛɛ Korowii aa le chae waa cha yaa la ne o nyina waa dɛ nyin nɛn asɛ ya jemɛ a waa la,

Hibru 9:28

Gɛɛ ba kpɔ Yeesu Kristo ɡe ɛ saraha kerabeŋkpoŋ, ásɛ o che nɛndamanta wechɔɡa. Wɛɛ berɔɔ ba nɛɛtena ja. Wechɔɡa waa laa wɛɛ ba bala name te. Nɛra baa dɛ kpao siswɛm ne laanee wɛɛ ba ba lɛ.

1 Pita 1:3

Hé ɡel ya kpɛɛ Ya Dɔɔ Yeesu Kristo Mɛɛ Korowii. Waa dɛ sune ya nɛɛ kohona nomanta, o cheɡɛ ira waa ir Yeesu Kristo seo ta la ta dɛ ɡel ya ɛ nɛnfala. Anɔ ɡelɔ ya dɔ hwɛɡa aa wola jaɡa dɔe bwa.

1 Pita 1:7

A bwa dɛ baɡle kɛŋɔ he yarada la ɛ yarada kasinteŋ. Suuɡaswɛm kwaraa nɔ, nii nee baa jemɛ a kasinteŋ, kɛ a dɛ chɔɡ. He yarada la ɡwaa suuɡaswɛm, anomanta, a chɛ kɛ ba daah heyaa na ásɛ he won che kiŋkiŋ. Belaa baa ba heyaa kpɛɛra, ásɛ he dɔ jirima, dɛ́ dɔ sɔn awola Yeesu Kristo aa ba ya nao la.

2 Pita 1:1

Men Seemɔn Pita maa ɛ Yeesu Kristo bonɔɔ dɛ ɛ o torome la, men chwerɛ tɔn nɔ dɛɛ tɛ he nɛra haa dɛ yarada Yeesu Kristo waa ɛ ya Korowii ne ya Lɛɛ la. O wa aa toɡra nomanta, o tɛ heyaa ya yarada waa wera nɔ dɔŋ.

2 Pita 3:18

Kɛ hé swɛɛ siwi ásɛ ya Dɔɔ waa ɛ ya Lɛɛ Yeesu Kristo suna waa sune he nɛɛ dɛɛ cha heyaa la ɛɛ ja kohona. Hé swɛɛ siwi dɛɛ dɔ wejema o waa ta kohona. Hé ɡel ya tɛo jirima taraken ne saŋ bɛlbwa. Aamen.

1 Jɔn 4:14

Ya na o Bie la dɛ di danseɛ kɛŋɔ Korowiirii ɡela o ba harɛ nɔ ta dɛ ba ɛ nɛwɛnyini Lɛɛ.

Tɔn Jud Aa Chwera 1:21

Korowii dɛ nyin heya, anomanta, hɛ́ɛ pɛlo, dɛ́ɛ kpa ya Dɔɔ Yeesu Kristo waa dɛ sune nɛra nɛɛ la, ásɛ o tɛ heyaa mkpa aa wola jaɡa dɔe.

Wepila 1:7

Hɛ́ɛ no! Wɛɛ bao. Baama taa o che dɛɛ ba bala. Nomɛlbwa ɛɛ na o balaa. Nɛra ba fa aa yaɡɔ dɛ kpoo la, ba ɡba ɛɛ nao. Harɛ nɔ ta nɛra bwa ɛɛ nao, dɛ́ koh o bala waa dɛ ba la waa dɛ́ wi. Aa ba ɡɛɛ. Aamen.