Taetos 1:5 - mzwDBL

⁵ N ɡele Kret harɛ ásɛ he tonɛ waa aa hiah kɛ he ɛ la bwa, dɛ́ cheɡ nomonome asɔrere aa lɔ bwɛɛre la bɛlbwa ta ɡɛ maa baɡle la.

Taetos 1:5 Iomraidhean Croise

1 Webena 6:32

Dɛ banee dɛɛ nyiŋi, baa ɡo yela Korowii Tɛnte Dea, waa ɛ o Dea Cheremibɔr bela, mɔɔ Kooro Solomɔn ba do Korowii Dea Jerusalam la. Ba ɛ ba toma ɡɛ baa lea cheɡ ba ŋɔ ba ɛa ta.

Wejereme 12:9

Wejereme la aa dɔ wejema nomanta, o baɡle bane ɡe ba dɔ wejema. O hweli wobosɛɡla, dɛ na a bini kasinteŋ kɛrɛdɛ ken.

Aesaya 44:7

Umee do kɛŋɔ men ɔ? Ó bol. Naate ɡel n jemɛ ɡɛ aa ɛa n ne o ɛ kɛrɛdɛ. Ó baɡle waa aa chiɡa le ɡɛ saŋ maa ta saŋ la tena, ne waa a taa dɛ ba bala kerekere.

Lewi Dea Tena 14:42

Ásɛ dɛ kpɔ bwefala ba su anɔ la baa cheɡa ka ta la naa ta, dɛ́ kpɔ tefala kwaa maa o bwa.

We-ɛɛla 11:30

Ba ta a ɡɛ suuɡa la, dɛ kpɔ tɛ Banabas ne Sɔɔl ba ka tɛ Juda harɛ asɔre tena la nomonome.

We-ɛɛla 14:23

Bwɛɛre nɔ bɛlbwa ta asɔre tena aa lole la, Pɔɔl ne Banabas le ba bini bane ba ɛ ba nomonome. Nyoa vɔwa ne Korowii soŋa nee ba yon kpɔ nomoa la do Korowii baa kpɔ ba yarada bwa do o nɛɛ la nɔn ta.

We-ɛɛla 2:11

Ba lolɛ ya bane Juu tena harɛ, bane ɡe ɛ hɔɔhra, kɛ ya bwa ɡe dɛ tomɛ Korowii ɡɛ Juu tena aa dɛ tomɔ la. Ya bane ɡe le Kret ne Arab harɛre ta. Kɛ ya bwa dɛ no kɛŋɔ baa dɛ bol waa ya ɡbaɡba wobol ta dɛɛ baɡle wejena Korowii aa ɛa!”

We-ɛɛla 27:12

Leebɔdɛɛɡe leebɔɔ bela aa were ne stiimae la cheɡa peujena la saŋ. Ba ŋɔ stiimae leebɔdɛɛɡe lɔ Kret harɛ bwɛɛ bɛl baa dɛ yerɔ Finiks la ta, anomanta, ba kɛrɛdɛ ŋɔ bá takapɔ so stiimae la bini tama tama dɛɛ la bela dɛ́ ka so bela, ásɛ peujena la saŋ kaa mɔɔ. Dɛ Finiks leebɔɔ la chɔɔ kɛ korobifale ɡuri aa do ɡɛ la, asɛ o harɛ la nyoa bɛl sie chaɡɛ wee cholibɔr diɡ pera, asɛ bɛl ɡe chaɡɛ wee cholibɔr ɡal pera.

We-ɛɛla 27:13

A ta biɡre dɛ peujeɡa bɛl tao le weekaŋle harɛbɔr dɛɛ ba, asɛ ba lii kɛ baa wonoo kaa ɡɛ ba fe aa liira wubwa la. Ba laa ba stiimae la buni baa kpɔa do nee bini dɛ ɡel stiimae la ɛɛ che la kpɔ dɛ fɛrɛ Kret harɛ dɛɛ kaa.

We-ɛɛla 27:21

Baa lɔ ɡbera la bini biɡri baa wola kondikwaa dii la, Pɔɔl iro che dɛ ŋɔ ba be ŋɔ, “Yabala, maa ŋɔa ya bɛ Kret le la, a chɛ kɛ he fe no n kon ta. Laala aa chɔɡa ne anɔ la haa paa ta nɔ, a fe ta ɡɛ balɛ.

We-ɛɛla 27:7

Ya kaalɔ tama tama ken tɔpera anɛ, mɔɔ dɛ ta ba tel Kenaedes, dɛkalkɛ dɛ peu aa yaa ŋwɛnɛ tɛ. Peu la aa wola ŋwɛnɛ tɛ la, ya pa sie Kret ne Salmone a bwa aa ɛ ekwie la baah ta, dɛ fɛrɛ Kret baŋ bela peu la aa wola bela te ta la dɛɛ kaa.

1 Kɔrent 11:34

Dɛ lɔr dɛ kpo bɛl aa, ó di kwaa dem mɔɔ dɛ ba. He bɛ ya Dɔɔ kwaa la di ɡɛ aa wola chɛɛ kɛŋɔ he dia. Gɛ laa, Korowii baah ɛɛ di he nɛɛ. Anɔ la aa kaa la, n balaa, mɛɛ baɡle heyaa.

1 Kɔrent 14:40

Hɛ́ɛ ɛ wobɛlbwa ŋwɛnɛ aa maɡra ta dɛ bɛ wesaɡasaɡare dɛɛ ɛ.

1 Kɔrent 4:17

A waa ɡela n tomɛ Timoti he be la. O ɛ n bie maa dɛ nyinu, wɛɛ no n deŋna waa Yeesu Kristo toma nɔ ta. Wɛɛ lii heyaa ɡɛ maa dɛ teŋɛ Yeesu Kristo waa la ta. Gɛ maa dɛ baɡle asɔrere ta bobɛlbwa laanee wɛɛ ba heyaa liira.

Kolosi 2:5

N toole he be, kɛ n liire te lɔ he be. Anomanta, a do n som kɛ he bwa aa pɛa, asɛ dɛ lawɛ yaradae haa dɛ yarada Yeesu Kristo la bini kpoŋe kiŋkiŋ la.

1 Timoti 1:3

Waa maa ba dɛ kaa Makidoonia harɛ ta dɛ ŋɔ he be la, a taa n ta do. N ŋɔ hé so Ɛfesos dɛ kah nɛra baa teŋe nyosone dɛɛ tɛ nɛra ŋɔ Korowii Waa baa chaɡle la ŋɔ bá ɡel ɡɛ waa la, dɛ bɛ Korowii waa la sie berɛ.

2 Timoti 2:2

Waa la nɛra aa chema warɛ asɛ n bol he be la, bola baɡle nɛra ba wa aa dɔ kasinteŋ dɛ jemɛ kɛ ba ɡe ɛɛ wonoo kpɔ bol baɡle nɛra bane ɡe la.

Taetos 1:12

Kret tena la bɛl baa dɛ liiru kɛŋɔ o jemɛ wobol kɛrɛdɛ fa bolɔ ŋɔ, “Ya Kret tena bwa ɛ nyosonteŋna, ya we-ɛɛla do kɛŋɔ kpɔɡ bini ola ken. Ya ɛ bɔhwaahra dɛɛ di kwaa kohona.”