Taetos 1:3 - mzwDBL

³ Tɔpere o tea aa toora la, o ɡelɔ mɛɛ bol a waa nɛra jemɛ. Ya Lɛɛ Korowiirii kpɔa do n nɔn ta dɛ ŋɔ mɛ́ɛ baɡle nɛra.

Taetos 1:3 Iomraidhean Croise

Aesaya 12:2

Kasinteŋ, Korowiirii n Lɛɛ. Mɛɛ dɛɛ yaradao dɛ bɛ dɛɛ ɔmɛ. Korowii bee n bokpeɡa do, n yel maa ɡo bwa ɡee kɛŋɔ Korowii. Onee n Lɛɛ.”

Aesaya 45:15

Korowii Israel tena aa dɛ tomɔ wɛɛ lɛɛ ba la, o ɛ Korowii waa kpɔ o te dɛɛ sɔh.

Aesaya 45:21

Hé cheme, dɛ́ bol he waa kɔɔto, ásɛ nɛra baa kpɔ waa daɡ ba la le jina dɛ́ kpɔ liire. Umee bol waa aa chiɡa taraken nɔ bil wubwa nɔ? Umee le saŋ la bwa dɛ bola ɔ? Men Korowii maa ɛ he Lɛɛ la laa aa? Dɔɔ bɛlbwa toole.

Daneɛl 11:27

Gɛ koranar banɛ baa dɔ liichɔɡa tɛ dɔŋa nɔ ɛɛ pɛo so tiɡ ta dɛɛ neɡre dɔŋa, kɛ aa tɔnɔ bɛlbwaa dɔ tɛɛ ba, dɛkalkɛ saŋ baa lea cheɡ la ta dɛ ba.

Daneɛl 8:23

Koranar banaarɛ kora dii la aa dɛɛ ba a jaɡa la, baa ɛ deŋnekpeɡ kohonaa dɛ́ chɛ deŋnetɛra. Ásɛ kooro o nyu bini aa kpeɡa dɛɛ neɡre nɛra ba.

Daneɛl 9:24

Korowii do bene fifraanuanɛ bele anuanɛ cheɡ kɛŋɔ he nɛra ne bwɛjen Jerusalam ɡel wechɔɡa ɛɛ. Baa kpɔ wechɔɡa bɛlbwaa kɛ, ásɛ waa aa toɡra do le saŋ bɛlbwa dɛɛ la. Gɛ aa ɛ ásɛ wepila ne Korowii waa aa dɛ ba bala ɛ kpela, ásɛ ba berɛ kpɔ Korowii Dea la do o nɔn ta.

Habakuk 2:3

Tɔpere bɛl ta dɛ ba ásɛ waa maa pili a bini baɡle la tel. A dɛ baɡle ɡɛ waa bwa jaɡa saŋ aa dɛ ba doe. A ɛ kasinteŋ. Hale a biɡro kwaraa naa, hé so kpaa. Kasinteŋ, aa bao. Aa biɡri bɛlbwa.

Amanesoma Mak Aa Chwera Tɔn 1:15

O bolɔ ŋɔ, “Tɔpere la telo! Korowii Kora pu heyaa tonɛ! Hé charɛ he liire dɛ́ le he wechɔɡa ta, ásɛ dɛ yarada Amanesoma nɔ!”

Amanesoma Mak Aa Chwera Tɔn 13:10

Baa bol Amanesoma laanee baɡle nɛwɛnyina bwa mɔɔ wobɛlbwa jaɡa la ba.

Amanesoma Mak Aa Chwera Tɔn 16:15

Yeesu ŋɔ ba be ŋɔ, “Hé kaa harɛ ta bobɛlbwa dɛ́ ka bol Amanesoma la baɡle nɛwɛnyina bwa.

Amanesoma Luk Aa Chwera Tɔn 1:47

N sie lɛ Korowii waa ɛ n Lɛɛ la nɛ.

We-ɛɛla 10:36

He jemɛ waa waa ŋɔa bá ka bol Israel tena be dɛ baɡle Yeesu Amanesoma aa dɛ tɛ bosɔɔhna la. Yeesuu komɛlbwa Dɔɔ.

We-ɛɛla 17:26

Nɛmbeŋkpoŋii o ta, asɛ a ɡɛ nɛn la lolɛ harɛ bɛlbwa nɛra, asɛ ba ya perɛ harɛ bwa. Waa ta nɛwɛnyini la, o do bɛlbwa tɔpera ne ya dobɔra.

Tɔn Pɔɔl Aa Chwerɛ Rom Tena 15:19

ne wekpeɡa ne nyokpowaa Korowii Domadɛɛɡe la kpeɡri aa ɡela mɛɛ ɛ la bwa ɡelɔ he yarada Korowii waa nɔ. Taraken nɔ, le Jerusalam ka le Ilirikum le bwa, n bol Yeesu Kristo Amanesoma nɔ bela.

Tɔn Pɔɔl Aa Chwerɛ Rom Tena 16:25

Hé ɡel ya jam Korowii. Wɛɛ wonoo ɡel he che kiŋkiŋ Yeesu Kristo Amanesoma maa dɛ bol he be la ta. Korowii pili a ɡɛ waa nɔ bini. Anee fa ɛ wesɔɔhla saŋ la bwa la,

Tɔn Pɔɔl Aa Chwerɛ Rom Tena 16:26

kɛ taraken te, o cheɡɛ o keamere waa baa chwera la ta, dɛ le a bwa ne baŋ. Korowii waa lole saŋ bɛlbwa la tɛ ŋwɛnɛ taraken ŋɔ nɛ́ra bol o waa la. O ɛ ɡɛ ásɛ ba bola dɛɛ baɡle nɛra bwa ásɛ ba yaradaa dɛ́ teŋɛ a ta.

Tɔn Pɔɔl Aa Chwerɛ Rom Tena 5:6

Maa dɛ ŋɔ nɔ, ya fa toole ane bɛlbwa bini Korowii ŋwɛnɛdɛɛɡe la be pera. Dɛ ya fa aa Korowii ŋwɛnɛ ta teŋɛ. Kɛ tɔpere Korowii aa doa la aa tela la, Yeesu lɛ ya wechɔɡ-ɛɛra seo dɛ sewɛ.

1 Kɔrent 9:17

Dɛ n tetoora nee mɛɛ ɛa aa, a fe maɡrɔ kɛ n fe ɛɛ lɛ a kembɔr. Kɛ Korowiirii kpɔ o Amanesoma la do n nɔn ta ŋɔ ń bol nɛra be. Anomanta, n ɡbaɡba tetoora laa mɛɛ ɛa.

Galaasia 4:4

Korowii Tɔpere La aa tela la, o tomɛ o ɡbaɡba Bie, asɛ nɛŋhaah lolɔ harɛ nɔ ta, asɛ o ɛ nɛra baa dɛ teŋɛ Mosis Mmara ta la bɛl.

Ɛfesos 1:10

asɛ a ɛ ɡɛ saŋ la waa liira la. O cheɡa kɛŋɔ wɛɛ ɡeloo nyundua ne harɛ ta komɛlbwa ɛ beŋkpoŋ, ásɛ Yeesu Kristo ɛ ba Dɔɔ.

Ɛfesos 2:17

O baa baɡle he nɛra haa wola Juu tena ɛɛ, he ne Korowii baah fa aa jaŋa la, ne Juu tena ba ne Korowii baah fa aa wola jaŋɛ la bwa amanesoma kɛŋɔ nyopɛo balɔ.

Felepae 1:13

Bonɔ koojen soojare baa dɛ daah o dem, ne nɛra baa lɔ bonɔ bwa jemɔ kɛŋɔ maa ɛ Yeesu Kristo bonɔɔ waa ba do mɛ dea.

Kolosi 1:23

Dɛ he ta kpoŋe waa haa dɛ yaradaa la bini, he ta habɔɔ leɛ, dɛ dɔ hwɛɡa le Amanesoma la baa bola baɡle heyaa he no la ta kɛŋɔ nomɛlbwa aa won chɔɡ he liire he bɛ dɛɛ hwɛɡɛ kpa aa, amɔ hɛɛ wonoo che o sie. Ba dɛ bol Amanesoma nɔ bobɛlbwa. N ɡbabir dɛ bola, dɛkalkɛŋɔ Korowiirii lee mɛ.

Kolosi 1:6

Amanesoma la perɔ, nɛra ɛɛ noa harɛ nɔ ta bobɛlbwa, aa ba hɛɛra ne. Gɛ tentenee aa ba hɛɛra ne he be dɛ le awola haa noa Korowii pili he sie he jemɛ suna waa sune he nɛɛ dɛ cha heyaa la.

1 Tesalonika 2:4

Anɔ la Korowii aa dɛ nyin laanee yaa bol. Yanee o dɔ hwɛɡa tɛ kɛŋɔ ya bol o Amanesoma la. Anomanta, yaa anɔ la nɛwɛnyini sie aa dɛ lɛ a ta bol, kɛ anɔ la Korowii waa jemɛ bambile bɛlbwa waa la aa dɛ nyin la, anee yaa bol.

1 Timoti 1:1

Men Pɔɔl maa ɛ Yeesu Kristo torome laanee chwerɛ tɔn nɔ. Korowii waa ɛ ya Lɛɛ ne Yeesu Kristo yaa dɛ hwɛɡɛ o nɛɛ laanee do mɛ ŋɔ mɛ́ɛ bol o waa nɔ.

1 Timoti 1:11

Gɛ waa aa toɡra la bwa lɔ Amanesoma Korowii aa kpɔa do n nɔn ta ŋɔ ń chaɡle nɛra la ta. Anee dɛɛ baɡle Korowii waa dɔ jirima ne silɛɛ la wa.

1 Timoti 2:3

Gɛɛ wera, dɛɛ lɛ ya Lɛɛ Korowii sie.

1 Timoti 4:10

Koeh yaa dɛ swɛɛ siwi dɛɛ ɛ o toma nɔ bwa, Korowii waa lole saŋ bɛlbwa la nɛɛ ya sie dawɛ. Onee dɛɛ lɛ nɛn te bɛlbwa. Nomɛlbwa waa yaradao dɛ kpɔ o te tɛo la, o dɛ lɛo.

2 Timoti 4:17

Kɛ ya Dɔɔ la cheɡɛ n habɔɔ dɛ tɛ mɛ kpeɡri n won bol Amanesoma la bwa, asɛ nɛra baa wola Juu tena ɛɛ la bwa no. Korowii lɛɛ mɛ le siswɛm ta kɛŋɔ nɛn baa lɛo le nyujente nyoa ta ken.

Taetos 2:10

dɛ bɛ ba kwaa dɛɛ ŋwɛ. Kɛ bá ɡel ba we-ɛɛla dɔ yarada kɛrɛdɛ ba dɔɔranar be. Gɛɛ dɛɛ ba ɡela ya Lɛɛ Korowii waa nɔ yaa dɛ baɡle nɔ che ba nɛɛ dɛ́ dɔ sɔn wobɛlbwa ta.

Taetos 2:13

dɛɛ kpa ɡɛ saŋ Yeesu Kristo aa ba o jirima ne ya nao la. Onee Korowijen ne ya Lɛɛ la. O bala taa ya dɔ hwɛɡa ne silɛɛ kɛrɛdɛ.

Wepila 14:16

Asɛ onɔ la waa soɡe bam ta la ta o kere la, dɛ komɛ kwaa aa lɔ harɛ ta la.