Taetos 1:16 - mzwDBL

¹⁶ Ba ŋɔ ba jemɛ Korowii, kɛ ba we-ɛɛla dɛ baɡle kɛŋɔ baa Korowii jemɛ. Ba we-ɛɛla doŋo Korowii be kohona, ba deŋne ɡe kpeɡri. Baa won ɛ wedɛɛɡe bɛlbwa bwa.

Taetos 1:16 Iomraidhean Croise

Job Tɔn 15:16

nɛn te pɔɔh, wechɔɡa suu kɛŋɔ waa dɛ nyɔ ne.

Sɛɡla 30:12

Ba dɛ lii kɛŋɔ wechɔɡa toole ba nɛ, kɛ dɛ ba senɛ wechɔɡa ta.

Aesaya 29:13

Korowii ŋɔ, “Nɛra nɔ te, nyoa ɡbo nee baa baɡle kɛŋɔ n ne ba pɛo, nyoa ɡbo nee baa duu mɛ, kɛ ba tea bini te ta toe. Toma baa dɛ tom mɛ la, nɛwɛnyini mmarare taa baa baɡle ŋɔ nɛ́ra teŋɛ.

Aesaya 48:1

Korowii ŋɔ, “Hé no, Jekɔb naanar baa bera dɛɛ yerɛ heyaa Israel tena he le Juda dea, he dɛ ŋwɛɛ men Korowii sɔn, dɛɛ ɛ kɛŋɔ he dɛ tomɛ Korowii Israel tena aa dɛ tomɔ la, kɛ haa waa haa dɛ bol la ɛ.

Aesaya 58:2

Ba dɛ tom mɛ tɔpere bɛlbwa, dɛɛ nyin n ŋwɛnɛre dɛ jemɛ, dɛɛ ɛ kɛŋɔ ba waa toɡrɔ, á do kɛŋɔ ba ta Korowii Mmarare vɛɛh. Ba dɛ soŋe waa aa toɡra n be, dɛɛ nyin kɛ n bɛn ba.”

Aesaya 59:13

Ya ɛ deŋnekpeɡ, dɛ berɛ habɔɔ kpoe, dɛ vɛh he nɛɛ teŋa. Ya fiiɡi ya dɔŋa dɛ berɛ habɔɔ kpoe. Ya liire ne ya wobol bwa ɛ nyosone.

Jeremia 12:2

Ba do kɛŋɔ daa he kpɔ ba du, he nyiŋi ba nɛɛ ba kpeɡ dɛ dɔ lune dɛɛ nɔnɛ. Ba nyoo ɡbo nee baa kpɛɛre, kɛ he waa toole ba bambile bini.

Jeremia 5:2

A lole kɛ ba ŋɔ ba dɛ tomɛ men Korowii, kɛ ba teŋe nyosone dɛɛ ŋwɛɛ n sɔn ta.”

Jeremia 6:30

Baa dɛɛ yerɛ n nɛra sɔnee ŋɔ suuɡapoŋa aa wola tɔnɔ dɔe, dɛkalkɛŋɔ n vɛɛh ba. Men Korowiirii bola.”

Ɛsekeɛl 33:31

Gɛɛ ba yon dɛɛ ba he be saŋ bɛlbwa, dɛ́ ba so dɛɛ no waa haa dɛ bol, kɛ baa an kpɔe dɛɛ ɛ ɡɛ aa dɛ baɡle. Ba nyoo ɡboo ba kpɔ dɛɛ baɡle kɛŋɔ ba ɛ nɛndɛɛɡa, kɛ anɔ la baa dɔ ɡbo taa ba liire do.

Nɛra Kura 24:16

Nɛn waa dɛ no Korowii waa waa bola la, dɛ́ dɔ waa mun noe le Nemenɛ Korowii be. Nɛn waa na wepila le Korowii Waa Ɛ Kpeɡri Bwa Dɔɔ be, dɛ chole chɔ harɛ asɛ n sie pili wɛɛ nyiŋi.

Tɔn Pɔɔl Aa Chwerɛ Rom Tena 1:28

Baa wola sɛɛh kɛŋɔ bá jemɛ Korowii waa nomanta, o ta ba waa tɛɛ ba, asɛ ba liire bwa ɛ anchɔɡa, asɛ baa ɛ waa aa wola chɛɛ kɛ baa ɛ.

Ɛfesos 5:6

He bɛ ɡel nomɛlbwa kpɔ wepuu neɡre heya. A ɡɛ waa nɔ bwa waa Korowii baah di deŋnekpeɡ tena nɛɛ wɛɛ ba ba deŋne tɛra la.

1 Timoti 1:9

A chɛ kɛŋɔ hé jemɛ kɛŋɔ nɛndɛɛɡa waa laa ba koh dɛɛ do mmara, kɛ nɛra baa wola mmara ta teŋɛ la, ne deŋnekpeɡ tena, ne nɛra baa vɛh Korowii la, ne wechɔɡ-ɛɛra, ne nɛra baa wola Korowii tomɛ, baa wola on duu la, ne nɛra baa dɛ kpoo ba mɛɛnanar ne ba nyare, dɛ nɛra baa dɛ kpo nɛra bwa,

1 Timoti 5:8

Dɛ nomɛl lole, waa o nya ne o mɛɛ kɛɛ o dem tena nyiŋi aa, naate Korowii toma ɛ pɛɛ. Naate waa wola Korowii yarada ɡba bɔɔ.

2 Timoti 3:17

Anee dɛ won cha Korowii nɛn ó won ɛ wedɛɛɡa bwa ka tonɛ.

Taetos 3:1

Lii ba ŋɔ báa pwɛr ba te dɛɛ tɛ nomonome baa dɛ di kpeɡri te bɛlbwa, dɛɛ no ba deŋna wa, dɛ́ kpɔ ba te kɛ baa dɛɛ ɛ waa aa wera bwaa.

Taetos 3:3

Ya ɡbabir fa ɡɛnɔ. Ya fa ɛ deŋnekpeɡ tena. Ba fa neɡre yaa, pɛlchɔɡa bwa soo siwi ne bodia kpɔ yaa berɛ yoma. Meesɔɔh ne bɔweela bwa nee ya faa so. Nɛra fa hah yaa, ya ɡe hah dɔŋa.

1 Jɔn 2:4

Dɛ nomɛlbwa ŋɔ o jemɛ Korowii, dɛ waa o waa ta teŋaa, ɡɛ nɛn la ɛ nyosonteŋni, dɛ kasinteŋ toole o be.

Tɔn Jud Aa Chwera 1:4

Nɛra bane sɔɔh dɛ ba koo he baah haa wola jemɛ. Baa Korowii tomɛ, dɛɛ bol ŋɔ nɛra ɛɛ wonoo dɛɛ ɛ wedoŋa, dɛkalkɛ Korowii dɛ sune nɛra nɛ. Ba dɛ ɛ ɡɛ ásɛ dɛ fe dɔ bɔr che dɛ́ɛ ɛ wedoŋa baa dɛ nyin. A ɡɛ nɛra nɔ vɛh ya Nomoa beŋkpoŋ Yeesu Kristo waa dɔ yaa la kɛŋɔ ba Dɔɔree on. Saŋ la bwaa Korowii Tɔn baɡle ɡɛ Korowii aa pa ba bolchɔɡe dɛɛ ba ba deŋne tɛra.

Wepila 21:27

Kɛ komɛlbwa doŋa te bɛlbwa aa lɔ o nɛɛ la aa won jo bela, ɡɛɛ nomɛlbwa ɡe waa dɛ ɛ sihihwaa dɛɛ teŋe nyosone la bɛlbwa ɡe aa wola won jo bela. Nɛra baa chwerɛ ba sɔna do Pebie Mkpa Tɔn la bini la, banee dɛ́ won jo bela.

Wepila 21:8

Kɛ ɔmeera ne nɛra baa wola men yarada, ne nɛra baa dɛ ɛ waa maa kia, ne nɛra baa dɛ kpoo nɛra, ne nɛra baa dɛ bɔ jwamane, ne nɛra baa dɛ ɛ bebeewa, ne voɡtoroma dɛ nyosonteŋna. Ba bwa bɔree nii ne jebɔrɔwe aa yɛɛra chɔ kɛŋɔ moo dɛɛ fuh la ta. Anee seo nɛɛtena la.”

1 Samoɛl 15:22

Kɛ Samoɛl chaŋo ŋɔ, “Korowii sie dɛ lɛ saraha baa fuah ne kwaa baa kpoora, ɡwaa kɛ haa no o deŋna wa aa? Korowii deŋna waa noe wer ɡwaa kɛ haa kpo pedɛɛɡe ɛ saraha tɛo.

1 Samoɛl 15:24

Anee Kooro Sɔɔl ŋɔ Samoɛl be ŋɔ, “N ɛ wechɔɡa, n vɛh Korowii waa waa do mɛ a ta, ne waa haa ŋɔa n ɛ la. Ɔmaa n ɔmɛ nɛra la waa n teŋɛ waa baa dɛ nyin ta.