Taetos 1:15 - mzwDBL

¹⁵ He tea too waa, komɛlbwa wer tɛɛ, haa an kondoŋa lii. Kɛ nɛra wechɔɡa aa lɔ ba nɛɛ baa wola yarada la, komɛlbwa ɛ kondoŋ tɛɛ ba. Ba liire ne ba bambile bwa doŋo.

Taetos 1:15 Iomraidhean Croise

Sɛɡla 21:4

Sisa we-ɛɛla ne mbarafo, ne wedoŋa bwa ɛ wechɔɡa.

Sɛɡla 30:12

Ba dɛ lii kɛŋɔ wechɔɡa toole ba nɛ, kɛ dɛ ba senɛ wechɔɡa ta.

Haɡae 2:13

Anee Haɡae ŋɔ, “Dɛ nomɛl lawɛ lale dɛ kah doŋa, dɛ ka leɡe ɡɛ kwaa la bɛlbwa naa, dɛ doŋa la ba a ta naa?” Sɔfore la ŋɔ, “Ɔɔh, dɛ doŋa lɔ a ta.”

Matiu 15:18

Kɛ waa aa le nɛn nyoa la te, bambile binii a le. Anee yon ɡel nɛn ɛ nɛnchɔɡe.

We-ɛɛla 10:15

Anee naate berɛ ŋɔ o be nɛɛtena ŋɔ, “Kon Korowii aa laa o doŋa kpɔ o nɛɛ la, bɛ on kondoŋ yerɛ kpa.”

Tɔn Pɔɔl Aa Chwerɛ Rom Tena 14:14

Pɛɛ n ne n Dɔɔ Yeesu aa pɛa nɔ ɡelɔ n jemɛ kaih kɛŋɔ, kondikwaa bɛlbwa toole dɛ ɛ kondikondoŋa. Kɛ dɛ nomɛl lii o nyu bini kɛŋɔ kondikwaa ane ɛ kondikondoŋa aa, dɛ a ɛ doŋa dɛ tɛo.

Tɔn Pɔɔl Aa Chwerɛ Rom Tena 14:20

Bɛ kondikwaa waa koh dɛ́ chɔɡ waa Korowii aa ɛa. Ya won kondikwaa bɛlbwa dii, kɛ aa were kɛŋɔ ya di kondikwaa aa dɛ ba nɛn ne wechɔɡa ta laŋa.

Tɔn Pɔɔl Aa Chwerɛ Rom Tena 14:23

Kɛ dɛ o dɛ di komɛl dɛɛ ɛ aahna-aahna kɛŋɔ o ɛ kondoŋ kɛɛ o ta kondoŋ ɛɛ yaa, Korowii ɛɛ pao bolchɔɡee kɛŋɔ waa dɛ diu, dɛkalkɛŋɔ o waa waa dɛ ɛ la, waa an ɛ yarada ne. Wobɛlbwa ɡe nɛn aa dɛ ɛ waa wola an ɛ yarada ne, o liire aa wola on kɛrɛdɛ do a ta la, a ɛ wechɔɡa.

1 Kɔrent 10:23

Nomɛl te kompɛɛ, “N dɔ ŋwɛnɛ kɛ ń ɛ wobɛlbwa,” kɛ a bwa laa wera tɛ mɛ, a bwa ɡe laa dɛɛ cha mɛ.

1 Kɔrent 10:25

Dɛ ba dɛ yoɡ ola ol yoɡribɔr aa, yawɛ dɛ́ di. Bɛ dɛɛ lii kɛŋɔ ane ken aa were. Hé yawɛ di,

1 Kɔrent 10:31

Anomanta, wobɛlbwaa hɛɛ ɛ oo, kwaa hɛɛ di oo, komɛlbwaa hɛɛ nyɔ oo, hé ɛ dɛ́ kpɔ jirima dɛɛ tɛ Korowii.

1 Kɔrent 8:7

Nomɛlbwa laa jemɛ ɡɛ. Bane duu ɡɛ voɡa nɔ biɡri a man ba. Hale ba le fini, dɛ ba di kwaa baa kpoora tɛ voɡa nɔ naa, dɛ ba liire dɛ ɛɛ ba kɛŋɔ voɡa laanee dɔ kwaa la. Ba yarada aa wola kanɛ Yeesu waa la ta nomanta, dɛ ba dɛ lii kɛŋɔ ba ɛ wechɔɡa.

1 Timoti 6:5

Gɛ te la ne nɛra baa wola wedɛɛɡa lii, baa wola ya kasinteŋ waa la jemɛ la, ba dɛ saɡɛ wetɔŋla aa wola mun dɔe ta, dɛ yon dɛɛ lii kɛ Korowii toma ɛ ŋwɛnɛ bɛl baa kpɔ o ta dɛɛ nyin suuɡa.

Hibru 10:22

Anomanta, Korowii aa sɔ ya wechɔɡa ta waa wola ɡelɛ ya liire ɛɛ ɛ yaa kɛŋɔ ya ɛ wechɔɡa kpa, dɛ kpɔ o nedɛɛɡa sɔ ya bwadabii nɔ, hé ɡel ya kpɔ tepoŋ ne yarada ba o be, ya bɛ tɔŋle tama bɛlbwa,

Hibru 12:15

Korowii dɔ chae waa dɛ nyin o cha yaa kohona. Anomanta, hé nyiŋi kɛrɛdɛ ásɛ a bɛ bɛlbwa ba paŋɛ. A waa laa aa, wechɔɡa ane ɛɛ ba jo he binii dɛ́ chɔɡ nɛndamanta kɛŋɔ koŋkpela yon jo kondikwaa ta dɛ chɔɡa la.

Hibru 9:14

ɛrɛɛ a ɛ Yeesu Kristo chal aa wola won laa ya doŋa kpɔ ya nɛɛ kohona nɔ? Korowii Domadɛɛɡe waa lole saŋ bɛlbwa aa wola jaɡa dɔe la, on cha Yeesu Kristo o won kpɔ o te kɛŋɔ konaate waa wola kirihiah bɛlbwa dii dɛ ɛ saraha dɛ tɛ Korowii. Yeesu chal ɛɛ laa ya wechɔɡa aa dɛ kaa ya ne seo ta la bwaa kpɔ ya nɛɛ ásɛ ya tea to, ásɛ a waa bɛ yaa hiah kpa, ásɛ ya won tomɛ Korowii waa lole saŋ bɛlbwa la.