Taetos 1:13 - mzwDBL

¹³ Kpelaa o bol, anomanta, di ba kasinteŋkpeɡ ba jemɛ, ásɛ dɛ ɡel ɡɛ da la, dɛ́ baa teŋɛ Korowii waa aa ɛ kasinteŋ la ta.

Taetos 1:13 Iomraidhean Croise

Yela 119:80

Gel n bambile lawɛ he waa la, mɛɛ teŋɛ a ta kɛrɛdɛ, ásɛ sihiih bɛ men kpo.

Yela 141:5

Gel nɛn o wa aa toɡra kah mɛ dɛ́ toɡ mɛ, nyina waa dɛ nyin mɛ wa. Maa duure bɛlbwa nyin wechɔɡ-ɛɛra be, dɛkalkɛ saŋ bɛlbwaa mɛɛ soŋe Korowii ŋɔ ó chɔɡ ba wobɛlbwa.

Sɛɡla 27:5

A wer kɛŋɔ he di nɛn kasinteŋ nɛra baah. A bɔ kɛŋɔ haa dɛ nyin o wa, he ta ɡelɛ o jemɛ.

Lewi Dea Tena 19:17

Dɛ́ɛ berɛ he dɔŋ haeh. La o be ka diu kasinteŋ, ásɛ o wechɔɡa bɛ he nɛɛ dawɛ.

2 Kɔrent 13:10

A waa n chwerɛ heyaa tɔn nɔ dɛ n ta he be balɛ mɔɔ la. N dɛ ɛ ɡɛ ásɛ dɛ bɛ sinyɛɡa ba kpɔ dɛɛ bol waa he be kpeɡri ya Dɔɔ la aa tɛ mɛ la ne. Korowii ŋɔ ń kpɔ a ɡɛ kpeɡri nɔ cha heya, o ta ŋɔe ŋɔ ń kpɔ chɔɡ heya.

1 Timoti 1:10

ne jwamane tena, ne baala ba ne ba bandɔŋa aa dɛ chɔ haah ne baa, ne nɛra baa lawɛ nɛra dɛɛ yoɡ ba kɛ yoma, ne nyosonteŋna, ne nɛra ba yon jemɛ kɛ nyosonee baa teŋe dɛ ɡarɛ dɛɛ ŋwɛɛ Korowii la, ne nɛra baa dɛ ɛ we-ɛɛla te bɛlbwa a ne webaɡla aa toɡra la aa wola kaa la, ba waa ba koh dɛɛ do mmara.

1 Timoti 4:6

Dɛ he kpɔ ɡɛ waa nɔ baɡle he bala aa, anee dɛɛ ba chaɡla kɛŋɔ he ɛ Yeesu Kristo torome tenten haa teŋɛ Korowii waa haa yaradaa ne kasinteŋ la ta, dɛ́ kpɔ kpeɡ dɛ́ do kpeɡri.

1 Timoti 5:20

Dɛ bɛl ɛ wechɔɡa aa, yerɔ cheme asɔre tena la bwa sie dɛ́ kaoh. He ɛ ɡɛ naa, nɛra baa lɔ bela dɛ na la ɛɛ ɔmɔɔ dɛ laa ba te dɛɛ kpɔ wechɔɡa ta.

2 Timoti 4:2

hé bol Amanesoma la baɡle nɛra. A som oo, aa somoo, kpɔ he te kɛ saŋ te bɛlbwa hɛɛ bolaa. Eɡle sie ta ba nɛ, dɛ́ ɡel ba jemɛ wechɔɡa baa dɛ ɛ, ásɛ dɛɛ ja ba. Lawɛ bambile dɛɛ chaɡ ba.

Taetos 2:15

Baɡ ba ɡɛ waa nɔ bwa, dɛ́ kpɔ he kpeɡri do ba ɡbemba, dɛ́ ja ba, dɛ́ bɛ ɡel ba bɛlbwa nyiŋi he nyubaah.

Taetos 2:2

Ŋɔ banjeni be báa lawɛ ba te, dɛɛ ɛ waa aa dɔ duure, dɛ́ dɔ nfɛrɛ, dɛɛ teŋɛ Korowii waa aa ɛ kasinteŋ kɛrɛdɛ la ta, dɛɛ nyin nɛn kɛrɛdɛ, dɛ́ dɔ bambile ɡe.