Sekaria 7:3 - mzwDBL

³ dɛ́ bɔɔ sɔfore baa lɔ bela ne Korowii keamere ŋɔ, “A chɛ kɛ yá wi chɔɡa baa chɔɡ Korowii Dea la, dɛ́ vɔwɛ nyoa korobinuete la ta ɡɛ yaa ɛa bene aa baa kaa bwa ta la aa?”

Sekaria 7:3 Iomraidhean Croise

Ɛsra 3:10

Mamaala la aa pa Korowii Dea la mun la, sɔfore do ba laala dɛ ka che ba chebɔra dɛ kpoŋe bɛle, asɛ Lewi dea tena baa ɛ Asaf bibaala kpoŋe kwaa anɛ ane baa kpɔ ayaawa ɛa dɛɛ hɛlɛ, dɛ ka che ba chebɔra, dɛ lɔ dɛɛ kpɛɛ Korowii, ɡɛ Israel Kooro Devid fa aa do Israel tena la.

Wejereme 3:4

Wii tɔpere lole, mama ɡe dɔ o tɔpere, suna dii tɔpere lole, silɛɛ ne hɛɡra ɡe dɔ a tɔpera,

Hosia 4:6

N nɛra aa wola men Korowii jemɛ nomanta, ba dɛ serewe. He sɔfore, haa wola n waa ta teŋɛ nomanta, n ɡe vɛh heya. Haa vɛh men Korowii haa dɛ tom mɛ webaɡla ta teŋa nomanta, n ɡe ɛɛ vɛh he biirii.

Joel 2:17

Hé sɔfore haa dɛ tomɛ Korowii o Dea doonyoa ne saraha kon baah ta la, hé wi dɛ́ soŋo ŋɔ, “Ya Naa Korowii, sune yan yaa ɛ he nɛra nɛ, bɛ ɡel harɛ nɛra bane mamɛ yaa dɛ́ ŋɔ, ‘Leperaa Korowii haa dɛ tomɔ la dɔɔ?’ ”

Haɡae 2:11

“Bɔɔ sɔfore la ɡɛ Mmara la aa dɛ baɡle waa maa dɛ ba he bɔɔra nɔ.

Sekaria 7:4

Asɛ Koranar Bwa Kooro bol waa n be ŋɔ,

Sekaria 7:5

“Bɔɔ harɛ la ta nɛra bwa ne sɔfore la ŋɔ, ‘Haa vɔwɛ nyoa dɛ wi korobinuete ne korobinuanɛte ta bene fifraanuanɛ aa baa kaa ta la, dɛ n waa he koh vɔwɛ nyoa aa?

Sekaria 8:19

“Nyoa haa dɛ vɔwɛ korobinaarɛ, ne korobinue, ne korobinuanɛ dɛ korobifi ta la, hé kpɔ ɛ tɔpejena dii silɛɛ aa lɔ a ta, dɛ́ tɛ Juda tena. Anomanta, hɛɛ nyin kasinteŋ ne deŋnesɔɔhna.”

Malakae 2:7

A chɛ kɛ sɔfo bɛlbwa dɔ wejema kɛrɛdɛ le men Korowii be, dɛ́ kpɔ dɛɛ baɡle nɛra wa, ásɛ nɛra la ba be kaa hweli n waa la. Banee men Koranar Bwa Kooro tomɛ.

Matiu 9:15

Anee Yeesu sɛɡ ba ŋɔ, “Baa aa lawɛ hanfale dɛ yerɛ o daamanar ŋɔ bá ba lɛ ba sie nɔ, baa berɔɔ so lɔr aa? Baa lɔree so. Kɛ tɔpere bɛl ɛɛ bao kɛŋɔ baa lawɛ hanfale jaa laanee le ba bini. Gɛ saŋ la te, baa vɔwɛ nyoaa.

1 Kɔrent 7:5

Anomanta, bɛlbwa bɛ o te kpɔ sɔh o dɔŋ chɔe be pera, atane kɛŋɔ he bwa sɛoh kɛŋɔ he dɛ nyin kɛ hé kpɔ bambibeŋkpoŋ soŋe Korowii tɔpere bɛl tama mɔɔ. Gɛ te wer. Kɛ dɛ he ɛ ɡɛ tonaa, hé berɛ pɛ ja. Dɛ he ta pɛɛ yaa, haa wola won lawɛ he te la, Bɔnsam ɛɛ ɡeloo hé ɛ wechɔɡa.

Mmarare 33:10

Báa dɛɛ baɡle he nɛra he Mmara ta teŋa taa, dɛ́ kpoo jam kwaa dɛɛ tɛɛ he saraha kon la ta.