Sekaria 4:4 - mzwDBL

⁴ N bɔɔ Korowii nyundua torome la waa bol waa n be la ŋɔ, “N dɔɔ, bɔkwaa kwaa nɔ che tɛɔ?”

Sekaria 4:4 Iomraidhean Croise

Ɛsra 5:2

Ate, Sealteɛl bibaa Sɛrobabɛl ne Josadak bibaa Jesua aa no ba waa la, ba berɛ pa mun dɛɛ do Korowii Dea la Jerusalam ja, asɛ Korowii keamere banɛ la cha ba.

Daneɛl 12:8

N no waa waa bola, kɛ n ta a mun noɛ. Anomanta, n bɔɔrɔ ŋɔ, “N dɔɔ, ɛrɛɛ waa nɔ ɛɛ ba chiɡa ka tonɛ ɔ?”

Sekaria 1:19

N bɔɔ Korowii nyundua torome la waa dɛ bol waa n be la ŋɔ, ‘Nyeɡlare nɔ ɡe munii ɛrɔɔ?’ O chaŋe ŋɔ, ‘Nyeɡlare nɔ cheɡɔ tɛ harɛre a nɛra aa kpeɡa, dɛ lɔ Juda ne Israel dɛ Jerusalam tena peɡre kaa harɛre ta la.’

Sekaria 1:9

Ate, n bɔɔro ŋɔ, ‘N dɔɔ, nɛra baa soɡe jaɡre ta nɔ munii ɛrɔɔ?’ Korowii nyundua torome la n ne waa dɛ bol waa la chaŋe ŋɔ, ‘Mɛɛ chaɡle a munii.’

Sekaria 4:5

Asɛ o chaŋe ŋɔ, “Haa kwaa nɔ jemaa?” N ŋɔ “N dɔɔ, akai, maa jemɛ.”

Sekaria 5:6

Asɛ n bɔɔ ŋɔ, “Bɔkwa konee yɔ?” O chaŋe ŋɔ, “O ɛ wɛɡrɛ baa kpɔa dɛɛ maɡɛ kwa,” o berɛ ŋɔ, “o cheɡɔ tɛ harɛ nɔ ta bwa nɛra wechɔɡa.”

Sekaria 6:4

N bɔɔ Korowii nyundua torome n ne waa dɛ bol waa la ŋɔ, “Nomoa, kwaa jaɡre nɔ aa dɛ tɛɡra nɔ munii ɛrɔɔ?”

Matiu 13:36

Yeesu aa le nɛnlaa la baah la, o kaa jo dea, asɛ o habɔteŋra la ba o be dɛ ba ŋɔ o be ŋɔ, “Chaɡle yaa kpɔɡchɔɡa baa la dɔm la aa kaa merɛ koo mea la ta la mun.”