Sekaria 4:2 - mzwDBL

² O bɔɔ mɛ ŋɔ, “Bɔkwaa he na nɔ?” Asɛ n chaŋe ŋɔ, “N na kandea daa baa kpɔ suuɡaswɛm tenten ɛo, asɛ loɡ baa dɛ do noo o ta chɔŋɛ o doa. Kandere anuanɛ lɔ o ta, asɛ bɛlbwa dɔ bɔɔne anuanɛ baa do ŋwɛɛra a ta.

Sekaria 4:2 Iomraidhean Croise

1 Webena 28:15

Suuɡaswɛm baa kpɔ kwaa kandea daa la ne o kandere, ɡɛ aa chɛ kɛ a bɛlbwa tɔɡre do, ne suuɡapoŋa baa kpɔ kwaa kandea daa ne o kandere, ɡɛ aa chɛ kɛ a bɛlbwa tɔɡre do, ne ɡɛ baa kpɔ kandea bɛlbwa dɛɛ ɛ toma,

2 Webena 13:11

Chɔɔ ne jɔmɔra bwaa ba kpɔ saraha kwaa ba baa fuh, dɛ fuh daawiile a sɔɔh aa soma dɛɛ tɛ Korowii. Ba kpɔ paanoo dɛɛ dawɛ teebur waa do ɡoroŋ doŋa bɛlbwa aa wola toole o ta, dɛ choŋi kandere aa lɔ kandea daa baa kpɔ suuɡaswɛm ɛo jɔmɔra bɛlbwa. Ya dɛ ɛ waa Korowii yaa dɛ tomɔ la aa do yaa, kɛ he te vɛoh.

2 Webena 4:7

O berɔ ɡel ba kpɔ suuɡaswɛm ɛ kandea daa fi, ɡɛ aa chɛ kɛŋɔ ba ɛa, dɛ kpɔ ka cheɡ Korowii Dea la bini. Anue cheɡɛ weekaŋle harɛbɔr pera, asɛ anue ɡe che weekaŋle nyunduabɔr pera.

Wejereme 12:6

Lii Korowii waa tae waa mɔɔ suuɡapoŋ jɔɡrɔre cha, kɛɛ loɡ baa kpɔ suuɡaswɛm ɛo, ne vii baa dɔ nee dɛɛ do o bini paɡre, kɛɛ buni kɔlɔŋ ŋwɛn aa dawɛ o ta, ba tɛr nee dɛɛ kpɔ o ta la ku.

Jeremia 24:3

Belaa Korowii bɔɔ mɛ ŋɔ, “Jeremia, bɔkwaa hɛɛ na nɔ?” Asɛ n chaŋe ŋɔ, “Fiɡ daa nɔnaa mɛɛ na. Anɔ la aa ɛ nɔndɛɛɡa la wer, kɛ anɔ la aa ɛ nɔnchɔɡa la te bwa chɔɡɔ, baa wola won dia.”

Jeremia 52:19

Laa sitɔɔ la kpɔ kwaa baa kpɔa dɛɛ buh nii, ne loɡa baa do nee kɛɛ chal a bini dɛ ɛ dɛɛ merɛ la, kandea daa ne loɡa bwa soo siwi baa kpɔa dɛɛ ɛ sen sarahare, komɛlbwa baa kpɔ suuɡaswɛm tenten ne suuɡapoŋ ɛa te, ba kaa a bwa ne.

Emɔs 7:8

Korowii bɔɔ mɛ ŋɔ, “Emɔs, bɔkwaa hɛɛ na nɔ?” Asɛ n chaŋe ŋɔ, “Ŋwɛn baa kpɔa dɛɛ toɡre danjwɛɛ.” Ate, Korowii ŋɔ, “N kpɔɔ dɛɛ baɡle kɛŋɔ n nɛra do kɛŋɔ danjwɛɛ waa ɡola. Maa ba deŋnetɛraa kpɔ kɛ ba kpa.

Sekaria 5:2

Ate, Korowii nyundua torome la bɔɔ mɛ ŋɔ, “Bɔkwaa he na nɔ?” N chaŋe ŋɔ, “N na tɔn waa lɔ nyundua. O jaŋne lɔ naɡale fifraatoro, asɛ o paɡri ɡe naɡale fi dɛ anue.”

Wepila 1:12

Belaa n ke nyiŋi kɛ mɛɛ na naate waa bol waa n be laanee, asɛ dɛ na suuɡaswɛm kandea daa anuanɛ,

Wepila 1:20

Weweela anuanɛ haa naa a do n nɔndiɡ ta la, ne suuɡaswɛm kandea daa anuanɛ la, n dɛ baɡle a mun dɛ tɛɛ. Weweela anuanɛ la ɛ nyundua toroma baa cheɡa tɛ asɔrere bele anuanɛ aa lɔ bwɛɛre anuanɛ la ta la. Kandea daa anuanɛ la ɡe cheɡɔ tɛ asɔrere anuanɛ la.”

Wepila 4:5

Dɛ kookara la waa lɔ baah ta la bɔr dɛ ɡbɔɡre kɛŋɔ, bwaala aa dɛ nyɛɡle dɛɛ jiɡri dɛɛ kɔɡre la. Kandere anuanɛ ɡe cheɡɛ kookara la sie dɛɛ hɔ. Korowii Domare anuanɛ laanee.