Sekaria 4:1 - mzwDBL

¹ Korowii nyundua torome la o ne men Sekaria fa aa bol waa la berɔ ba chum mɛ kɛŋɔ nɛn yon chɔ dom ba chumu la.

Sekaria 4:1 Iomraidhean Croise

Jeremia 31:26

Belaa men Jeremia n chɔ dɛ ir, asɛ n na kɛ n dom la som n be.

Daneɛl 8:18

O ta aa dɛ bol waa n be la, n sie bir mɛ n chole, asɛ o laɡ mɛ ir che chiŋ.

Sekaria 1:13

Belaa Korowii bol wobodɛɛɡa ne bolarawa waa o nyundua torome n ne waa bol waa la be.

Sekaria 1:19

N bɔɔ Korowii nyundua torome la waa dɛ bol waa n be la ŋɔ, ‘Nyeɡlare nɔ ɡe munii ɛrɔɔ?’ O chaŋe ŋɔ, ‘Nyeɡlare nɔ cheɡɔ tɛ harɛre a nɛra aa kpeɡa, dɛ lɔ Juda ne Israel dɛ Jerusalam tena peɡre kaa harɛre ta la.’

Sekaria 1:9

Ate, n bɔɔro ŋɔ, ‘N dɔɔ, nɛra baa soɡe jaɡre ta nɔ munii ɛrɔɔ?’ Korowii nyundua torome la n ne waa dɛ bol waa la chaŋe ŋɔ, ‘Mɛɛ chaɡle a munii.’

Sekaria 2:3

Belaa Korowii nyundua torome la n ne waa bol waa la le dɛɛ kaa, asɛ o dɔŋ ba chemo,

Sekaria 4:5

Asɛ o chaŋe ŋɔ, “Haa kwaa nɔ jemaa?” N ŋɔ “N dɔɔ, akai, maa jemɛ.”

Amanesoma Luk Aa Chwera Tɔn 9:32

Dɛ Pita ne o bala la dɛ chɔ doromi. Ba iro dɛ na Yeesu kɛŋɔ o laala aa toa dɛɛ nyɛɡle al-al ken. Ba na nɛra banɛ la baa ja Yeesu nɛɛ la ɡe.