Sekaria 3:2 - mzwDBL

² Korowii nyundua torome la ŋɔ Bɔnsam be ŋɔ, “Bɔnsam, Korowiirii dɛ́ pae bolchɔɡe! Korowii waa le Jerusalam tɛ o te la, onee dɛ́ pae bolchɔɡe! Baa nɔ do kɛŋɔ nindaa baa keero le nii ta.”

Sekaria 3:2 Iomraidhean Croise

2 Webena 6:5

‘Le awola tɔpere maa kpɔ n nɛra Israel tena le Ijipt harɛ ta la, n ta ŋɔe bá do Dea n sɔn ta Israel harɛ bwɛjen bɛlbwa ta dɛɛ tom mɛ bela. N ta nomɛlbwa ɡe leɛ ŋɔ wɛɛ nyiŋi n nɛra Israel tena nɛ.

2 Webena 6:6

Kɛ taraken te, n ŋɔ baa tom mɛ Jerusalam, ásɛ hen Kooro Devid ɡe ɛ ba nomoa dɛɛ nyiŋi ba nɛ.’ ”

Yela 109:31

dɛkalkɛ o dɛ che nyaara habɔɔ, dɛ lɛɛ ba dɛɛ le nɛra baa kpoo ba nɔn ta.

Aesaya 7:4

Ŋɔ Kooro Ahas be ŋɔ ó sɔɔh bwara, wɛ́ɛ berɛ ɔma. Wɛ́ɛ berɛ ɡela o bambile chɔɡ. Ŋɔ o be ŋɔ, nindaa anɛ chuu ɔma ɡwaa Kooro Resin, ne o harɛ Siiria tena dɛ Kooro Pɛka ne o nɛra bandia.

Daneɛl 12:1

Nyundua torome waa do laalapoŋa la ŋɔ, “A ɡɛ saŋ la, nyundua toroma nomoa Maekel waa dɛ daah he nɛra la ɛɛ leo ba. Gɛ saŋ ɛɛ ɛ wahala saŋee, le harɛ nɔ mumpar ba le fini a dɔŋa ta balɛ bwa. Gɛ saŋ la, he harɛ ta nɛra baa chwerɛ ba sɔna do Korowii tɔn bini la, ɛɛ dɔ lɛɛlee.

Emɔs 4:11

N chɔɡ he bini bane, ɡɛ maa chɔɡ Sodom ne Gomoora tena la. Dɛ he do kɛŋɔ nindaa waa lɔ nii ta n kee heyaa le, kɛ he ta berɛ ba n be. Men Korowiirii bola.

Sekaria 1:17

Korowii nyundua torome berɔ ŋɔ kenii Koranar Bwa Kooro ɛɛ bol, ‘Mɛɛ ɡeloo n bwɛɛre la berɛ dɔ a te, ásɛ dɛ larawe n nɛra baa lɔ Jerusalam bwara, dɛ́ kpɔ bwɛjen la ɛ n kon.’

Sekaria 2:12

Korowii ɛɛ berɔ ba kpɔ Juda harɛ ɛ o kon waa dɛ nyinu kohona, harɛ waa do ɡoroŋ la ta, dɛ́ nyin bwɛjen Jerusalam ɡwaa bwɛɛ bɛlbwa.

Amanesoma Mak Aa Chwera Tɔn 1:25

Anee Yeesu kɔr kwaa la aa lɔ baa la nɛɛ la ŋɔ, “Hé tɔ nyoa dɛ́ le o nɛ.”

Amanesoma Mak Aa Chwera Tɔn 9:25

Asɛ Yeesu aa baa na kɛŋɔ nɛra wuro dɛɛ ba ba tɔ ba nɛɛ la, o den kɔr kwaa aa dɛ ir bie la nɛɛ la ŋɔ, “He konchɔɡa haa dɛ ir bie nɔ nɛɛ waa wola waa no, waa berɛ won dɛɛ bol waa ɡe nɔ, n ŋɔ he be ŋɔ hé le o nɛ! He bɛ o nɛɛ ba so kpa bwa!”

Amanesoma Luk Aa Chwera Tɔn 22:32

Kɛ n soŋe Korowii tɛɛ ásɛ he yarada nyoa bɛ sɔɔh. Dɛ he berɔ berɛ he liire ba n be naa, hé lawɛ he bala la bá do wɔrɔbe.”

Amanesoma Luk Aa Chwera Tɔn 4:35

Anee Yeesu kɔr kwaa la aa lɔ baa la nɛɛ la ŋɔ, “Hé tɔ nyoa dɛ́ le o nɛ!” Belaa a lɔ baa la bil nɛra la siwi ta. A ta on wobɛlbwa ɛɛ, dɛ le o nɛɛ dɛ kaa.

Amanesoma Luk Aa Chwera Tɔn 9:42

Bie la aa dɛ ba la, kwaa la ɡoo harɛ dɛ ɡel o beŋri. Yeesu kɔr kwaa la, dɛ chah bie la, dɛ kpɔɔ tɛ o mɛɛ.

Amanesoma Jɔn Aa Chwera Tɔn 13:18

He bwa waa laa mɛɛ bol, dɛkalkɛŋɔ n jemɛ banɔ la maa lee ba. Anɔ ɡelɔ waa baa chwera Korowii Tɔn bini la ɛ kasinteŋ kɛŋɔ, ‘N dansom n ne waa pɛ nɔn di kondikwaa la, onee ɛɛ mɛ dɔm.’

Tɔn Pɔɔl Aa Chwerɛ Rom Tena 16:20

Korowii waa dɛ tɛ yaa deŋnesɔɔhna la aa biɡri chɔɡ Bɔnsam ne o toma, ásɛ he tiɡri o nɛ. Yá Dɔɔ Yeesu Kristo cha heya.

Tɔn Pɔɔl Aa Chwerɛ Rom Tena 8:33

Umee dɛ́ won na Korowii bii waa lee ba nɔ bwara wechɔɡe bɛl dɛ bolɔ? Korowii kwara waa dɛ pa bole la, o ŋɔ ba waa wer dɛɛ su o siwi.

1 Jɔn 3:8

Nomɛlbwa waa teŋa dɛɛ ɛ wechɔɡa la ɛ Bɔnsam nɛn, dɛkalkɛŋɔ harɛ mumpar la bwaa Bɔnsam le dɛɛ ɛ wechɔɡa. A waa Korowii Bie la koh ba harɛ nɔ ta dɛ ba chɔɡ Bɔnsam toma bwa.

Tɔn Jud Aa Chwera 1:23

Hɛ́ɛ lɛ nɛra baa dɛ ba wechɔɡa ta joe kɛŋɔ baa dɛ to kon dɛ́ le nii ta la. Hɛ́ɛ sune bane ɡe nɛɛ dɛ́ɛ cha ba, kɛ hɛ́ɛ nyiŋi kɛrɛdɛ ásɛ ba wechɔɡa bɛ heyaa ba bu.

Tɔn Jud Aa Chwera 1:9

Nyundua toroma bwa nomoa Maekel ɡba ta a dɔŋa ɛɛ bwa. O ne Bɔnsam aa dɛ yo dɛɛ tɔŋle dɔŋa Mosis lale waa dɛ́ jemɛ ba bini onɔ la waa dɔɔ la, Maekel kwaraa ta liire kɛ ó bol Bɔnsam wobochɔɡe. O waa waa bola bwaa kɛŋɔ, “Korowiirii dɛ́ dii kasinteŋ.”

Wepila 17:14

Ba ne Pebie la ɛɛ yo laalee, ásɛ Pebie la ne nɛra waa lee ba, dɛ kpɔ ba teŋɛ o nɛɛ ba waa dɔ kasinteŋ la pɔ ba nɛ, dɛkalkɛŋɔ onee Dɔɔranar Bwa Dɔɔ dɛ ɛ Koranar Bwa Kooro.”