Sekaria 2:4 - mzwDBL

⁴ dɛ ŋɔ o be ŋɔ, “Chwa la ka ŋɔ bonɔmbii la be ŋɔ bɔr toole bá ma danjwɛɛ bar Jerusalam kpa, dɛkalkɛ nɛra ne kondɛɛra warɛ o ta.

Sekaria 2:4 Iomraidhean Croise

Ɛsta 9:19

A waa Juu tena baa lɔ bwɛjeɡre ta kpɔ a ɡɛ korobie la tɔpera fi dɛ anaarɛ wee la ɛ ba tɔpejen, dɛ di kwa dɛɛ lɛ ba sie, dɛ berɛ dɛɛ kɛ kwaa o ta.

Aesaya 33:20

Hé nyiŋi Saayɔn, bwɛjen yaa dɛ di tɔpejena o ta la. Hɛɛ nao kɛŋɔ Jerusalam dɔ deŋnesɔɔhna ne soɡa, kɛŋɔ tɛnte dea waa cheɡɛ o buɡ ta, saŋ bɛlbwa, o daa baa kpaara do harɛ dɛ kpɔ baŋro la aa fome kpa bwa, ɡɛɛ o ɡboɡbie ɡe aa wola chaa.

Aesaya 44:26

Menee ɡela waa n toroma aa bol la ɛɛ ɛ kpela. Menee ŋɔa nɛra ɛɛ berɔɔ bá so Jerusalam, Juda bwɛɛre a fa aa paɡra la, bá berɛ kwaa vɔrɔwa.

Aesaya 49:20

He bii baa kaa lol ba harɛfale ta la ɛɛ ba ŋɔ he be tɔpebɛlee ŋɔ, ‘Ya farɛ harɛ nɔ ta to, waa kanɛ tɛ yaa. Tɛ yaa bɔr yá so!’

Aesaya 54:16

Menee ta loɡre, o yon kpɔ nii do hɔla ta dɛ́ lɔa a hɔ, dɛ́ kpɔ buni do dɛ́ loɡɛ dɔmkwa. Menee ta laa tena ɡe, ba kpɔ dɔmkwaa yo dɛɛ chɔɡ kwa.

Jeremia 1:6

Anee n chaŋe ŋɔ, “Nemenɛ Korowii, n ta ɛ bechala, maa wobol jemɛ.”

Jeremia 31:24

Nɛra ɛɛ berɔɔ ba so Juda harɛ bwɛɛre bwa ta, paara ne peteɡra baa dɛ teɡɛ ba kondɛɛra bwa.

Jeremia 31:27

“Men Korowii bolɔ ŋɔ, tɔpera ane dɛ ba ásɛ n ɡel nɛra ne kondɛɛra ba su Israel ne Juda harɛ bwa ta.

Jeremia 33:22

Mɛɛ ɡeloo n bonɔɔ Devid naanar, ne Lewi dea tena baa ɛ n Dea sɔfore mun ya kohona, ásɛ ba bɛ won kur ba, kɛŋɔ baa wola won kure weweela kɛɛ mpo nyoa hɛŋle la.”

Ɛsekeɛl 38:11

Hɛɛ ŋɔɔ hɛɛ ka yo Israel harɛ ta bwɛɛre baa dɛ lii kɛŋɔ ba soɡe deŋnesɔɔhna ta, baa wola danjwɛjena mae bara, a ba ɛ kɛ aa dɔ doonyoo ba kpɔ bune dɛɛ kaɡra laanee.

Daneɛl 1:17

Korowii tɛ ɡɛ bonɔɔna banaarɛ la wejema ne waa mun noe, ba won kure tɔne dɛ jemɛ chwera ɡe kɛrɛdɛ. Dɛ Daneɛl berɔ won wepila ne deera bwa soo siwi mun baɡla.

Daneɛl 1:4

Ba bini bonɔɔna baa wola kirihiah dii dɛ do wer, dɛ́ dɔ bambile hweli komɛlbwa waa hweli, dɛ dɔ lem dɛ́ won dɛɛ no waa mun warane, dɛ chɛ kɛŋɔ bá won ɛ toma koodem. Ásɛ Aspenas baɡ ba Babelɔn tena wobol ne o chwera.

Maeka 7:11

Jerusalam tena, tɔpere bɛl dɛ ba ásɛ he berɛ kwaa ma he bwɛjen danjwɛɛre la, dɛ́ paɡri he harɛ jwɛhre kaa sie.

Sekaria 1:16

Mɛɛ sune Jerusalam tena nɛɛ, dɛ́ berɛ ba bela, ásɛ ba kwaa ma n Dea ne bwɛjen la bwa. Men Koranar Bwa Kooroo bola.’

Sekaria 1:17

Korowii nyundua torome berɔ ŋɔ kenii Koranar Bwa Kooro ɛɛ bol, ‘Mɛɛ ɡeloo n bwɛɛre la berɛ dɔ a te, ásɛ dɛ larawe n nɛra baa lɔ Jerusalam bwara, dɛ́ kpɔ bwɛjen la ɛ n kon.’

Sekaria 12:6

Awola tɔpere la, mɛɛ ɡeloo Juda nomonome do kɛŋɔ koropɔɔto ninhɔla aa suu dɛ́ do dahola baah dɛɛ hɔ, kɛɛ kapɛle aa lɔ mea baah ta dɛɛ lawɛ nii. Baa chɔɡ harɛre aa bar ba la nɛra bwaa, kɛ Jerusalam tena te ɛɛ so ba buɡ taa deŋnesɔɔhna ne.

Sekaria 14:12

Weechɔɡa Korowii aa dɛ ba kpɔe ba ta harɛre a nɛra aa ba yo Jerusalam tena laanee nɔ. Ba bwadabii ne ba sibie ne ba nyondoŋa ɛɛ pɔɔh, dɛ ba ta serewɛ.

1 Timoti 4:12

Bɛ ɡel nɛra koh kɛ he ɛ bechala nomanta, dɛɛ ɛɛ sisawa, kɛ ɡel nɛra baa yarada Yeesu la na ɡɛ haa dɛ bol wa, ɡɛ he da aa doa, ɡɛ haa dɛ nyin nɛn, ɡɛ haa yarada Yeesu dɛ kpɔ he te tɛo, ne ɡɛ haa laa he te kpɔ wedoŋa ta, ásɛ dɛ hweli waa le a ta.