Sekaria 11:3 - mzwDBL

³ Hé no koranar baa do kɛ peteɡra la wii baa dɛ wi, ba jirima baa dɔa bwa tonɔ. Hé no nyujentena sii aa dɛ si kohona, kɔr o daa aa fara a do o bini Jɔɔdan Moo nyoa bwa chɔɡɔ.

Sekaria 11:3 Iomraidhean Croise

Yela 22:21

Lɛɛ mɛ n dɔma baa do kɛ nyujentena nɔ nɔn ta, lɛɛ mɛ le n dɔma baa do kɛ, nabala nyeɡlare nɔ nyoa.

Aesaya 5:29

Ba ɡbɔɡa do kɛŋɔ nyujentena aa dɛ si. Gɛ nyujente lawɛ ol dɛ́ yon tuuɡu dɛɛ kaa dɛɛ kɔɡre la, ɡɛɛ ba lawɛ n nɛra dɛɛ kaa, dɛɛ ɛ, nomɛlbwa aa wola won lɛɛ ba.

Aesaya 65:15

He sɔn ɛɛ berɛ tooh tɛ nɛra maa lee ba tɛ n te laanee. Men Nemenɛ Korowii ɡbaɡba ɛɛ kpoo heyaa, dɛ́ tɛ banɔ la baa dɛ duu mɛ kɛrɛdɛ la sɔnfale.

Jeremia 2:15

He dɔma do kɛŋɔ nyujentena dɛɛ si, dɛ ɡel he harɛ berɛ pua hɛŋle ɡbo harɛ. He bwɛɛre fuoh, nɛra chwa le a ta kaa.

Jeremia 2:30

Pɛɛpɛɛ n tɛr he deŋne, haa nyin kɛ he charɛ he liire le waa haa dɛ ɛ ta. He kpoo keamere maa tom ba he be kɛŋɔ nyujente lɔr aa dɛ kpoo ken.

Jeremia 26:6

Dɛ he ta teŋɔ dɛɛ ɛ deŋnekpeɡ aa, ate waa maa ɛ Silo laanee mɛɛ ba n Dea bonɔ ɛɛ, ásɛ harɛre nɛra bwa kpɔ bwɛjen Jerusalam sɔn ɛ kon baa taahno.”

Jeremia 49:19

Gɛ nyujente yon le Jɔɔdan Moo kɔr bini ba kaa harɛdɛɛɡe ta ka di la, ɡɛɛ men Korowii ɛɛ ba Edom tena doŋa le ba harɛ ta. Ásɛ nomoa maa leo la tɔ ba sie dɛɛ nyiŋi ba nɛ. Umee bá won kpɔ maɡ mɛ nɔ? Nomɛlbwa aa won tɔŋle mɛ. Kooro besoo dɛ́ won che n sie nɔ?

Jeremia 50:44

Gɛ nyujente yon le Jɔɔdan Moo kɔr bini ba kaa harɛdɛɛɡe ta ka di la, ɡɛɛ men Korowii ɛɛ ba Babelɔn tena doŋa le ba harɛ ta. Ásɛ nomoa maa leo la tɔ ba sie dɛɛ nyiŋi ba nɛ. Umee bá won kpɔ maɡ mɛ nɔ? Nomɛlbwa aa won tɔŋle mɛ. Kooro besoo dɛ́ won che n sie nɔ?

Jeremia 7:4

He bɛ nɛra baa dɛ teŋe nyosone nɛɛ teŋɛ kɛŋɔ baa dɛ bol ŋɔ he dɔ deŋnesɔɔhna la. Ba yon ŋɔ, Korowii Dea laanee la! Korowii Dea laanee la! Korowii Dea laanee la!

Ɛsekeɛl 19:2

dɛ ŋɔ, ‘Na ɡɛ he nya aa do kɛŋɔ nyujente nee! O dɛɛ o bii nyujentena ambala aa do ɔma baah.

Hosia 10:5

Nɛra baa soɡe bwɛjen Samaria ɛɛ ɔmɛ suuɡaswɛm baa kpɔa loɡɛ nabale o do bwɛjen Bɛt Avɛn la waa. Ba ne sɔfore baa dɛ tomɔ la bwa ɛɛ wiu kɛrɛdɛ, ba sie aa o we-ɛɛla taa lɛ, dɛkalkɛ ba laa kpɔ le ba be kaa bojaŋ harɛfale ta.

Joel 1:13

Sɔfore, hé kpɔ lweyale tɔ dɛɛ wi, heyaa dɛɛ ɛ toma saraha kon la ta. Hé la Korowii Dea ka so jwaana bwa dɛɛ wi, dɛkalkɛ mea kɛɛ sen sarahare aa Korowii Dea ba kpa.

Emɔs 8:8

Harɛ la ɛɛ jiɡruu a waa, ásɛ nomɛlbwa waa soɡe harɛ la ta di suna. Harɛ la dɛ́ ba dɛɛ beɡre kɛŋɔ Nael Moo yon su, ásɛ dɛ berɛ hweeh ka chɔ o buɡ ta la ken.”

Sefania 1:10

A ɡɛ tɔpere la, hɛɛ no wii le bwɛjen Jerusalam Pɛŋa Doonyoa bela, dɛ́ no wii le bwɛɛ la bwɛfala pera, ásɛ ɡbɔɡa kohona ɛɛ le deŋɡarere aa bɛne bwɛɛ la dor.

Sefania 3:11

Gɛ tɔpere la, maa ɡel sihiih kpo heyaa he deŋnekpeɡ haa ɛɛ mɛ la waa kpa. Mɛɛ le mbarafo tena bwa nee n bwɛjen nɔ ta, ásɛ bɛlbwa ɡe aa won ɛɛ mɛ sisawaa n bweɡoroŋ n Dea aa chɔŋɛ o ta la ta kpa.

Sefania 3:3

Bwɛjen la nomonome do kɛŋɔ nyujentena aa dɛ dooɡe lɔŋɔre ken, o koranar ɡe do kɛŋɔ ɡboli aa lawɛ ol jɔmɔra, aa wola won haŋre dɛ́ ɡel hoɡ ɡba ka tɔɔ per o ta.

Sekaria 11:2

Dadɛɛɡa, hé wi, dɛkalkɛ peleme cholo, dajena kwaraa bwa chɔɡɔ. Basan harɛ dajena, hé wi, ba teŋni kɔr la daa aa farɛ o bini bwa.

Sekaria 11:8

Korobibeŋkpoŋ ɡbo ta, n doŋi peteɡra batoro bane baa hah mɛ. Peera la chwao le n be, n mee le a wa.

Matiu 15:14

He bɛ ban dawɛ le! Ba ɛ nyoŋa baa dɛ tɔ nyoŋa sie. Nyoŋe lawɛ o dɔŋ nyoŋe daa aa, ba bwa dɛ le bɔɔ ta.”

We-ɛɛla 7:52

Korowii keamere la bini ume nɛɛ he naawa aa wola cheɡɛ dɛ ɛo saɡasaɡa nɔ? Ba ta nɛra Korowii aa toma ŋɔ bá ba bol o Bonɔɔ la bala waa la kpooraa? Waa bala la, he ɡe ta on yoɡe dɛ kpoo wa aa?